رحلة صيد أم الربيان

[العامري]

موسم من أحلا المواسم على قلبي وكل صياد في دولة الامارات يبدا في شهر 10
طبعا بتسأل وين وكيف ............؟
الموقع حقول النفط الأيرانيه المحادية لدولة قطر؛ في شهر 10 يكون البحر باردا غربي الخليج فتنزح هذه الأعداد الكبيره من أم الربيان الى المياه الدافئه وكذلك لوضع البيض ، حيث نقوم نحن بالصيد في اليل تحت شعلة البترول لأن أم الربيان تاتي على الضوء ، و أترككم مع الصور واسمحو لي على ردائة الصور نحن مش دايم نصور لان مشغولين في الصيد....!!!!! وهذا موسم ما يتفوت كل مطراش تبيع لك من 16000 الى 22000 درهم امارتي


صوره لام الربيان بس غير واضحه

كذلك لأم الربيان ما يقارب ثلاث خيش
وهذي الشعلة الي نصيد امامها............سامحونا على القصور.

[gulfhunter]

السلام عليكم ورحمة الله وبركاته

حياك الله أخوي العامري

تسلم اخوي على المشاركه الطيبه وان شاء الله المرات الجايه يكون استعدادك للتصوير افضل

لكن ياريت لو تتكلم عن طريقة صديها

الله يوفقك ويبارك فيك

تحياتي لك وللجميع

[Qatar_Hunter]

لعبت يالعامري وذكرتنا بايم قد خلت وهي من احلى ايامي في البحر


واحلى شي لين جوك الشرطة حط رجلك والشردة

واسمحلي بالقافة واجوب على سؤال كلف هنتر عن طريقه الصيد حيث اني لي خبره كذالك في الموضوع

فبعد مغيب الشمس تتجمع ام الربيان على سطح الماء تحت الشعلة مباشره وتشاهدهم باعداد كبيرة فالله يسلمك يقوم شخص بالجلوس في مقدمة الطراد مع العصا التي باخرها شبكة ما اعرف ايش تسمونها ( نسمية احنا مغرف) وكذالك شخصين اخرين على الجنب مع مغارفهم وسائق الطراد يدور عليهم والشباب يالقطونهم كأنهم يالقطون تفاح ساقط من تحت شجرة

واذا تمللت بامكانك اللفاح تحت الشعلة وسوف تصيد احجام من السمك عمرك لا تتخيلها


بس المساله ليست بسهلة وفيها من المخاطر ما لا يخطر ببالك من بعد المكان واي انفجار لا قدر الله للشعلة وانت تحتها وغير اذا صادوك الشرطة فالمسالة فيها مخاطر كثير والله يستر علينا فلا انصح لا اذا عند اشخاص ذوي خبرة في الموضوع

[الشمطري]

صيد مبروك

واما الطريقة شكلها ممتعه جداً

اغرف وامـــــش ههههههه

الله يرزقك من اوسع ابوابة ويبعد عنك الشرطة وتسلم من الإنفجارات

[gulfhunter]

السلام عليكم ورحمة الله وبركاته

حياك الله أخوي صياد قطر

تسلم اخوي وماقصرت كفيت ووفيت......ومايهمك عندنا خبرة كفايه في المنصات البحريه وسبق ان صدنا فيها سواء كان حداق او غوص طال عمرك..... بس المشكله ان المنصات اللي عندنا تختلف عن الموضح بالصورة وماعمري شفت منصه فيها فلير وهي الشعله.... لكن نسأل ونشوف....

لعبت يالعامري وذكرتنا بايم قد خلت وهي من احلى ايامي في البحر

الله يوفقك ويبارك فيك

تحياتي لك وللجميع

[العامري]

تحياتي ل qatar hunter أقول نوخذه كفيت ووفيت عيل جاسك هوا الشردات يقولون الشرده نص المرجله
أخوي gulfhanter أقول كفى ووفى القطري بس تعرف طراد كبير مكائن 250*250 صعوبه في الدوران و استهلاك للوقود لذلك نشيل طرادين صغار بطول 3 متر ومحرك 8 حصان 5جالون تفتر فيها ليله كامله والطراد الكبير الي موجود فيه يصيد كنعد فقط اي شي غير يرميه تعرف يكفي الذهب يوم تشوفه يطفوعلى الماء
طبعا تحت الضو كثير من الاسماك ولها أوقات صيد والسموحه
على طاري الشردات مره شردت عن الايرانيه الى حقول قطر لكن شو الجش مايصك الخيط نصف ساعه وجانا الدوري القطري ولايحوشك الى الأيراني أرحم

[العامري]

تحياتي ل qatar hunter أقول نوخذه كفيت ووفيت عيل جاسك هوا الشردات يقولون الشرده نص المرجله
أخوي gulfhanter أقول كفى ووفى القطري بس تعرف طراد كبير مكائن 250*250 صعوبه في الدوران و استهلاك للوقود لذلك نشيل طرادين صغار بطول 3 متر ومحرك 8 حصان 5جالون تفتر فيها ليله كامله والطراد الكبير الي موجود فيه يصيد كنعد فقط اي شي غير يرميه تعرف يكفي الذهب يوم تشوفه يطفوعلى الماء
طبعا تحت الضو كثير من الاسماك ولها أوقات صيد والسموحه
على طاري الشردات مره شردت عن الايرانيه الى حقول قطر لكن شو الجش مايصك الخيط نصف ساعه وجانا الدوري القطري ولايحوشك الى الأيراني أرحم

[fisherman09]

حياك الاخ العامرى بصراحة صيد طيب بس الامور اتعقدت وفيها مخاطر كبيرة والامور اصبحت فية صعوبة وما تستاهل لانة فى النهاية البحر يعطيك متى ما عرفت كيف تحترمة وتحاسب على القوانين والف مبروك على الصيد وانشاء اللة اكثر السنة الجاية

[جمران]

ماشاء الله صيد وليس أي صيد(أم الربيان)
أخي العامري معلومات أفادتني على قلة معلوماتي
بالبحر وأسماكه وكم أتمنى أن أخرج يوماً
إلى البحر وأستمتع بصيد الربيان والأسماك لكن. .
بارك الله فيك يالغالي

[شبح البحر]

شكررررررررراً على هاذي الأصور الجميلة :d
أنشاء الله صور أوضح

[البحريه]

السلام عليكم

اشكر كل الاخوان اللي اثرونا بصيد الربيان ..

بصراحة استمتعت من هلموضوع .

بارك الله فيكم وكثر الله رزقكم .

تحياتي لجميع الاخوان

[العامري]

مشكورين أخواني على التواصل والردود الطيبه
واسمحولي على الغياب مشغولين هذي الايام بصيد الخباط
وأكرر الشكر للجميع

[ABU 7AMDAAN]

هلا والله بالعامري

والله مربوشين هالايام ما ندري وين انروح .. ما شاء الله الصيد من كل شكل هالايام .. خباط صدا قباب بريه وعومه ...
الخباط مره ينزل بر ومره يغرب ومره يشرق .. قبل كم يوم يبت منه 120 خباط + 30 صدا + اربع بانات قش قول

ســـــــــــــــــــــــــــلامـــــــــــــــــــ ـــي

[الحوات]

عليكم بالعافية اخوي وسسع الله في رزقكم

[العامري]

مشكور يا بو حمدان هذي الايام الديايوه والدردمان والضلوع وايدشرقي ام القيوين
بسوي خير لو اطرش لي أحداثيه مقاربه من أجل أحسب المسافه وأفكر أشرق اذا في قبابه كذلك