ادري ان الموضوع قديم من تاريخ شهر 3/2012 لكن حبيت اشارك !
الاخوان الي يقولون ركب مكينة لكزس ومكينة تويوتا ومكينة LS1 ومكينة فتك
اختلف معهم بشي واحد !!
اذا تبي موتر مايعرف الورش وترتاح من وجع الراس بيع الباترول وبقيمته وسعر تركيب
المكينة تشري لك جي اكس 96 او 97 نظيف 24بلف مكينة جبارة وشد وكاله تسلم من
الورش ووجع الراس !
انا ما اتكلم من فراغ اتكلم لك من تجربة لاني عانيت وتبهذلت من ورى الترهيم وخساير
قامت وقعدت لكن الحمدلله الخسارة بالعمر اما الفلوس تروح وتجي !!
الترهيم كل شوي تطلع لك مشكله اما البرمجه فيها مشكلة او الكهرب او القير يقر معك مايغير
وكل شوي مكسورة الجلبة حقت القير وتعال نزل قير وركب قير
او الحساسات يبي لها تنظيف او الكرتير يضرب بالدفرنس
ولا رجعت للورشه الي مشتغل عنده قال لك هذا مرهم المفروض ماتشد عليه !!
وفيه واحد من الاخوان ذكر باحد الردود بالموضوع هذا
قال لازم يكون معك سيارتين اذا كنت تبي ترهم محركات امريكي !!
بالعكس اخذ لي تويوتا موتر واحد للبر وللديره وشد وكاله
مايحتاج اغير فيه شي واذا بغيت زياده عزم اعطيته
فل هوائيات ( فلتر \ هدرز ) ومراوح وشف العزم كيف !!
تطربك ديره وخط ونفود مايرده شي !!
رد مع اقتباس
المشاركة الأصلية كتبت بواسطة ابو مرسال
