وين. أوضب. الباث فايندر . بالرياض . فزعتكم تكفون . قبل ما يخبّط مخي من تناقض الورش

[hasham]

السلام عليكم ورحمة الله
الحقيقة . إن الورش حاسوا تفكيري . عجزت القا ورشتين يتفقون على معلومه وحدة.
والاسواء أن اغلب الورش اللي جيتها ما يشجعون أنك تصلّح بنشر عندهم . فما بالك توضب مكينه .
ــــــــــــــــــــــــــــــ
عموماً أنا بشرق الرياض وسيارتي باث 2000 . فيه طق قوي . يروح ويجي . قالوا عمود الكرنك . وقالوا بساتم . وقالوا جنزير .
ـــــــــــــــــــــ
سبق وأن وضبته قبل سنه ونصف تقريبا بسبب الراديتر . في ورشة لشقيق احد زملائي . وبأعتبار الثقه ما سألته وش سوى أو وش غيّر. ولا ركزت وش قال .
ـــــــــــــــــــــــــــــــــــــ
والآن شوركم يالنشاما . الله لا يحرمكم اجر الفزعة .
الورش . تعرفونها !! . ومجرد فكرة الروحه لها تخوف . والمفروض أسمها . مسالخ السيارات. أو مسالخ المواطنين .
الله يهوّن علينا وعلى المسلمين كل عسير .

.........
.....

[عبقري91]

الله يسهل امرك ـ خذ الوصف وانت جاي من ١٥ مخرج رايح لمخرج١٨. تجي صناعيت الدائري لف يمين مع الخدمه. لين يجيك تثمين الحوادث زي كذا. ناسي اسمها لف معها يمين خل وجهك شمال. طبعن الشارع سيدين لين يجي مسجد يسارك هو خلف المسجد يفتح شرق ورشة الثنيان تخصص باثفندر رجل سعودي حبيب ونصوح وحوله بعد ورشة الدوسري اسئل هناك ويفيدونك.

[جمس_454_97]

والله مادامك بشرق الرياض فيه واحد فلبيني يمدحونه متخصص نيسان اسمه استيف
على شارع انكاس وانت جاي من خريص تخلي مكتب العمل على يمينك وتمشي لحد ماتجيك الاشاره
وثم تديور اول محطه على يمينك ادخلها بتلاقيه ورشته داخل المحطه
احلى مافيه انه متخصص نيسان وفاهم بالنيساااان لكن عيبه اسعاره غاليه
انا والله ماجربته لكن هذا كلام الي جربوه

[mekshaat]

السلام عليكم ورحمة الله وبركاته







فيه ورشة مهندس سعودي أتعامل معهم يوضب سيارات لكزس وتويوتا ونيسان وغيرهم وعمالته فليبينيين سبق


سألته عن توضيب مكينة الباثفندر قال الحقيقه انه جدا متعب ولا أستقبلهم بالورشه لكن اذا كنت رايق له اضبط


ابوه باذن الله يعني حسب المزاج أرسل لي رقم جوالك على الخاص وأبشر بسعدك لأن مشاركاتي ما تسمح لي أرسل


لك .

[قناص خلاوي]

وعليكم السلام ورحمة الله وبركاته
بالإضافة لما قال الاخوان فيه ورشة ( نيسان) أبوصالح التركي بالصناعية القديمة
تخصص نيسان ورجال فاهم ونصوح وشغله مجرب
الله ييسر لك كل عسير

[العنقري]

انتبه توضب จจจจจจจจจจจจจจจจชชชชชชภๅๅๅๅ
ركب مكينه من التشليح

[hasham]

الله يجزاكم بالخير . ويسعدكم دنيا وآخره . على اهتمامكم .
فيه اشخاص يهتمون ويحرصون على المساعدة وكأن الامر لأحد يخصهم أو من اقاربهم .
وهذولا اللي يجعلون الحياة اجمل . الله يكثّر عددهم . ويسعدهم .
اما اغلبنا . أما يمر لأجل يكسب معلومة . او ما يهتم للموضوع اصلاً .
لذلك الاخوة الذين تفاعلوا لكم حق التمييز والتقدير والثناء . بغض النظر سوا كان الموضع يخصني أو يخص احد غيري . ومجرد التفاعل بحد ذاته اهم .
شكراً . شكر من النوع الذي يليق بجمال ارواحكم .
...
.

[كيري ميري]

كم يكلف التوضيب؟؟؟؟ ياخوي الماكينه استعمال ياباني شبه جديده ب 3000 الاف ريال ...وبع ماكينتك باي قيمه انت الكسبان .

= والا رح للامارات وجبها من هناك قيمتها 1500 ريال .هات 2 وبع وحده وتطلع لك ماكينتك ببلاش .

[الهاجر12]

السلام عليكم بصراحه ماعندي خلفيه عن اسعار المكاين او كم يكلف توضيبها ابدلك على ورشه فلبيني ممتاز شرق الرياض وانت على خريص يجيك وكالة الرسام خذ يمين أمش بعد ثاني إشارة 200 متر تجيك على اليمين مقابل محطة بنزين والسلام عليكم

[الوسيطاء]

ورشه الدوسري مقابل ورشه الثنيان متخصص الباثفندر بس مايوضب يرسلك للدوسري

[turke2545]

اخوي نصيحه لاتوضب لان الباث فندر ماينجح توضيبه الله يعينك ركب مكينه لايلعبون عليك اصحاب الورش
اسال مجرب مريت على اكثر من عشر ورش ولاغلبيه يقولون ماينجح توضيبه ركبه مكينه (موتري باث 2002)

[لسان الحقيقة]

التوضيب ماوراه الا وجع الراس
اشتر من التشليح ابرك لك

[medo112]

هلا أخوي ..
اللي يقول ان الباثفندر ما ينجح توضيبه ..
شوف ترى مو أي واحد يوضبه ..
فيه ورشة أحمد الدوسري مقابل التقديرات ..
واحد من الشباب معاه باثفندر وراح للثنيان وأرسله للدوسري ..
ووضبها عنده ..
وله فوق سنه الحين والحمدلله ما شكا من شي ..
بس الرجال يعني عاقل صح يطلع بر وكيذا بس ما يفجر السياره ..
بس الله يعينك تمسك الصف عنده .. لان ما شااء الله ما يلحق شغل ..

[جمس_454_97]

انا بشور عليك وانت بكيفك
والله ان التوضيب يكلف اكثر من المكينه
خذ لك مكينه من التشليح وريح راسك لا تطيح بلك غشيم يخليك تخسر قيمة القطع الي شريتهم ويطلع توضيبه فاااشل وفوق هذا بياخذ وقت اكثر وانت ماعندك خبره كافيه
خذ لك مكينه من التشليح اهم شي ماتكون مفكوكه من قبل وريح راسك
ولد خالي وضب جيب معاه كلفه 6000ريال
وقيمة المكينه بالتشليح ماتتعدى 3500 مع تركيبها
شوووف الفرق

[الذكرى الحلوه]

لا توضبه ابو صالح التركي ونعم لكن الباثفذر ما يصلحه دور شي نظيف من التشليح ابرك وخذ مكينه خلجيه افضل لو غاليه