هل حذف طيرك ؟

[عواد الشمري2]

جلاد فيه اطيور طبعها كذا ماتصفي الا متأخره وفيه اطيور حامي حامي بس لا تستعجل انا اعرف اطيور تحذف متأخره بس تصفي قبل الي حذف قبله هذي انواع الطيور وترا المكان له دور كبير بعض الطيور ماترتاح للمكان وتأخر في الحذف

ونفسيت الطير لها دور

[أبو أمين]

هلا باقدم واحد فينا هههه

بالنسبه لي وانا اخوك طيوري كلها حذفت

طبعا مربطي الخاص والطيور كلها طلق

البيورات اثنين باقي فيها 3 وواحد باقي فيه 4

والجيرات الشياهين وحده فيها اربع والثانيه خمس

والعلف سمان ونادرا على حسب المزاج اغير اما حمام او سيقان دجاج

واعطيها فيتامين حق مستشفى فهد بن سلطان اللي علبته ازرق وابيض مع العلف يومين فالاسبوع بس

والحمد لله الامور ماشيه

بالنسبه لطيورك وانت ابخص مني اذا كان الطير سليم ومدهنته سليمه اخسف وزنه وارفعه يحذف على طول ان

شاء الله

وسلامتك .

[ولد الجنوب]

بالنسبه لطيور

الحر باقي 3 في 3 و الذنيبه حاذف 2
وثنتين جبليات الاولى 3 في 3 والذنيبه حاذفه 3 ... و الثانيه 4 في 4

العلف اي شئ الاقيه بالخط حمام و قمري و عصافير سمان دخول و خواضير و جرذان

الفيتامين المستخدم ( أ ) و زيت كبد الحوت

و الله يتمم ها المقيض على خير

[اقدم صقار]

هلا بكم يا الربع كلن بسمه ومرحبا ومسهلا

انا طيوري محذفه ولله الحمد

كلها خمس خمس وفرخ مبقي اربع اربع والامور زينه وعلف طيوري سمان مثلج فقط

اما بخصوص طير اخوي اللي يقول ما حذف انا اقول السبب الوحيد مربطه السنه اللي طافت اثر على قرنسته
لاكن شمس الطير شمس الطيرلمده ساعتين الصبح وخله ياطاه حر نصيحة اخ وحط عنده حوض ماء يشرب ويتروش على راحته

ابو ايمن جعل ربي يطول عمرك ويسلم راسك لا تكبرني تراي توي شباب ههههههههههههه ومنك نستفيد

جعل ربي يطول عمرك وعلومك غانمه وعسى ربي يبارك لك ولكل اخواني المسلمين

[ابوبندر2012]

طييييييييييييييييييييييري باقي المووووسسسسسسسس ونايفه مربوط عند السهلي فيصل

تحياتي

[بارق الثلبوت]

طيرتي شيهانه قرناسه خاذفه خمس والفرخ شيهانه ماحذفت شي وانا صراحه اشوفها متاخره وش تنصحوني فيه
جبليات كلهن

[راعي مسكته]

السلام عليكم علمي سلامتكم

عندي وكريه ولذلحين ماحذفة شي الله المستعان



هل هو طبيعي ??

[m-qatar]

عندي قرناس شاهين ثنو , والطير جايني اخر الوقت , وقيضته عندي ربط ولاحظت ان الطير مايتفلى و ماحذف شيئ حتى مع الكورس والفيتامينات , ووديته للعيادة وقالوا ان المدهنه مورمه وعصرها الدكتور بيده شوي شوي وطلع مثل الدهن المتكبد وبعدها باسبوع لاحظت انه ايتفلىو حذف من الدواغر , وعقبه مسك شهر كامل ماحذف , ووديته لنفس العيادة وسوا نفس الطريقة , وقعد شهر في المربط ماحذف شيئ , ووديته لعيادة ثانيه وقالي المدهنه سليمه وشغاله وعطاني علاج ابرة وحده و5 كبسولات مع العلف وخلصت العلاج ومر شهر والطير للحين ماسك كل ريشة ..

1) هل الطير اللي ايتنفض ويهفهف مدهنتة سليمه ولا مالها شغل ؟
2) ويش السواه الطير للحين ماسك كل ريشة ؟

مع العلم اني منوع له من العلف .. والراحه التامه في المقيض ..

