هذا اولها يا توكيلات الجزيرة ... وعسى الله يكفينا من تاليها ..

[بن نويشر]

السلام عليكم

قررنا نشتري سيارة للعائلة ، قلنا يا ولد خلنا نتوسع العيال كبرت وضاقت علينا السيارة القديمة . وطاح الخيار على اكسبديشن موديل 2012، توكلنا على الله وجمعنا الدراهم ودفعت عربون بالوكالة يوم الثلاثاء الماضي 13/4/1433هـ وكملنا المبلغ يوم الأربعاء 14/4/1433هـ وإلى اليوم ما استلمنا السيارة .
المره الأولى قالوا السيارة بجدة بتتأخر يومين إلى 3 أيام .. ما فيه اللون اللي طلبته علماً بأني طالب لون أبيض وما فيه أحد يرغبه .. قلنا ما يخالف .
المره الثانية قالوا: السيارة في الخرج (المستودع هناك) يعني راحت من جده للخرج ليش ؟؟ وليش ما جت للرياض مباشرة ؟ قالوا: ضروري تمر على المستودع على يفكون التربيط مدري أيش .
المره الثالثة قالوا: معليش صار فيه خطأ مدري غلط في الطلبية .

وكملنا اسبوع ما حولك أحد والمشكلة أن عندي مناسبة عائلية يوم الأربعاء قلنا بنكشخ يا ولد وخلي الأولاد ينبسطون لكن للأسف توكيلات الجزيرة ما همها خدمة الزبون ، كلمتهم هذا اليوم وقالوا: إحتمال يوم الخميس .. معقولة يا جماعة الخير هالمماطلة ؟؟؟

يعني لو أني رايح وشاري الموتر من النسيم أو الشفاء كان في خلال أقل من 24 ساعة وأنا خالص ...

لكن ما أقول إلا الشكوى لله ...

[يكفيني نظرة]

ولا تزعل لك رساله على الخاص..

[البقممي]

الله يعطيك خيرها ويكفيك شرها والله يوفقك وانا اخوك ..

طيب ماطالبت بتعويض عن هالتآخير والمماطله ..

[ذيب صعافيق]

انتبه يمكن السيارة انصدمة

[ذيب صعافيق]

السلام عليكم

قررنا نشتري سيارة للعائلة ، قلنا يا ولد خلنا نتوسع العيال كبرت وضاقت علينا السيارة القديمة . وطاح الخيار على اكسبديشن موديل 2012، توكلنا على الله وجمعنا الدراهم ودفعت عربون بالوكالة يوم الثلاثاء الماضي 13/4/1433هـ وكملنا المبلغ يوم الأربعاء 14/4/1433هـ وإلى اليوم ما استلمنا السيارة .
المره الأولى قالوا السيارة بجدة بتتأخر يومين إلى 3 أيام .. ما فيه اللون اللي طلبته علماً بأني طالب لون أبيض وما فيه أحد يرغبه .. قلنا ما يخالف .
المره الثانية قالوا: السيارة في الخرج (المستودع هناك) يعني راحت من جده للخرج ليش ؟؟ وليش ما جت للرياض مباشرة ؟ قالوا: ضروري تمر على المستودع على يفكون التربيط مدري أيش .
المره الثالثة قالوا: معليش صار فيه خطأ مدري غلط في الطلبية .

وكملنا اسبوع ما حولك أحد والمشكلة أن عندي مناسبة عائلية يوم الأربعاء قلنا بنكشخ يا ولد وخلي الأولاد ينبسطون لكن للأسف توكيلات الجزيرة ما همها خدمة الزبون ، كلمتهم هذا اليوم وقالوا: إحتمال يوم الخميس .. معقولة يا جماعة الخير هالمماطلة ؟؟؟

يعني لو أني رايح وشاري الموتر من النسيم أو الشفاء كان في خلال أقل من 24 ساعة وأنا خالص ...

لكن ما أقول إلا الشكوى لله ...

أأنتبه يمكن السيارة انصدمة اثناء النقل ويريدون اصلاحه قبل ما تعلم

[بن نويشر]

أأنتبه يمكن السيارة انصدمة اثناء النقل ويريدون اصلاحه قبل ما تعلم

الله يستر

عند الشراء قالي يومين أو 3 أيام وتكون جاهزه

وتوني مكلمة يقول لي يا أخي يبغى لها على الأقل 4 أيام تشييك وإزالة الملصقات عن السيارة في المستودع ((معقولة)) هالتناقض ؟؟؟!!!

[مهندس وليد]

اخوي بن نويشر
هل التواريخ اللتي وضعتها في الاعلى صحيحه؟؟
اذا كانت صحيحه فالوضع طبيعي جداً
فأنت تقول دفعت العربون أمس الثلاثاء 13/4/1433هـ
واليوم الاربعاء 14/4/1433هـ كملت المبلغ !!!!!!!!!!!!!!!!!!!

