هل من الضروري تغيير الجنزير اللي في المكينة

[سوبرمان]

إخواني وأحبائي في منتدانا الغالي
السلام عليكم ورحمة الله وبركاته
إستفسار وآمل بإفاده عاجله من المختصين ، وجزاكم الله خيراً .
أنا عندي سيارة سوبربان موديل 1999 حجم 15 ( 4*4 ) يعني دبل دفرنش وماشية تقريباً 150000 ميل ، والحمد لله السيارة ماشي حالها .
سؤالي هل من الضروري أن أغير الجنزير اللي في الماكينة ؟

[aziz2727]

حسب علمي والمتبع في اكثر الوكالات انه من الضروري تغيير الجنزير كل 100.000 كم نظرا" لان اغلب السيارات الحديثه اصبح الجنزير نوع من انوع الربر بدل من الحديد الذي كان يستخدم في السابق وهذا حسب علمي القاصر
وننتظر افادة ذوي الخبره .

[تنوم]

السلام عليكم ورحمة الله وبركاته
اغلب السيارات اخوي التاليه يكون الجنزير من الربل لتخفيض ضجيج المحرك فاذا كانت سيارتك من هذا النوع فلابد من تغييره لكل 100 الف كيلو لانه اذا انقطع لاسمح الله المكينه تتضارب مع بعضها البعض يعني تخبط هذا ماحصل مع ابن عمي هذا والله اعلم وصلي الهم على نبينا محمد وعلى اله وصحبه وسلم

[باترول 4×4]

أخوي تنوم وش نوع سيارة ابن عمك ؟ لأن بعض السيارات الكبيرة مثل الجيوب - حسب علمي - ان الجنزير حديد ، أم الربل فيكون في السيارات الصغيرة . والله أعلم .

[الدبوس]

السلام عليكم ورحمة الله وبركاته
نصيحة لنفسي ولكل مسلم لاتغير شي في السيارة إلا لين تطلب منك لعدة اعتبارات :
- ربما تفك المكينة ويحدث خطأ من الميكانيكي ولا يعلمك مخافة أن تغرمه وتحدث مشكلة .
- قد لاتضمن القطعة التي سوف تغيرها أو تكون تالفه (أي متأكلة في المستودع ويصرفونها عليك)
- قد لايكون الميكانيكي ماهراً ويحدث تسربات من الوجيه .

وقد حدث لي قصة وبختصار (كانت معي سيارة فورد قبل 6 سنوات وسمعت عن طرمبة البنزين وعطالها فقلت لنفسي أغير الطرمبة لا تتعطل علي في طريق ثم أبلش وهي مافيه إلا العافيه والموتر زي الساعة ومن القراده قمت بتغييرها عند ورشة بعد شريت الطرمبة 700ريال من الوكالة أصلي وكامله ركبوها عبيت البنزين فل ومن صباح الله خير دزيت يم روضة التنهات وأنا راجع مقابل حي السفارات على الخط السريع قام الموتر يقطع وانبير البنزين النصف شغلت شغلت المهم طلع من البنزين قاضي بعد ما حسبت المشوار من الرياض إلى التنهات وشي من الدوجي الساعة 12 ليل جبت بنزين صبيته شغلت أشتغل مشيت فللته واليوم الثاني وأنا عند الورشه وشهر والموتر معوكس من وديته لهم قالوا طرمبة واشتري طرمبة جديدة بـ 700 ريال ويركبونها وبعدها 6 أشهر طرمبة جديدة 650 ريال والله ان هذا اللي حصل ، باختصار لقافتي يوم أني أغير شد بلده وهو ماشكا من شي .

[سوبرمان]

الشكر لجميع الإخوان

aziz2727

تنوم

باترول 4×4

الدبوس

وجزاكم الله خيراً على النصائح .