هل قمت بحركة بسيطة بالسيارة أدت إلى خراب كبير ؟؟؟؟ شاركنا برأيك

[الربذي]

مره اخترب عندي الفيوز حق النور وماني فاضي واحط قصدير ولا ضبط واجيب سلم واوصله يوم ركبته امشي شوي الا الدخنه يوم ثارت وعجزت اشوف الطريق وانكتم وكانت مع راكبه واوقف وافصل البطاريه والحمد لله ماعلقت بس الظفيره خلاص صارت فحمه من اولها الى اخرها حتى البطاريه كانت حاره جد
بسبب سلك

[راع الركايب]

هل قمت بحركة بسيطة بالسيارة أدت إلى خراب كبير ؟؟؟؟
نعم, استعملت بخاخ لتنظيف بخاخات الجي اكس ار 2008 بسبب تقطيع وبعدها اشتغلت انوار الطبلون(لمبة الدبل4lo* ولمبة المكينه) ,وإلى الان لم اجد الحل.(والتقطيعه راحت)

[PATHFINDER 4]

حركة بسيطة ادت الى خراب كبير اممممم

واجد الصدق لكن اذكر كان شارعنا في حفريات ولا فيه الا مسار واحد بس وفيه نزلة باب كراج مرتفعة مرة عن الزفلت واضطريت امشي عليها عشان الصبات
رقيت عليها بالكفر الايسر وكاني واطي بلك ويرجع الموتر وعقبه صارت تطلع اصوات حكحكة حديد في بعض والمشكلة صارت من قواعد المساعد بالرفرف صار فيها ميلان

[mekshaat]

واحد من الشباب كان يفحص السياره بكمبيوتر فحص واضطرينا نجيب
وصله للكمبيوتر عشان نوصله كهرب وبخطأ مني لمس سلك السالب
مع الموجب لمسه وحده وسريعه طلع شرار بالأسلاك وكان الكمبيوتر
مشبوك بفيش السياره وضرب كمبيوتر السياره على طول وصارت
المكينه ترجف وفصلت الدعسه وولعت لمبات الطبلون كمبيوتر الفحص
ماصار له شئ فرغ الالتماس بكمبيوتر السياره والمشكله بعد مافحصناه
بالكمبيوتر صار يعطينا أعطال غير صحيحه وأثناء تجريب كمبيوتر من
التشليح حصل خطا سبب التماس ثاني بأحد أجهزة السياره المهم الا كهرب
السياره تراه حساس جدا يبي مختص وفاهم فيه لأن الخطأ فيه يسبب
مشاكل ثانيه .

[عزيز 3333]

الي صار معي ابنظف البخاخ .. المشكلة ان الوصخ طلع من الشكمان وخرب حساس الاكسجين وكان سعرة 1200 ريال

حرك تبلش ...........

[صاحب الكشتات]

المشكلة الي حصلت لي اني ركبت رقليتر يعتبر منظم يركب في ماصورة البنزين الراجع للتانكي بحيث يدفع البنزين للبخاخات بحجة زيادة العزم وفي احد سفراتي انفجر واشتعل نار والحمد لله جاءت سلامات سوى بعض الاحتراق كدت ان افقد نفسي وسيارتي