15 نوفمبر 2015 - 16:514 نوفمبر 2015 - 21:27 منتديات مكشات


لمتابعة "الأحوال الجوية والرحلات" عبر جوال مكشات أرسل الرقم 1 إلى 809207 (اتصالات) - 601259 ( موبايلي )

::::::: تابعونا على تويتر مكشات :::::::


المنتدى لازال قيد التطوير ، وسيتم حل المشاكل وإكمال النواقص قريبا إن شاء الله

::::::: تطبيق مكشات للأجهزة الذكية :::::::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية
النتائج 1 إلى 15 من 15

الموضوع: سؤال لخبراء الفورد أرجو منكم الدخول....؟؟؟

  1. #1
    تاريخ التسجيل
    Apr 2012
    المشاركات
    5

    سؤال لخبراء الفورد أرجو منكم الدخول....؟؟؟

    السلام عليكم ورحمة الله وبركاته
    ياشباب عندي فورد 2004 كراون فكتوريا اشغلني بالتقطيع
    وغيرت كل شي وفحصت كمبويتر اكثر من ثلاث مرات ولانفع معي .
    الشاهد وانا قاعد ادور بالنت لقيت هالموضوع على هالرابط التالي :

    http://www.assayyarat.com/forums/thread205089.html
    ودي انكم تفيدونا لان الكويل الواحد من 100 الى 130 ريال
    وصاحب هالموضوع يقول غير السسته والربله اللي تجي مع الكويل بـ 25 ريال بس
    اتمنى انكم تشوفون الموضوع وتردون لي ولغيري .
    شاكر ومقدر مروركم الكريم.

    س -1 وش تتوقعون هل هالكلام صحيح لاني غيرت كل اللي غيره ومانفع معي ؟
    س-2 اذا كان صحيح وين احصلها تتوقعون ؟
    التعديل الأخير تم بواسطة ماجد ابو نايف ; 10/04/2012 الساعة 01:33 PM سبب آخر: خطأ إملائي

  2. #2
    تاريخ التسجيل
    Jul 2007
    المشاركات
    1,653
    عزيزي هو شرا طقم ب ٢٢٠ ريال والطقم ٨حبات
    يعني الحبه تطلع ب ٢٧.٥ تقريبا
    لكن حاجات زي هذي غالبا تباع طقم
    وقبل كذل انت حدد التفتفه هل هي تقطيع بنزين ام تقطيع كهرب
    علشان ما تتعب بدون فايده



    Sent from my iPhone using Tapatalk
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    [/img]

  3. #3
    تاريخ التسجيل
    Aug 2006
    المشاركات
    10,156

    رد: سؤال لخبراء الفورد أرجو منكم الدخول....؟؟؟

    صار عندى نفس مشكلتك تقطيع
    وفحصت كمبيوتر ببرنامج خاص بكهرباء الفورد فقط
    وطلع العطل عندى في كويل رقم 6 وغيرت الكويل ب 90 ريال أصلي
    وراح التقطيع .

    الورش يستخدمو برنامج يفحص جميع السيارات عشان كذا ما يبين معك .

    أبحث عن ورشة عندهم برنامج شركة فورد خاص بكهرباء الفورد
    وليس برنامج شامل .

    لكن سؤالي متى غيرت بواجى وهل هي أصلي ؟

    ينقل لقسم الاعطال

  4. #4
    تاريخ التسجيل
    Apr 2012
    المشاركات
    5

    رد: سؤال لخبراء الفورد أرجو منكم الدخول....؟؟؟

    فعلا اخوي بدوي جنوبي
    اول فحصين للسيارة كان بجهاز فحص لكل السيارات
    لكن اخر فحص بتوكيلات الجزيرة بحائل
    وقالو لي بعد ست ساعات من الانتظار بالصالة
    الكويل رقم 2 و 5 و7
    وكويل رقم 5 بالذات ركبته جديد 130 ريال
    والبواجي اصليه وجديدة ماكملت الفين كيلو
    واخوي بدوي جنوبي كل المقصد اني يمكن احصل حل لمشكلتي
    هذا شي والشي الثاني اذا الكويل مايخرب واللي يخرب بس الجلده والسسته
    حقته اشوف فيه فرق وودي ان الناس تعرفه وحتى لوكان الكويل بـ 90 ريال
    27 ريال حقت الجلده والسسته ارخص بفرق كبير.

