اين تباع الاجهزه الاسلكيه في الرياض؟؟؟؟؟

[فهد الخليفة]

السلام عليكم

اخواني ماخليت محلات الا ورحت لها في الرياض
ابي جهاز ايكوم
المرسلات
والمحلات الي في الدايري
كلهم يقولون معاد نبيع منعوها عننا
وش الحل اذا ابي جديد وفي الرياض ؟؟؟؟؟

[as00]

ياخي فهد موجودة الاجهزة بالمرسلات انا مشتري واحد قبل اسبوعين جديد

[ابوعدي]

دور في خيمة البيع والشراء مستعمل ويكون اصلي ونظيف افضل من الموجود بالسوق وارخص لكن اهم شي يكون نظيف واصلي
والله يوفقك

[فهد الخليفة]

ياخي فهد موجودة الاجهزة بالمرسلات انا مشتري واحد قبل اسبوعين جديد

يرحم ابوك دلني على المحل الي شريت منه
ورب العباد مافيه محل كلهم يقولون ممنوعين
العامه والخليفه

[فهد الخليفة]

دور في خيمة البيع والشراء مستعمل ويكون اصلي ونظيف افضل من الموجود بالسوق وارخص لكن اهم شي يكون نظيف واصلي
والله يوفقك

للاسف مافيه احد داح يبيع

[as00]

اخوي فهد تلقاه عند محل دار البوصلة في المرسلات قيمتة 1350

[أبو كريم 91]

المرسلات والدايري الشرقي كلهم يقولون مافيه اجهزه لاجديد ولا مستعمل
الي مر الحراج ياليت لو يفيدنا متوفر ولا لا

[متيم ضباء]

ما السبب من عدم بيع الاجهزة ؟؟؟

هل هي حركة من التجار لرفع الاسعار او بسبب تشديد الرقابة عليهم ؟؟؟

[ابو بدر444]

ما السبب من عدم بيع الاجهزة ؟؟؟

هل هي حركة من التجار لرفع الاسعار او بسبب تشديد الرقابة عليهم ؟؟؟

او كل السببين

والارجح جعل الرقابه سلم لرفع الاسعار

الله يكفينا شي الجشع

[سعود501]

موجود بحراج بن قاسم

[hisham007]

والله ياخوي مالك الا العامه مشتري قبل اسبوع من العامه الياسو VX-8DR
ارسل واحد غيرك شكلهم خافو منك ههههههههه. .
تحياتي 73

[LX 5555]

العظو اجهزة يدويه لحد الأن يبيع وموجود بالموقع

http://www.aljwalln95.com/
وعندك هذا الموقع فيه كل اللي تبي

لتواصل السريع

جوال 0562213399

ماسنجر aljwalln95@hotmail.com


وهذا موظوع في نفس الموقع تقدر تطلب منه مباشره بس ترى الأسعار زادت بعد المنع حطه في بالك
http://www.mekshat.com/vb/showthread...101163&page=37
وأي خدمه انا حاظر
lx5555

[باسم الكندي]

الآن فيه تشديد غير طبيعي من إدارة الإتصالات السلكية واللاسلكية التابعة لوزارة الداخلية يمنع إقتناء وبيع الأجهزة اللاسلكية بدون تصريح وياكثر المحلات اللي تقفلت..
والتصريح شغلته شغله يبي لك اختبار وتدفع مبالغ ورسوم باهضة من أجل تصريح مدته 3 سنوات مدري سنة..
يارجال مالك حل غير مثل ما قالولك الربع اشتريه من الحراج من النت أو عن طريق معارف وبالعكس المحلات بيستغلون الرقابة عليهم وبيرفعون الأسعار الله لا يوفقهم دنيا وآخرة..

انا مثلك الحين أبي أشتري مجموعة أجهزة معينة بمواصفات معينة مو محصل، وكل الأجهزة المعروضة للبيع على النت يا تنباع بسرعة يا تجيك مضروبة..

[حسين العبادي]

مطلوب ايكوم 2100 على شرط ايكون اصلي (ياباني) مع كافة اغراضو للضرورة للبر الي عندو للبيع انا جاهز للسعر المطلوب مع التوصيل الى عمان (الاردن) لاتبخلو علي بلجهاز يا اهل السعودية انتم اهل الكرم والجود انا بحاجة للجهاز وهاض رقمي 0797433836(00962) حسين العبادي

[فرقاص]

مفترض عدم ذكر المحلات التي تبيع او تصلح بالنت..