التوقعات اليومية + وصف الحالة الجوية + آخر أخبار السيول والأمطار(( 16 ))

[ولد الوشم]

صوره رووووووووعه اخوي خط الاستواء

الله يتمم بالامطار و الخيرات

[برق الشمال]

الله يبشركم بالخير يالأخوان
أن شاء الله تعالى الخير جاي

[مخاوي سحاب]

الدوادمي الساعة 1:30 بعد الظهرالخيال يردم على الشرق والجنوب الشرق
اتوقع انه حول لبخه اوحويته والله اعلم وهذي صورة لسحابة على الشرق
ملاحظة الخيال يروح جنوب شرق
الرياح جنوبية شرقية خفيفة

اخوي خط الاستواء صورة جميله جدا واذا كانت الصوره ماخوذة من الشرق وراس النصب يلتقت الى الغرب فهذا يعني بان السحاب بخيل من جهة الغرب بخيال طيب باذن الله مثل ماقالوا الشيبان الولين السحاب يحن وهي ماخوذة سير الابل عندما تتقدم احد الابل بمسافة بعيده عن باقي المجموعة فهي تسير ورقبتها تلتفت الى الوراء بانتظار باقي المجموعة - كلام شيبان - الله يلحقنا خير

[أبــوريـــان]

ولله الحمد السحاب بداء يزين في بريدة وهذي صورتين...الساعة30-2 ظهراً
1



2

[""الشاهين""]

صوت الرعد الآن مدوي والسماء ملبده بالغيوم الرعديه الممطره
الساعه 2:57 ظهراً صوت الرعد تقول يجرجر عجل .

[جدة غير]

الله يبشرك بالخير
أخوي شاهين
أخوي أبو ريان
الله يشرك بالخير
جزاك الله خير على الصور الجميلة مشاء الله تبارك الله
فعلا السحاب بدا يزين عندكم في بريدة
مشاء الله تبارك الله
اللهم أغثنا
استغفر الله وأتوب إليه

[""الشاهين""]

المطر يهطل الآن رش كبير
الساعه 3:3

[جدة غير]

إيوة جزاك الله خير
عطنا الأخبار أول بأول
أن شاء الله تعالى الخير جاي

[أبــوريـــان]

الله يجزاك خير يابوخالد وعقبالكم ان شاء الله

هذي صورة لسحاب الساعة 3 عصراً

[((أبو أسامة))]

السحاب مطصك والدنيا بدأت تدلهم من غرب

الصورة التي وضعها خط الاستواء تدل على خيال جاهز ومستوي بس تم تقريب الصورة زيادة

[خط الأستواء]

الدوادمي الساعة 3 العصرالخيال زان جهة الغرب والجنوب الغرب مزن مغطيه السدا والرادو فيه بروق
ماتبطي والرياح جنوبية شرقية والله يغيثنا .
جده غيرعسى الله يجيب لكم السيل ولكل الديار
مخاوي سحاب لقدأستفدت من كلامك معلومة جديدة والأولين أغلب كلامهم صحيح والخبره له دور
الشاهين الله يبشرك بالخير

[((أبو أسامة))]

يالربع اللي وده يظهر من أهل الرياض يخايل الخيال من غرب وقبلة طيب والله يغيثنا و لا يتكلنا على أنفسنا


الحمد لله السحاب توسع إلى جنوب غربب القصيم شيء طيب جدا


أسأل الله الملك الكريم من خيره العظيم

[سكتون]

الرياض
الساعه 3:17 عصرا
الغيوم تبشر بالخير وبداية نشوء كثيف من جهة الغرب
والجو بادي يضلم

اللهم اغثنا اللهم اغثنا اللعم اغثنا

[((أبو أسامة))]

متفائل جدا

أنت الآن موجود عطنا علومك الحريق وما حوله

[((أبو أسامة))]

رش على الدلم في أول الدلم