    لكن فيه كهربائي سوري يقول غير البطارية مع الاصابع وتنتهي عندك المشكلة والله اعلم كلامه صح او لا
    عذرا على الاطاله .

  5. #5
    تاريخ التسجيل
    Jul 2007
    المشاركات
    1,653
    من جده هالسوري
    ركب بطاريه من اي واحد من الشباب
    ولا خل السوري يجيبها على حسابه
    ضبط الموتر حاسبه
    ما ضبط يتحمل الخساره


    Sent from my iPhone using Tapatalk

  6. #6
    تاريخ التسجيل
    Apr 2012
    المشاركات
    5

    رد: سؤال لخبراء الفورد أرجو منكم الدخول....؟؟؟

    وهنا المشكلة اخوي كاشت وحداني
    بالسنين الاخيرة تعقدت الخرابات
    وتعقدت التصليحات
    وكثرت العمال النصابة وقلة المهاراة
    ولنا بوكالات السيارات خير مثال
    حتى اني رحت لوكالة فورد بحائل
    وعرضت عليهم مشكلة
    وقالو الخطا منك ليش تشتري قطع غيار من
    خارج الوكالة كل اللي خارج الوكالة مقلد
    وهم بكذا متبعين سياسة ( الزين عندنا والشين بجنبنا )
    وربك يعين .
    بس الجلد والسسته مامرت عليكم ماسمعتو عنها بس
    هذا اللي انا اسال عنه
    .

  7. #7
    تاريخ التسجيل
    Jan 2006
    الدولة
    الــــــشــــــمــــــــــال
    المشاركات
    811

    رد: سؤال لخبراء الفورد أرجو منكم الدخول....؟؟؟

    الكويلات حتى لوكانت جديده اذا غسلت السياره وجاها ماء تخرب

    على كلام الكهربائي

  8. #8
    تاريخ التسجيل
    Jul 2007
    المشاركات
    1,653
    الجلد والسسته تحصل احيانا ويتم تغييرها ويضبط الموتر
    طيب عندي سؤال
    وانت ماشي خط يتفتف ولا يسلك


    Sent from my iPhone using Tapatalk

  9. #9
    تاريخ التسجيل
    Apr 2012
    المشاركات
    5

    رد: سؤال لخبراء الفورد أرجو منكم الدخول....؟؟؟

    ياطويل العمر التقطيع
    اكثر شي يكون بين سرعة 60 الى 100
    تقطيع قوي ورجفة بالسيارة تحس ان السيارة
    شوي وتتفكك من قوة التقطيع
    والحل ان ارفع رجلي اعزكم الله بعزة عن البنزين
    وادعس ثاني مرة وتمشي السيارة بس هنا المشكلة

  10. #10
    تاريخ التسجيل
    Apr 2011
    الدولة
    في الدنيا
    المشاركات
    411

    رد: سؤال لخبراء الفورد أرجو منكم الدخول....؟؟؟

    شيك على صفايه البنزين /////// او حساس البخاخ

  11. #11
    تاريخ التسجيل
    Aug 2006
    المشاركات
    10,156

    رد: سؤال لخبراء الفورد أرجو منكم الدخول....؟؟؟

    اقتباس المشاركة الأصلية كتبت بواسطة ماجد ابو نايف مشاهدة المشاركة
    فعلا اخوي بدوي جنوبي
    اول فحصين للسيارة كان بجهاز فحص لكل السيارات
    لكن اخر فحص بتوكيلات الجزيرة بحائل
    وقالو لي بعد ست ساعات من الانتظار بالصالة
    الكويل رقم 2 و 5 و7
    وكويل رقم 5 بالذات ركبته جديد 130 ريال
    والبواجي اصليه وجديدة ماكملت الفين كيلو
    واخوي بدوي جنوبي كل المقصد اني يمكن احصل حل لمشكلتي
    هذا شي والشي الثاني اذا الكويل مايخرب واللي يخرب بس الجلده والسسته
    حقته اشوف فيه فرق وودي ان الناس تعرفه وحتى لوكان الكويل بـ 90 ريال
    27 ريال حقت الجلده والسسته ارخص بفرق كبير.

