صورة قلعة عراد بالبحرين من أخت مبارك

[أخت مبارك]

السلام عليكم ورحمة الله
سبحان الله وبحمدة سبحان الله العظيم
صور قلعة عراد بالبحرين من تصويري

[نجم حفرالباطن]

صور خيال بصراحه اما صورة الباب فاخرا رائع

اما الصوره هذه




تذكرن بقلعة مارد بدومة الجندل بالجوف

[باني طوية]

هذي بعراد

مشكورة يخت مبارك

صور رائعة

الله يعطيك العافية

[محمد الشاوي]

ماشاء الله تبارك

تقرير جميل وصور رائعة لهذه القلعة الشاهقة ..

شكرا لجهودك الكبيرة أختي الكريمة .

[رحال الخليج]

ماشاء الله على هاذا التراث الجميل
مع اني اكثر من خمس مرات زرت البحرين بس مااعرف وين موقع القلعه هاذي ياريت توضحين اخت مبارك موقعه اكون شاكر الك
الف تحيه وتصوير رائع تحياتي الك والى اهل البحرين

[الغزال الشارد]

ماشاء الله تبارك

تقرير جميل وصور رائعة مشكورة اخت مبارك

[مسافر1]

تقرير جميل ..
ونتمنى المزيد فيما يوجد في البحرين ..
تنزيل الصور عن طريق المنتدى يضمن البقاء بإذن الله

[مطلاع]

شكرا لك /اخت مبارك
على التقرير المصور عن هذا المعلم الحضاري
بارك الله فيك

[المدى البعيد]

ما شاء الله الصور روووعه وخاصه الغرووب اعجبتني كثيرر

لكن عندي استفسار بخصوص موقعها وين لو حصل لنا زيارة البحرين كيف اقدر اوصل للقلعه وهل هي مسموح زيارتها كمتحف مثل حصن المصمك بالرياض والحصن اللي بدبي نسيت اسمه لكنه معمول على شكل متحف ويوجد له قبو ارضي وعرض فيه بعض المعروضات الأثرية سبق لي زيارته


يعطيك العاافيه وما قصرتي وكما ذكر الاخوان ياليت تعرضي لنا المزيد مثل هذه المواضيع خاصه بالبحرين


تحياتي لك وفي انتظار جديدك

[شقران نجد]

الف شكر لك اخت مبارك وتحياتنا لأهل البحرين جميع ......

طحتي بناس طماعين وكل شي عندهم قدام يعني لما يشوفون مثل هالصور الرائعه لا يرضيهم الا مشاهدتها على الطبيعه لذلك نفس طلب الأخوان بالعنوان كرماَ لا امراَ

اخوك

شقران

[جبال الهملايا]

صو ر رائعه جداً ولو كان فيه معلومات إضافية عن القلعه أفضل
وشكراً لك على الموضوع الجميل

[رمال البراري]

بسم لله الرحمن الرحيم ..

صورة رائعة .. مشكورة يا اخت مبارك

واستأذنك بهذة المشاركة

عراد احدى ضواحي مدينة المحرق والدليل ان احدى صور التي يظهر فيها منظر الغروب من خلف مدينة المنامة وكان في الماضي لا يوجد جسور بين المحرق و المنامة فكانوا يتنقلون بالعبارات ليجتازوا المسافة من مياه البحر التي تظهر في الصورة ..

وارفقت لكم الصورة بواسطة جوجل ايرث توضح موقع القلعة

السلام عليكم ورحمة لله وبركاته

[أخت مبارك]

السلام عليكم اخواني واخواتي اسفه على تاخري
وان شاء الله بقولكم وين تصير قلعة عراد

الله يسلمكم قلعة عراد هي في المحرق
بشرح لكم كيف والله يستر ان شالله تفهمون على شرحي

طبعا تعرفون دوار المطار صحيح؟
لاتمشون على الدوار اخذوا يمين قبل الدوار في شارع يودي يمين تاخذون يمين

راح تمشون بشارع بتشوفون فيه صقر كبير على الجهة اليمنى
قريب الاشاره
بعد اللاشاره تاخذون يسار
وتمشون عالشارع هذا راح تشوفون القلعه امامكم على جهة اليمين باينه واضحه والبحر بعد واضح
وتشوفون مطعم اسمه جسمير كبير مررررررة تاخذون اللفه عليه
وتخلون المطعم على اليمين وتمشون عنه
تمشون بعد شوي وتشوفون دوار
ترووحون يمين
وخلاصصصصصص هنا القلعه
تصير على جهة اليسار
وطبعا اكيد بالليل الساعه عشر اضن تسكر
بس طول النهار مفتوحه
واحلى وقت للتصوير الفجر والعصر
وهالصور اخذتها كلها العصر
وياريت تكتبون الوصف في ورقه عشان ماتضيعونها بعدين
يعني اللي دايم يجي البحرين بيعرف الوصف اللي وصفته بسرعه
انا كان ودي صراحه اصور صور ثانيه بالطابق الثاني من القلعه
هي قلعه صغيره مو كبيره مره
بس كنت خايفه وووووووايد وماصعدت
واكتفيت بهالصور
مع ان الود ودي اشوف الطابق الثاني
وبعدين شفتوا البحر هذا اللي حاطين عليه سور هناك يوم كنا اطفال
ابوي يودينا ونشرب من البحر ماء كان حلو خاصه الجزء اللي من
قدام الشاطئ وفي كان ماء سبحان الله ينبع بالبحر نشرب منه حلو مره
والبحرين سميت بهالاسم لان فيها ماء حلو داخل البحر
وسبحان الله ماينخلط يبقى لحاله مفصول عن الماء المالح


اتمنى فهمتوا على وصفي

[سطام vip]

يا مال العافيه اخت مبارك

وصراحه صور رائعه وفيها رائحه الماضي

احسنتي اختيار الزوايا والله يحفظ البحرين واهلها من كل شر

وعندي سؤال عن عين عذاري شخبارها؟؟؟؟ اذكر انه تم تحويلها لمنتدزه او ما شابه

يا ليت تعطيني معلومات عنها واسف على كثر الطلبات

دمتي بحفظ المولى

[أخت مبارك]

مرحب اخوي سطام
عين عذاري من فتحت من جديد مارحتها مع ان ودي اروحها
بس للاسف ماصار نصيب اروح
بس سمعت انها صارت حلوه وعدلوها شوي
ويعطيك العافيه اخوي على الكومنت الطيب نورت ياهلابك