أصحاب الباترول ...ما رأيكم بهذه المشكلة ؟

[رعد الضحى]

السلام عليكم

يا إخوان عندي تهريب زيت وعرضته على ميكانيكي وقال هذي ( صوفة الصدر) بالمكينة

مكان الموتر عند البيت صار مبين فيه التهريب

قال لي واحد إن تركيب الصوفة هذي صعب وإن المشكلة هذي شائعة بالباترول

وقال إتركها دام التهريب خفيف ..بس انا ماني مستانس

أبي رأي اللي له تجربة بالموضوع وشكرا لمن يقدم اي مساعدة

موتري موديله 98

[رعد الضحى]

للرفع اللي عنده تجربة لا يبخل

[ابومناور]

وعليكم السلام
صارت معي وغيرتها الصوفه 30 ريال والتركيب 80 سوبر سفاري 98
وتوكل على الله وركبها

[nejjer]

عادي تصير بكل السيارات هذي صوفت عمود الكردان فيه صوفتين وحده بالامام ووحده بالخلف وسبب هذي المشكله بالاغلب تكون من السيفون تطول ماتغيره وتسكر فتحاته ويزود ضغط الزيت داخل المكينه ويبحث الزيت عن اضعف منطقة ضعيفه داخل المكينه للخروج ويبداء يضغط على الصوفه لين تبداء بالتهريب

[عقيد حرب]

اخوي رحلك لمهندس فاهم لان بعضهم يقول لازم افك هلقطع كلة وينثر نص السيارة عشان


الصوفة مع انة مثل ماقال ابو مناور تنفك لحالها


تقبل مروري

[كساب الطيب]

يا طويل العمر
انا كان معي باترول 99 منفجره الصوفه
وغيرته جديده والله ناسي السعر

وسمعت ان سببه اذا عشقت الدبل وخص الثقيل وتليت الموتر تنشق

وغيره وتوكل على الله

[الوسيطاء]

اخوي المشكله انك زدت الزيت عن حده المعروف ولذالك مع الدفع القوي يخرج الزيت

مع اي تنسيم ويوسعه واذا تبي شوري حط زيت فوكس العلبه الطويله وتسكر الوضع

[أبوعمار]

السلام عليكم اخوي رعد الضحى انصحك تروح لبو صالح التركي بالصناعيه القديمه هو الي عند الحل رقمه جواله 0504118191 هو انشالله تلقا عنده جواب لسوالك لانه لولله ثم هو حل لي مشكله موتري معي سفاري موديل 96