السلام عليكم ورحمة الله وبركاته
يا اخوان انا شريت بترول سلق 2007 حق شرطه سابقاً من واحد شريطي الشريطي باعه لي بسبب الحراره باعه لي بالشتا يعني معقوله جيب حكومه بعد ما كدوه كد فيه خطا مصنعي ؟!
معقوله الوكاله تغش الحكومه مايصير ؟!
المهم نبدا بالمشكله
المشكله
حراره صيف شتاء وضعف بالمكيف وخاصه اذا شغلت الانوار ؟!!!!
الحل
1- شيك على الربلات اللي ورى الكفرات الاماميه اذا هي مشيوله رجعها حط ربلات واذا مالقيت رهم تيوب تريله .
شف الصوره هذا ربل مهم كان مشيول وهو اللي تحت البطاريه مرهم من تيوب تريله شريته 12 ريال قصيته وثبته مكان القديم الوكاله ثبته بكلبسات عند قطع الغيار او الزينه حسب السوق اللي عندكم
هذا صورته من الداخل
هذا الربل الثاني من يم السايق ربل وكاله اصلي
2- شل سلك السالب القديم اللي جاي من المكينه رايح لسالب البطاريه وحط سلكين جدد واحد من المكينه للبطاريه والثاني من البدي اللي تحت البطاريه الى سالب البطاريه .
(بكيذا حلينا مشكلة ضعف تبريد المكيف وارتفاع الحراره لما تولع الانوار) حتى في الحر الشديد وقت الزحام تحت الشمس راح يجيك النوم ونت عند الاشاره ماشاء الله
شف الصور
لا تشحم اصابع البطاريه لانها راح تزيت وترتخي وتطفي عليك كل وقت انتبه هذي الشغلات ماعليها خوف اسعارها رخيصه ولا تنسى تشدهن حيل قوه بس لا تكسر البطاريه مثلي
سلك الوكاله القديم اللي معدم علي الكهرب كان سلك واحد فقط وحطينا سلكين
وهاذا السلك من قريب
3- بلف الحراره لازم تشيله حتى ولو انه وكاله ومادري ايش ترى الحراره منه ترفع فوق الربع
هذا مكانه للي ما يعرف مكانه او شله عند محل رديترات او مكنيكي الافضل محل رديترات
شف الصوره
4- لقيت بجيبي مراوح الوكاله وانا صراحه اعجبني لانهن يشتغلن مع الكمبرسر ويفصلن معه اذا كانت السياره واقفه فقط
وهذي صور المراوح
الثانيه
5- ماء الرديتر مهم
بعد ما تسيخ الرديتر 100 ريال قله خله يسوي تنظيف للرديتر والمكينه مدري وش اسم هالحركه زي الغساله المهم يغسله لك 50 ريال
الحين السياره بارده عب ما رديتر احمر حق تايوتا وكاله جالون واحد 4 لتر و3 لتر بالضبط ما مقطر وعب القربه 3 لتر ما مقطر يبقى نص لتر الاخير حق الرديتر شغل السياره واذا نزل الماء عب الرديتر لين يرتفع انتظر الهواء يطلع مره واذا نزل عبه ثم يرتفع مره ثانيه وينزل عبه وعلى طول سكره
هذي صورة ما الرديتر
يتبع