[اقدم صقار]

عندي قرناس شاهين ثنو , والطير جايني اخر الوقت , وقيضته عندي ربط ولاحظت ان الطير مايتفلى و ماحذف شيئ حتى مع الكورس والفيتامينات , ووديته للعيادة وقالوا ان المدهنه مورمه وعصرها الدكتور بيده شوي شوي وطلع مثل الدهن المتكبد وبعدها باسبوع لاحظت انه ايتفلىو حذف من الدواغر , وعقبه مسك شهر كامل ماحذف , ووديته لنفس العيادة وسوا نفس الطريقة , وقعد شهر في المربط ماحذف شيئ , ووديته لعيادة ثانيه وقالي المدهنه سليمه وشغاله وعطاني علاج ابرة وحده و5 كبسولات مع العلف وخلصت العلاج ومر شهر والطير للحين ماسك كل ريشة ..

1) هل الطير اللي ايتنفض ويهفهف مدهنتة سليمه ولا مالها شغل ؟
2) ويش السواه الطير للحين ماسك كل ريشة ؟

مع العلم اني منوع له من العلف .. والراحه التامه في المقيض ..

دق مدهنة طيرك بلا كلام الدكتور بلا كلام فاضي
انصحك تروح لأحد الصقاقير اللي لهم عرف يدق مدهنة طيرك وصدقني اسبوع بتهل ريشها بشكل ما تتصوره
ابو منصور

[اقدم صقار]

السلام عليكم علمي سلامتكم

عندي وكريه ولذلحين ماحذفة شي الله المستعان



هل هو طبيعي ??

اخوي لا والله ماهوب طبيعي
انت وين مكانك ؟
اذا انت في الرياض رح لخالد العويدي ويسنع طيرك ولاكن لا يكون الطير معلف اقل شي 12 ساعه
او وده لأحد تعرفه له خبره في الطيور ويشوف المشكله يمكن طيرك فيه قمل او مدهنته خربانه او هزيل او مريض
تغانم طيرك دام معك وقت
اخوك ابو منصور

[اقدم صقار]

طيرتي شيهانه قرناسه خاذفه خمس والفرخ شيهانه ماحذفت شي وانا صراحه اشوفها متاخره وش تنصحوني فيه
جبليات كلهن

المفروض ان الفرخه تحذف قبل القرناسه
لاكن طيرتك فيها عله انصحك توديها لحد عنده خبره في الطيور يشوف علتها

[اقدم صقار]

طييييييييييييييييييييييري باقي المووووسسسسسسسس ونايفه مربوط عند السهلي فيصل

تحياتي

ماشاء الله تبارك الرحمن الله يبارك لك فيه

[راعي صيحه099]

طيري
باقي فيه ثلاث -- ثنتين
الموس - النايفه - ورديفت النايفه
والموس والنايفه

ان شاء الله يجهز اول الوقت
بس
هل في هالوقت زين؟

يعني باقي اربع شهور تقريبا

[اقدم صقار]

طيري
باقي فيه ثلاث -- ثنتين
الموس - النايفه - ورديفت النايفه
والموس والنايفه

ان شاء الله يجهز اول الوقت
بس
هل في هالوقت زين؟

يعني باقي اربع شهور تقريبا

هلا بك راعي صيحه
ماشاء الله تبارك الرحمن
طيرك مبكر واموره زينه ماشاء الله
وللمعلوميه النايفه والموس تبي 90 ليل لا تحسب انه مبكر بالمره بالعكس زين وعسى الله يتمم عليه
اخوي ممكن سؤال وش علف طيرك ؟

[راعي صيحه099]

هلا بك راعي صيحه

ماشاء الله تبارك الرحمن
طيرك مبكر واموره زينه ماشاء الله
وللمعلوميه النايفه والموس تبي 90 ليل لا تحسب انه مبكر بالمره بالعكس زين وعسى الله يتمم عليه

اخوي ممكن سؤال وش علف طيرك ؟

الله يجزاك خير والله يتمم عليه ولا هنت

الطير في مربط محمد الباني بعنيزه ماشاء الله عليه مربط مضبوط

والعلف سمان طال عمرك