هنا توضع آخر الأخبار عن وصول ISUZU D-MAX 2012/2013

[بدر الواثق]

اخ بدر شكرا لك يا ابن جدة .

اعطنا انطباعك بعد القيادة.
الكفرات مقاس 16، صح؟

الكفرات مقاس 16 والقيادة جدا رائعة والثبات على الطريق والتعشيق التروبتونك رائع جدا
بصراحة نقله نوعية كبيرة في شركة ايسوزو
لاتفووووووووتكم

[كنج النضيم]

ياشباب هل في الامارات نفس المواصفات ويمكن احصل المكينه177 حصان وهل هي نفس الاسعار

[ثامر المرشد]

المواصفات نفس الشي جابوها على قناة ام بي سي
بس ههو قال ان المكينه 177 حصان والله اعلم

واذا لقيت لا تيخل علينا ترا بعدنا نا شريناا

[golden1]

صوت المحرك اعلى شوى من محرك ميتسوبيشى ديزل l200
لكن فارق المحرك بينهما كبير.

[معيض ديفيد]

السلام عليكم ورحمة الله وبركاته ...

الله يجزاكم خير على ماتقدمونه من معلومات عن هذي السيارة اللي اسمها الايسوزو ..

المهم ياوجيه الخير وش الفرق بين الايسوزو الدبل اللي برفارف واللي بدون رفارف ...طبعاً موديل 2013..لأن شفتها قبل كم يوم في إحدى الفروع وماسألت البياعين لأني مريتها على السريع ..ومدري وش الفرق ..!؟

والشي الثاني هل البدي قوي زي موديل 2012 وتحت ولا لا ..؟..

لأني البدي أعتقد انه زي الهايلكس خفيف...


والشي الثاني شفت الموديل الجديد محطوط له يايات عند الكفرات الأمامية ...بعكس موديل 2012...

اليايات : هي اللي زي السستة بس كبيرة ...

طبعاً أنا وضحت معنى اليايات لأني يمكن غلطان بتسميتها ..لأن بعض القطع في السيارة ما أعرف أساميها ..فألخبط بينها ...

وعندي سؤال ثاني :

هل فيه سير داخلي في الموديل الجديد يغير كل فترة وفترة ....ولو فيه بعد كم كيلو يغير ...

وهل مقدمة السيارة مرتفعة بنفس مستوى موديل 2012 ولا لا ..؟؟...



معلش ياجماعة الخير طولتها وهي قصيرة ..بس الغشيم في السيارات مثلي لا تلومونه ..



...

[ابوياسر1971]

السلام عليكم ورحمة الله وبركاته ...
وعليكم السلام ورحمة الله وبركاته
الله يجزاكم خير على ماتقدمونه من معلومات عن هذي السيارة اللي اسمها الايسوزو ..

المهم ياوجيه الخير وش الفرق بين الايسوزو الدبل اللي برفارف واللي بدون رفارف ...طبعاً موديل 2013..لأن شفتها قبل كم يوم في إحدى الفروع وماسألت البياعين لأني مريتها على السريع ..ومدري وش الفرق ..!؟
الفل بدون رفارف للنوعين
والشي الثاني هل البدي قوي زي موديل 2012 وتحت ولا لا ..؟..

لأني البدي أعتقد انه زي الهايلكس خفيف...
عموما هي ارسى من الهايلوكس

والشي الثاني شفت الموديل الجديد محطوط له يايات عند الكفرات الأمامية ...بعكس موديل 2012...
اليايات حتى الموديلات السابقه يايات
اليايات : هي اللي زي السستة بس كبيرة ...

طبعاً أنا وضحت معنى اليايات لأني يمكن غلطان بتسميتها ..لأن بعض القطع في السيارة ما أعرف أساميها ..فألخبط بينها ...

وعندي سؤال ثاني :

هل فيه سير داخلي في الموديل الجديد يغير كل فترة وفترة ....ولو فيه بعد كم كيلو يغير ...
هذي ممكن تمر الصيانه بالوكاله تسالهم بس ما اعتقد ديزل وسير داخلي
وهل مقدمة السيارة مرتفعة بنفس مستوى موديل 2012 ولا لا ..؟؟...

ممكن ترفعها انت بالبيت كله مسمارين

معلش ياجماعة الخير طولتها وهي قصيرة ..بس الغشيم في السيارات مثلي لا تلومونه ..



...

الاجابه داخل الاسئله

[معيض ديفيد]

أبو ياسر الله يجزاك خير ويعطيك العافية ماقصرت ...

وبيني وبينك الايسوزو عاجبني ..بس المشكلة قطع غياره غالية بقووووة ...ومدري هل كل ورشة تعرف تصلحه زي معرفتهم للهلكس والددسن ...

المهم مشكووور يا أبو ياسر ماقصرت..




..

[اسبيدر مان]

السلام عليكم
رحت لوكاله ايسوزو في القصيم من اجل رئية الديمكس الا اني حصلت الوكاله مغيره مكانها القديم
لكن وين صار الحين موقعها الجديد

[براري القصيم]

الموديلا الجديدة تحصله بجانب الورشة
خلف الوكالة

[yes999]

احد يعرف رقم العيسي بالرياض وكيل اسيزو وموقعه - واكون له من الشاكرين

[العطة]

احد يعرف رقم العيسي بالرياض وكيل اسيزو وموقعه - واكون له من الشاكرين

موقهم تقاطع خريص مع الاحساء
هاتف2919111
فيه مندوب مبيعات اسمه عبدالله السيد كلمه

ابوعبدالاله

[yes999]

ابو عبدالاله ماقصرت - متجمل معنا في كل موضوع وفي جميع المحافل الدوليه - وفقك الله

[أطلال نجد]

السلام عليكم

لاحظت أن المواصفات المحلية ما فيه سلة مثل الديماكس الأحمر اللي بالصور


أيضاً ماله شناكير في الحوض ؟؟

[yes999]

ايش الفرق بين 2012 و 2013 غير القير الاتوماتيك = سئلت الوكاله عن المكينة قالو نفس المكينه

[ثامر المرشد]

ايش الفرق بين 2012 و 2013 غير القير الاتوماتيك = سئلت الوكاله عن المكينة قالو نفس المكينه

الفرررق كبير وواضح

الشكل كامل
والفخامه
واوسع
واجمد واثبت عالشارع

ونفس المكينه