وداعاً حرارة البترول ان شاء الله

[مسلم سني]

السلام عليكم ورحمة الله وبركاته

يا اخوان انا شريت بترول سلق 2007 حق شرطه سابقاً من واحد شريطي الشريطي باعه لي بسبب الحراره باعه لي بالشتا يعني معقوله جيب حكومه بعد ما كدوه كد فيه خطا مصنعي ؟!

معقوله الوكاله تغش الحكومه مايصير ؟!

المهم نبدا بالمشكله

المشكله
حراره صيف شتاء وضعف بالمكيف وخاصه اذا شغلت الانوار ؟!!!!

الحل
1- شيك على الربلات اللي ورى الكفرات الاماميه اذا هي مشيوله رجعها حط ربلات واذا مالقيت رهم تيوب تريله .
شف الصوره هذا ربل مهم كان مشيول وهو اللي تحت البطاريه مرهم من تيوب تريله شريته 12 ريال قصيته وثبته مكان القديم الوكاله ثبته بكلبسات عند قطع الغيار او الزينه حسب السوق اللي عندكم

هذا صورته من الداخل

هذا الربل الثاني من يم السايق ربل وكاله اصلي


2- شل سلك السالب القديم اللي جاي من المكينه رايح لسالب البطاريه وحط سلكين جدد واحد من المكينه للبطاريه والثاني من البدي اللي تحت البطاريه الى سالب البطاريه .
(بكيذا حلينا مشكلة ضعف تبريد المكيف وارتفاع الحراره لما تولع الانوار) حتى في الحر الشديد وقت الزحام تحت الشمس راح يجيك النوم ونت عند الاشاره ماشاء الله
شف الصور

لا تشحم اصابع البطاريه لانها راح تزيت وترتخي وتطفي عليك كل وقت انتبه هذي الشغلات ماعليها خوف اسعارها رخيصه ولا تنسى تشدهن حيل قوه بس لا تكسر البطاريه مثلي


سلك الوكاله القديم اللي معدم علي الكهرب كان سلك واحد فقط وحطينا سلكين


وهاذا السلك من قريب


3- بلف الحراره لازم تشيله حتى ولو انه وكاله ومادري ايش ترى الحراره منه ترفع فوق الربع
هذا مكانه للي ما يعرف مكانه او شله عند محل رديترات او مكنيكي الافضل محل رديترات
شف الصوره


4- لقيت بجيبي مراوح الوكاله وانا صراحه اعجبني لانهن يشتغلن مع الكمبرسر ويفصلن معه اذا كانت السياره واقفه فقط
وهذي صور المراوح


الثانيه


5- ماء الرديتر مهم
بعد ما تسيخ الرديتر 100 ريال قله خله يسوي تنظيف للرديتر والمكينه مدري وش اسم هالحركه زي الغساله المهم يغسله لك 50 ريال

الحين السياره بارده عب ما رديتر احمر حق تايوتا وكاله جالون واحد 4 لتر و3 لتر بالضبط ما مقطر وعب القربه 3 لتر ما مقطر يبقى نص لتر الاخير حق الرديتر شغل السياره واذا نزل الماء عب الرديتر لين يرتفع انتظر الهواء يطلع مره واذا نزل عبه ثم يرتفع مره ثانيه وينزل عبه وعلى طول سكره

هذي صورة ما الرديتر


يتبع

[مسلم سني]

6- سكره بغطى اصلي يجي اكبر من غطى الددسن وهذي صورته


صوره ثانيه


ملاحظه بسيطه
بعض الرديترات يجي مسكر اللي او الخرطوش اللي من الغطى رايح للقربه تاكد منه خذ ابره زي هذي اللي بالصوره ودخله فيه يما تتاكد انه مفتوح لانه اذا منسد ما يقدر الرديتر يصرف الهوا والماء للقربه والعكس صحيح

شف الصور




تم ولله الحمد والصلاة والسلام على سيدنا محمد تاخرت على صلاة الجمعه

وبكيذا ان شاء الله راح تدعيلي واللي يقولك خراطيش الرديتر لينه تنصفط ترى ما عنده خبراو سيارتك تفور
بس الراس منعدم ترا ماعنده خبر سيارتك مابه الا العافيه لا تنسونا من صالح دعائكم بارك الله فيكم وفي هذا الصرح والسلام عليكم ورحمة الله

[مسلم سني]

