بامر من سلطان بن عبدالعزيز ... تسييج فياض الصمان ...

[المرصاع]

بتوجيهات من صاحب السمو الملكي الأمير سلطان بن عبدالعزيز النائب الثاني لرئيس مجلس الوزراء ووزير الدفاع والطيران والمفتش العام رئيس مجلس ادارة الهيئة الوطنية لحماية البيئة الفطرية وانمائها بدأت وزارة الزراعة اعمال تنظيف مكثفة في فياض الصمان وحماية البعض منها.
ذكر ذلك ل "الرياض" مدير عام ادارة المراعي والغابات بوزارة الزراعة المهندس محمد بن عمر الصقهان الذي اوضح انه بناء على التوجيه الكريم من سموه فقد تم التعاقد مع احدى المؤسسات الوطنية للقيام بأعمال التنظيف.
واشار المهندس الصقهان الى ان اعمال نظافة الفياض قد بدأت فعلياً خلال شهر رجب الماضي ولا يزال العمل مستمرا فيها. واضاف انه تم هذا العام تبتير ست فياض هي ام سنينة الجنوبية وام قليب وام سنينة الشمالية وبربك ودغيم ورديفة الحاج بمحيط قدره , 9980مترا طوليا كما تم تسييج فيضتي ام هشيم وبريك ام عويذر بمحيط اجمالي قدره , 9950مترا طوليا.
جدير بالذكر ان وزارة الزراعة وبناء على توجيهات سموه الكريم قد قامت خلال عام
1418ه بتبتير سبع فياض في الصمان هي روضة القراين وام قرين ويالخمة وظلماد ومغطية العودة ورافدة مغطية العودة وحسناء بمحيط اجمالي قدره , 13870مترا طوليا. كما تم تثبيت مائة لوحة ارشادية لتوعية المواطنين بالمحافظة على الموارد البيئية في تلك الفياض وتعيين ست حراس غابات لحمايتها والتبليغ عن اي تعديات او تجاوزات عليها.
واكد المهندس الصقهان ان الوزارة حريصة على عمل كل ما من شأنه المحافظة على البيئة انطلاقاً من حرصها على المحافظة على الموارد البيئية للمملكة.

الرابط
http://212.116.192.36/Contents/31-10...OCAL1_2872.php

[قروي]

يعني إيش معد فيه دخول على هالفياض ؟؟

[راعي عنيزة]

يا سراجين يا ظلما

في كل بلدان العالم محميات طبيعيه ولكن لم نسمع اطلاقا عن محميه يمنع الدخول اليها بتاتا !!

هذولا ربعك ماعندهم حل وسط
يا يتركون الدرعا ترعا وتهمل الاماكن الطبيعيه وتترك عرضه لافساد الجهله وقليلي الادراك
او تسيج ويمنع الدخول اليها وتزهر وتربع ويموت الربيع سنوات طويله بدون ان يستفيد منها احد !

المفروض يوجد نظام للمحميات يمكن الزوار من الدخول لكن تحت شروط وظوابط ورقابه تكفل عدم افساد المكان

[فرد حمزة]

عساااااااااااكم سالمين
الشكوى للي ماتنام عينه

[الوراد]

حسبنا الله ونعم الوكيل

وبعدين وش السواة

بنقعد بيننا وبين بعض
كل واحد يعلم المقربين له بس عن متسان زين ولاهوب مشبك بشرط ان الخبر يضل سر بينهم



ياوالله البلشه

ما خلصنا من شاليهات البحر تجينا فياض البر

انا واحدن اطرّي الكشته بالشام والا السودان والا حتى كشمير

بس اهم شي احسسسسسسسسسس اني فعلآ




















كــــــــاشــــــــــت

[البدوي]

ابرك ساعة والله يبشرك بالخير خلهم يفكون الفياض من تخريبنا وياليت يحمون الصمان كلة بعد
حنا مانعرف ألا كذا الواحد منا اذا طلع البر وهو يخرب حتى يرجع.
تصدقون بالله ان قل الربيع رحمة بالفياض والله اني شايف الشي هذا فيه فياض ماتزهر وينبت سدرها
إلا اذا ماجاها ربيع أما اوقات الربيع فتعال شف القمايم الله يكرم الجميع الواحد منا كن ماهوب راجع مرة ثانية يقطع ويخرب وبعد كل حاجة تتحرك يرميها بالشوزل وإذا مامعة شوزل ركب هالموتر وتعال يطردي .

الله يبـــــــــــــــــــشــــــــــــــــــــــــرك بالخــــــــــــــــــــــــــــــــــــــــــــــ ـــير

[ذيب حوما]

هاه هم صادقين ؟ ؟ هذي والله اللي مالها دواء
هذا والله الخبر اللي مادري وشلونه
يعني وش نبي نسّوي ؟
حمايه مايخالف ؛ شبك مانقول شيْ ؛ ماناخذ سلاح كذلك 0
ما ناخذ سلاح [ يمتكن ] ولانرمي مافيه مشكل ؛ يحطّون حراس
يسوون اللي هم يبون الحكي والله لياصارن مصاليع والوحده
منهن توميلك (( تصّـــوت صوات )) هي والله هكالساعه تبي
تنفحس كبدي وتنفقع مرارتي وبأموت غبن وأنا بمكاني ؛لا بعد
وأزيدك من الشعر بيت ؟ لياقامت هالذعاذيع تهف هالخزامى
وفاحت ريحتها بغبشه مثل ريحة (( العود الأزرق )) وقامت
تلولش أم سالم مع طلعت الشمس ؛ وأنت ممرحٍِ وزان هالفياض
ومغير تلوج على هالشّبك ولالك قدره 0 هي اللي هكالساعه
(((((( يبي يجيلي عواء صق )))))) والله لأطق ولابعيني القطره
ولاقعد أهلهلن عبيريات ؛ أن يجنّـــك شخاتير
[[[ تقل خرز سبخةٍِ بيد مطفوق ومنغث ]]] ؟؟؟؟؟؟؟؟؟؟؟؟؟؟؟؟ 0
/////// ذيب حوما ///////