يابو نايف تقوى الهجر والا ابعتذر
التفتفه لها مسببات كثيره
طبعا انت تقول التفتفه بين 60 و100 واجزم لك بالمليون انها كويلات وهذا اولا
الامر الاخر تفحص كمبيوتر مثل ما قال معلمنا بدوي جنوبي بجهاز خاص بالفورد
والكويل الخربان تغيره
واللي مو خربان تغير الجلد والسست لان الكويل نادر خرابه الا اذا طولت والسيارة تفتف
الامر الاخر البواجي نوعان بالفورد
fm32 وهو خاص بالسيارات من 98 وتحت
ونوع pm32 وخاص بموديلات 99 وطالع
وترى نوع البواجي مهم وركب النوع الخاص وكاله ما يتجاوز 100 ريال ثمان قطع
وغير صفاية البنزين وكالة 45 ريال مع محلول تنظيف التانكي وكالة 25 ريال
وفلتر الهواء وكالة 53 ريال مع تنظيف حساس الهواء بالانتيك
وتنظيف الثروتل بدي وتصفية بخاخات بمحلات بترومين
وغير منظم الهواء من التقوى 190 ريال
وراح تلاحظ الفرق لك وللزمن من ناحية صوت وهدوء المكينه والعزم وانخفاض نسبة استهلاك البنزين
لكن الحين روح وشيك على الكويلات فيش فيش سلك سلك
والطريقة تفصل السلك من الكويل واذا اختلف صوت المكينه يعني الكويل شغال
واذا فصلت السلك ولا تغير شئ يعني الكويل خربان
وشيك على الفيش
وبعدها حول على ليات الهواء يمكن واحد مو راكب او مقطوع
وخذ العلم مني وعن تجربه
اذا البطارية ضعيفه والدينمو على نهايته ابشر بالعزم البايخ والتفتفه لان ضعف الكهرب يأثر على عميلة الاحتراق
وانصحك انصحك اذا تأكدت اذا فحصت كمبيوتر وما طلع بالفحص شئ والسيارة تفتف على 60 و100 سو تصفية مكينه وغير جلد وسست الكويلات لان الفحص ما يبين خراب الجلد والسست
واذا انت من الدمام ابشر اشيك لك على كل شئ واقولك السبب