[قرم العيال]

مهب انت ... حتى خالي يالغالي مماطلين فيه .. مثلك بالظبط اخذو الدراهم ولا شاف الموتر

[mad_4u]

معروف عزيزي اذا شريت سيارة من اي وكالة تاخد الاجراءات وتستلم السيارة 5 ايام الى اسبوعين
السيارة ماهي سلعة بسيطة يحطها ورا مكتبه
ايضا قبل لا يسلمونك السيارة يتاكدون من سلامتها وخلوها من اي مشاكل مصنعية وتجربته لجل تستلم شيء سليم
بالاضافة انت كملت المبلغ اليوم الاربعاء يعني ماراح تبداء اجراءات المرور غير اليوم وراح تنتهي يوم السبت
الصبر زين يالطيب
حتى ان شريت سيارة مستخدمة ماتستلمها بنفس اليوم لازم تاخد يوم او يومين تنتهي اجراءاتها من المرور وتستلمها

[m3ax]

هههههههههههههه الحين عشان ما خلصت سيارتك في يوم زعلان اخوي؟؟

اسأل اللي راحوا يشترون من الوكالات الثانية كم يقعدون اذا انت جلست يوم فغيرك ياخذ بالاسابيع واحيانا بالاشهر عشان ياخذ سيارته

[عبدالرحمن الحربي]

قبل إسبوع رحت الجميح في تبوك شريت من عندهم يوكن ٢٠١٢

من فرعهم بطريق المدينة

يوم الإثنين الساعه ٩ الصباح دفعت الفلوس بالصندوق حق الفرع نفسه +٣٥٠ ريال للمعقب حق المرور

اليوم الثاني الساعة ٩ الصبح وأنا مستلم السيارة لوحاتها راكبة وإستمارتها بإسمي

كل الشباب اللي في ذاك الفرع سعوديين زي العسل ( ماجد البلوي و حمود أبو ربع )

ماهو مثل الفرع الرئيسي جنسيات عربيه شايفه نفسها ولا يطرح لك ريال في قيمة السيارة

رحت للسعوديين نزلوا لي ٣٠٠٠ ريال .

[بن نويشر]

اخوي بن نويشر

هل التواريخ اللتي وضعتها في الاعلى صحيحه؟؟
اذا كانت صحيحه فالوضع طبيعي جداً
فأنت تقول دفعت العربون أمس الثلاثاء 13/4/1433هـ

واليوم الاربعاء 14/4/1433هـ كملت المبلغ !!!!!!!!!!!!!!!!!!!

جزاك الله خير على التنبيه ..

تصحيح فقط .. تم دفع العربون بتاريخ 06/04/1433هـ وباقي المبلغ بتاريخ 07/04/1433هـ .

لا تلومني يا مهندس وليد من ضيقت الصدر

وأرجو المعذرة من الجميع ..

[أبوعبدالرحمن الأسعدي]

يعني لو أني رايح وشاري الموتر من النسيم أو الشفاء كان في خلال أقل من 24 ساعة وأنا خالص ...

لكن ما أقول إلا الشكوى لله ...

{ وَيَدْعُ الْإِنْسَانُ بِالشَّرِّ دُعَاءَهُ بِالْخَيْرِ وَكَانَ الْإِنْسَانُ عَجُولًا }

سبحان الله تقول لو اني شاري من النسيم كان أقل من 24 ساعه وانا خالص !! علما انك كملت المبلغ اليوم ولابعد كملت 24 ساعه على الدفع !

انا اقول لاتستعجل ترى العجله شينه والتعشيم الزايد للنفس يجيب القهر والضيم .. عموما الله يبارك لك فيما شريت وعلى هونك لا السياره تبي تروح ان شاءالله ولا المناسبه طايره وفرق يوم او يومين مايخليك بهالحاله

تقبل تحياتي

[بن نويشر]

هههههههههههههه الحين عشان ما خلصت سيارتك في يوم زعلان اخوي؟؟

اسأل اللي راحوا يشترون من الوكالات الثانية كم يقعدون اذا انت جلست يوم فغيرك ياخذ بالاسابيع واحيانا بالاشهر عشان ياخذ سيارته

تشكر على المشاركة ..

المسئلة ما هي مسئلة زعل ؟؟!!

أفهم بارك الله فيك .. أنت تشتري سيارة جديدة ويقول لك مشرف المبيعات 3 أيام وتكون جاهزة ثم يقعد يماطل بك ..

في نظرك هل هذا عدل ؟؟
ليش ما يقول أول ما تجهز السيارة نكلمك وبدون تحديد موعد ؟؟
وبعدين لما تكون عندك مناسبة هامة وتروح تشتري سيارة لهذه المناسبة بوقت كاف وتتأخر السيارة ويروح عليك الموعد .. بذمتك ما تروح لذه السيارة وجدتها ..

مثال ذلك مناسبة زواج مثلاً ..

على كل حال متى صارة المواعيد إحترام عندنا ؟؟

[مهندس وليد]

الله يجزاك خير
والله ما لومك شاري السيارة جديدة أكيد بتكون على اعصابك خاصةً وهم قايلين لك بعد ثلاث ايام والحين لهم اسبوع
على العموم لا تستعجل فربما منعتَ عن شر وتذكر قول الله تعالى( (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ) )

وأحب أقولك الف الف مبرووووك عليك السيارة
الله يعطيك خيرها ويكفيك شرها
وجعلها الله عونن لك على الطاعة