نسيت اقولكم التجربه جربته محطته ٢٠ كيلو امشي ١٦٠ الحراره ربع بعده على طول والسياره حاميه وقفته تحت الشمس ساعه والحراره ربع الصراحه جاني النوم من برودة المكيف حاطه على السرعه ٤ ما شاء الله

[AL_MAHROUM]

الربلات اللي فوف الكفر وش الفايدة منها اخوووي

[محسن اليامي]

موضوع راااائع ومميز

أنا مركب تيوب تريله من زمان بس كنت حاسب الوصخ والطين ومسكرها

وجزاك الله خير وبارك الله فيك

[sgl2002]

اخوي الله يعطيك العافية على الموضوع

لكن شيلة البلف ماهي زينة وانت رح جرب الموتر بالنفود وبتشوفه يحتر ولا يبرد

بالنسبة لاسلاك البطارية ودي اعرف من وين شريتها ووش افضل نوعيه

[v506]

قسم بالله إنك كفو

[مسلم سني]

الربلات اللي فوف الكفر وش الفايدة منها اخوووي

فايدتها تسد الهوا لا يدخل على المكينه فقط خليناه يدخل من عند الرديتر

[مسلم سني]

موضوع راااائع ومميز

أنا مركب تيوب تريله من زمان بس كنت حاسب الوصخ والطين ومسكرها

وجزاك الله خير وبارك الله فيك

انا مثلك كنت احسبها كذا

[مسلم سني]

اخوي الله يعطيك العافية على الموضوع

لكن شيلة البلف ماهي زينة وانت رح جرب الموتر بالنفود وبتشوفه يحتر ولا يبرد

بالنسبة لاسلاك البطارية ودي اعرف من وين شريتها ووش افضل نوعيه

مجرب في اقسى الظروف هو شغلته بس يسخن السياره بالشتا بسرعه وبالصيف يفتح اذا احتر بس يعرقل تدفق الماء من المكينه للرديتر علشان كذا تحتر السياره مامنه فايده ترى عندي بلفين واحد وكاله وواحد مشتريه جديد وكاله وتخسرت عليه كثير مره اركبه ومره ارجعه وكل ما رجعته ترتفعت الحراره !!

الاسلاك ياطويل العمر هذي اسلاك لحام حقت مكينة لحام الحديد المتر تقريباً ب 10 ريال كبست السلكين عند محل الليات او محل الخراطيش

[مسلم سني]

قسم بالله إنك كفو

تسلم يالغالي

[مسلم سني]

ياجماعه انا نسيت وقلت الحراره ربع خطا غير مقصود الحقيقه الحراره تحت خط الربع

[أصيل حجآ زي]

بارك الله بك أخ / سني

أشـكـــُرك بعد شـــُـكر الله
على هذي المُسآهمة والدرس الرآئع .

الربلات هي مصدآت أو موجهآت هواء
تمنع تسرُب الهواء الموجه للمُحرك .
وتُسمى بالأنكليزي { بفل / بفلز Baffle } أو
Engine Baffle Material
ومن ضمنها وتشمل الجلــّد { الربلات } التي تحف حُجرة المُحرت تحت الغطاء / الكبوت :




وشطرطون مثل هذا من المطآط أو المطآط الصنآعي يُفيد في ترقيع وسد الخروم :

يــُقيم بأربعة نجوم ويــُضآف
للمـوآضيع المُميزة بالخيمة .
المواضيع المميزة في الخيمة

الى الأمآم والى المزيد .

طبعآ :
أنا أخآلفك في نُـقطتين ///
الاولى شيلتك لصمآم / كوع / بلف الحرآرة هذا يخرّب المُحرّك مع مرور الوقت .

الثآنية :
ضروري تشحم أصآبع البطآرية بعد ما تنظفها وتشدها أما بشحم أصفر خفيف
أو بوزلين { فآزلين } صنآعي وحتى وزلين الوجه يصلُح مؤقتآ .

[مسلم سني]

مشكور يا مشرفنا ومشكور ايضاً على التقييم تقييمك شرف وداعم بنفس الوقت وملاحظاتك على اللعين والراس بارك الله فيك

[أصيل حجآ زي]

مشكور يا مشرفنا ومشكور ايضاً على التقييم تقييمك شرف وداعم بنفس الوقت وملاحظاتك على اللعين والراس بارك الله فيك

حيآك الله أخي الكريم

ويُشرفنا أن تنضم ألينا وتكون عضوء مُثمر
وفعآل بهذي الخيمة المعطآئة الزآهرة بوجودكــُم .
أنت على العين والرآس .
أنت المعطاء الكريم .