    لكن فيه كهربائي سوري يقول غير البطارية مع الاصابع وتنتهي عندك المشكلة والله اعلم كلامه صح او لا
    عذرا على الاطاله .
    طيب بدلت ال 3 كويلات ؟

    دائما البواجى والكويلات خذها من الوكيل
    او من محل تثق انه يبيعك قطع أصلي ليس مقلد
    والكويل يخرب لانه راس الكويل قطعه كهربائيه أعتقد يقوم بمضاعفة الشرارة لذلك معرض للتلف .

  12. #12
    تاريخ التسجيل
    Aug 2010
    المشاركات
    1,091

    رد: سؤال لخبراء الفورد أرجو منكم الدخول....؟؟؟

    يابو نايف تقوى الهجر والا ابعتذر نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي



    التفتفه لها مسببات كثيره


    طبعا انت تقول التفتفه بين 60 و100 واجزم لك بالمليون انها كويلات وهذا اولا


    الامر الاخر تفحص كمبيوتر مثل ما قال معلمنا بدوي جنوبي بجهاز خاص بالفورد



    والكويل الخربان تغيره


    واللي مو خربان تغير الجلد والسست لان الكويل نادر خرابه الا اذا طولت والسيارة تفتف


    الامر الاخر البواجي نوعان بالفورد


    fm32 وهو خاص بالسيارات من 98 وتحت

    ونوع pm32 وخاص بموديلات 99 وطالع


    وترى نوع البواجي مهم وركب النوع الخاص وكاله ما يتجاوز 100 ريال ثمان قطع


    وغير صفاية البنزين وكالة 45 ريال مع محلول تنظيف التانكي وكالة 25 ريال


    وفلتر الهواء وكالة 53 ريال مع تنظيف حساس الهواء بالانتيك


    وتنظيف الثروتل بدي وتصفية بخاخات بمحلات بترومين

    وغير منظم الهواء من التقوى 190 ريال

    وراح تلاحظ الفرق لك وللزمن من ناحية صوت وهدوء المكينه والعزم وانخفاض نسبة استهلاك البنزين






    لكن الحين روح وشيك على الكويلات فيش فيش سلك سلك

    والطريقة تفصل السلك من الكويل واذا اختلف صوت المكينه يعني الكويل شغال


    واذا فصلت السلك ولا تغير شئ يعني الكويل خربان

    وشيك على الفيش



    وبعدها حول على ليات الهواء يمكن واحد مو راكب او مقطوع








    وخذ العلم مني وعن تجربه



    اذا البطارية ضعيفه والدينمو على نهايته ابشر بالعزم البايخ والتفتفه لان ضعف الكهرب يأثر على عميلة الاحتراق






    وانصحك انصحك اذا تأكدت اذا فحصت كمبيوتر وما طلع بالفحص شئ والسيارة تفتف على 60 و100 سو تصفية مكينه وغير جلد وسست الكويلات لان الفحص ما يبين خراب الجلد والسست



    واذا انت من الدمام ابشر اشيك لك على كل شئ واقولك السبب

  13. #13
    تاريخ التسجيل
    Apr 2012
    المشاركات
    5

    رد: سؤال لخبراء الفورد أرجو منكم الدخول....؟؟؟

    ماشاء الله عليك ياملك الفكتوريا
    وابيض وجه يابعدي
    والمشكلة اني بحايل واحس بضيقة
    اذا دخلت الصناعية كله من هالعماله ( العربية )
    واللي هم ماشاء الله يعرفون كل شي ويقدرون يصلحون اي شينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    وما اسواء منهم الا وكالة فورد بحايل اهم شي يوضحون لك السعر قبل الخراب
    اجل كويل واحد 280 ريال وشغل يديهم 500 ريال من دون سعر الفحص 350 ريال
    يعني تبي تدفع 1500 ريال وانت تضحك
    لكن احسن شي اتباع سياسة (امش بالسيارة حتى تقف )
    مشكورين وماقصرتوا وانا ابي احاول ابحث عن الجلد والسسته حقت
    الكويلات وابي اغيرها لانه كمبيوتر مخي معلق على انهاهي السبب
    وبعدها يفرجها ربك.

