وش الحــــل

[II^العازمي^II]

ياجماعه ماكو حل حق الطحالب و القصيع

علموني ترى زهقت

يعني شلون مانحدق

[بو راشـد]

السلام عليكم ورحمة الله وبركاته
والله ياخوي أهي مشكلة بس الحل هو يا تغير المكان ألي تصيد فيه وتجد مكان أنظف. او جرب هلطريقة بأن تحدق بدون البلد (الثقل).
وجوف بس عندي سؤال ماهو القصيع يمكن أعرفة بس المسمى عندنه غير.
وتحياتي لك..............................

[كبير النواخذه]

اخوي بوراشد ..انا اعتقد ان اخونا العازمي يقصد الطحالب والنو الي تستوي تحت الطراد

اخوي العازمي ..هل تقصد ماهو الحل للعوالق التي تعلق تحت الطراد وتؤثر على سرعته وخفته..؟؟

ام غير ذلك..؟

[II^العازمي^II]

لا يا كبير النواخذه



أنا اقصد عن الطحالب ( اللون الاخضر )

القصيع ( اللون الادعم )

اللى يتعلق بالخيط او انت قاعد تحدق

هالايام هاذي



:/>:>:>

مع تحيات : العازمىى

[كبير النواخذه]

اخوي العازمي انا حسب معرفتي المتواضعه ان البحر له مواسم ..يعني مواسم للنباتات الي تحت البحر

وهذه حكمه الله سبحانه وتعالى لتوفير الغذا للاسماك ودوره الحياه


لذلك ماعتقد ان هذا الشي ايطول كلها فتير بسيطه ان شاء الله وتعدي

بس جرب اتغير المكان ..روح مكان ارضيته غير ..يعني اذا الارضيه عندك صخريه ..روح رمليه

الله ايوفقك

[gulfhunter]

السلام عليكم ورحمة الله وبركاته


حياك الله أخوي العازمي في منتديات مكشات وبالأخص الخيمه البحريه وان شاء الله تلاقي اللي يسرك ويرضيك


بالنسبه إلى الشن اصبر اشوي كلها شوية ايام وتجيك البوارح وتنظف البحر ان شاء الله

يعني كلها شهر او اكثر شوي ويزين البحر

تحياتي لك وللجميع

[شبح البحر]

والله هاذي شىء لابد منه
ولاكن الواحد يحاول يبعد عنها وهي لاتوجد في كل مكان
في أماكن لاتوجد فيها طحالب

[CENTER]تحياتي لكم[/CENTER]

[شبح البحر]

اأخوي المشرف ألاحض أن ما في أحد في المنتدى
أرجوووووو أن تعطيني وقت دخول الأعضاء