.
نعم طلعت من بيشة للرياض مع الطريق الجديد الذي لم يكتمل بعد وما درينا متى يكتمل
الله يعجل به
الساعة الثامنة صباحاً وأنا في بيشة من عند الصايرة
والثانية ظهراً أتغدى في الرياض
يعني 6 ساعات
خرجت من بيشة والزفلت معي لين تعديت خط رنية للدواسر وكذلك بعده حدود 100 كلم أو أكثر للأسف ما وثقت ودققت وفيه تحويلات و أعمال لين تعدى الزفلت عسيلة
مررنا بالنميص أولاً ثم عسيلة
وتزودنا بلبنزيم من عسيلة
الخط ما عندك منه مشكله لين تجي دون وادي الارمض وادي مليء بالآباروقبل وصولك للوادي تروح التمهيدات والأعمال ولا عاد مع إلا بر جلد
لا تعديت الارمض وادي الأبيار يجيك وادي معترض تروح معه يسار وجهك غرب في بطن الوادي حتى تجد لك طريق يتجه شمال وحتى تخرج من الجبال ولا يبق أمامك سوى أرض ممتدة مستوية كف
حينها تجعل الجبال على يمينك وتتجه شرق ويمر بك هضبة ملساء صمعاء
و
تستمر حتى تجد زفلت الرين أمامك
ومنه سيده حتى الرين قرابة 80 - 90 كلم تقريباً
ومن الرين حتى المزاحمية تقريباً 120 مش متأكد
ثم الرياض
الغرض من هذا الموضوع الخالي من الإحداثيات أن تشاهدون معي بعض اللقطات فحسب
إلى اللقاء
هذي اللوحة من جهة خشيم الذيب
صور لوحات الشركات المنفذة
شوي باقي تكمله