سؤال لمن له معرفة من اعضاء مكشات

[رعد]

السلام عليكم ورحمة الله

انا معي جيب vxr بس المشكلة اني ما اعرف كم علبة زيت احط فية ناس تقول 6علب وناس تقول 8 علب وناس تقول شف العيار وعجزت اعرف شيء حتى الوكالة ما عندهم سالفة علماً ان موديلة 2001 . شكراً للجميع مسبقاً .

تقبلوا تحياتي

[عبدالعزيز الدباسي]

هلا اخوي رعد ،،

طيب يوم قالو لك شف العيار ،،،، شفته وتأكدت بنفسك انه ست والا ثمان

على العموم كانت سيارتي عند ورشة الرشيد (موزع معتمد) وحاطين في السيارة ثمان علب .

[abuwaleed]

الاخ الرعد
عدد العلب ثمانيه الا ربع ومجاك عندي
للمعلوميه نقص الزيت قليلا احسن من الزياده
وشكرا
abu waleed

[رعد]

بيض الله وجيهكم وما قصرتوا..

الغريبة اني شفت العيار وهو 6 علب تمام والأغرب شفتة وهو ثمان نفس الشيء .......

هذا هو اللي هبل بي ..

الف شكر لكم وراح احط فية 8 علب شوركم وهداية الله ..

تقبلوا تحياتي

[القماري]

7 و وثلاث أرباع العلبة (هذا هذا هو المعيار الصحيح ) ومثل ماذكر أحد الشباب يكون قاصر قليل ولا زائد عن المعدل ، نفس الكمية مع نيسان باترول بالطبع بغير تغيير سيفون