    وقفه بسيطة :- ملك الفكتوريا ماتخبر لي كرتون ببسي يمدحون اللي عندكم نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي.

  14. #14
    تاريخ التسجيل
    Apr 2012
    المشاركات
    13

    رد: سؤال لخبراء الفورد أرجو منكم الدخول....؟؟؟

    السلام عليكم اخوي

    اولا/ اذا ماظبط معك ترا بوه حساس بفلتر الهواء يجيك بارز فوق اللي اللي يربط فلتر الهواء بالمكينه هذا اعزك الله والموجودين يجيه تراب عادة وهو مثل الشعره اللي باللمبه فكه واذا شفت فيه تراب علي الشعر لاتلمسها لانها حساسه جيب علبه مويا ابونص وحط بها بنزين وشق الغطاء من فوق ورش عليها علي خفيف وركبه الفلتر مكانه هذي عاده تسبب تفتفه ..


    الشي الثاني / يالربع لاحظت شي لارحت للاتراك وطقتهم تتقوله تفتفه من غير كشف قال رح جيب بواجي وكويلت واسلاك كويلت << طيب معروف السبب واحد منهم <<يعني تحسه غير كل واكيد بتظبط معه
    ثم قال 500 حق ايش يابوي

  15. #15
    تاريخ التسجيل
    Aug 2010
    المشاركات
    1,091

    رد: سؤال لخبراء الفورد أرجو منكم الدخول....؟؟؟


    يا ابو نايف قبل لا تكشف وتغير وتخسر سو اللي قلت لك عليه


    ( فحص الكويلات بدون كمبيوتر )

    والطريقه السيارة شغالة طبعا تجي عند الفيش المشبوك بالكويل وتفصله بالضغط على الكلبس اسفل الفيش وتسحبه للخارج واذا زادتا التفتفه وتغير صوت المكينه يعني الكويل شغال واذا فصلت الفيش وما تغير الصوت ولا زادت التفتفه ترى الكويل خربان


    وغير الكويل الخربان وباقي الكويلات غير جلدها وسستها


    وترى سالفة امش حتى تطفى بتدفع فوق المبلغ اضغاف


    وبعدين سعر الكويل 120 ريال حتى بالوكالة


    وترى اذا ما غيرت الكويل الخربان بيبدأ يخرب كل شوي كويل لان الضغظ يزيد على الشغال ويخرب وبدل كويل او كويلين بـ240 تدفع 960 ريال لكل الكويلات


    لكن خذ العلم التفتفه عندك من احد الكويلات لان تفتفه من 60 الى 100 او 110 هذي كويلات


    وانا سيارتي فورد


    مشكلة مثل هذي عشان ترجع افضل مما كانت

    اسوي تصفية مكينه حق 100 الف كيلوا قدام

    تغيير الكويل الخربان مع جلد وسست باقي الكويلات

    تغيير بواجي

    تغيير منظم الهواء

    تغيير صفاية البنزين

    فلتر الهواء

    تصفية بخاخات

    تنظيف حساس الهواء وباقي الحساسات اللي تحتاج تنظيف

    تشييك على الدينمو وكم شحنه

    تغيير الاصابع

    تنظيف الاسلاك المبريوطه بالبدي


    وترى أغلبها تقدر تسويها بنفسك


    واذا ما عندك بحايل بترومين

    تروح لعالم ساكو ومحلول MAX44 وتصبه بالتانكي وهو فوق النص او حول الفل وتمشي 100 رايح و100 جاي على بس ما تتعدى 120 وراح ينظف البخاخات



    وبالنسبة للبيبسي والكولا كلام كبير ههههههههههههههههههه وابيشر بكرتون ومعه الجلد والسست

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •