15 نوفمبر 2015 - 16:514 نوفمبر 2015 - 21:27 منتديات مكشات


::::::: تابعونا على تويتر مكشات :::::::


مرحبا بكم في منتديات مكشات

::::::: تطبيق مكشات للأجهزة الذكية :::::::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية
النتائج 1 إلى 4 من 4

الموضوع: ديوان الشاعر/ العطيشان

  1. #1
    تاريخ التسجيل
    Aug 2005
    الدولة
    عنيزة
    المشاركات
    40

    ديوان الشاعر/ العطيشان

    بسم الله الرحمن الرحيم
    السلام عليكم ورحمة الله وبركاته
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    (((المقدمه)))
    الشاعر / العطيشان - من الشعراء المميزين والذين أثروا قسم الموروث الشعبي في منتديات مكشات بالقصائد الجميله والمعبره وقد قامت الإداره مشكوره بجمع هذه القصائد في
    دواوين خاصه لكل شاعر وهي إذ تقدم ذلك إنما تسعى لحفظ جهود شعرائها وجعلها
    في متناول القارئ وهي تقدر للشاعر مايبذله من جهد وتفان ٍ في هذا المجال


    ((السيرة الذاتية))


    ننتظرها من الشاعر
    """

  2. مشاركة: ديوان الشاعر/ العطيشان

    @@راس مرقاب@@

    عديت في عـــالـي طــــويلات وهضاب = بعيد عن صـوت وحساس المدينه
    وأمسيت أنا وحـدي على رأس مرقاب = واللي جلس مثلي عـسى الله يعينه
    وشب القصــيـــــد بداخل القلب ملهاب = يذكر زمان أول ويذكــــــــر حنينه
    فـــكــــــرت بالـدنيا وأنـا توّنـــي شاب = ولقيت غيري مــبــلـــشـاته سنينه
    القلب يــحـــــــزن يـوم يفقد له أحباب = والعين تبكي والــمــــدامــع حزينه
    ما فات من عــمـري مثل صفحة كتاب = والــمـــقـــبل الأيــــــام بيني وبينه
    ما فاد في وقـــتـــــي مشاريه وعـتاب = لو ألتزم أمـــــره وأقـــــــبل جبينه
    لا حاجـــةٍ تـــقـــضى ولا يـنـفـتح باب = والحظ لو يقــــــفي ترى عــاذرينه
    لو إن حظـي نــــوّخ ببـــابي ركـــــاب = أشوف قشــــــران العــرب مبتلينه
    ما فيهم الـلي ما بـيــــده شال مشعاب = أقـفــوا عـــليه وروحوا مقـتفــيـنه
    وقل الرفيـق اللي صـفا بين الأصحاب = اللي لـمــيــــلات الــدهـر ذاخريـنه
    اللي بفعلـه يبـعـــث بـنـــفسي إعجاب = وإذا نطــق ما ينطــق إلا الـثــمينه
    وإذا نـخــيـــتـــــــه قال سداد الأرقاب = روحي ومالي تحت أمـــرك رهينه
    قوله وكــاد ومـن قسا الوقت ما هاب = وفعله بيوم ٍ قد مــضى خـــــابرينه
    وتـرى الـرجال بفعــــلها دون الأشناب = وكـــل حصـيـله ما تــقــدم يمـــينه
    والطـيب والنخوة لها أدروب وأبواب = والشيء تكــمـل حاجته وقت حينه
    والعزوه اللي ما تجيء وقت الأسباب = لا شك قــدرك عـنــد ربعــك تهينه
    أحـــدن بعــقــــله يازن عقول وألباب = رأيه ســديــد ويتـــصـف بالسكينه
    وأحدن حــضـوره مثل ذكره إذا غاب = لا حـــافظــــن دنــيـا ولا عز دينه
    اللي طـمــــــن ما يرفعه بشت وثياب = ولا عـــذرب الــعـالي ولو قل زينه


  3. مشاركة: ديوان الشاعر/ العطيشان

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    لا ضاق صدري رحت للبر حطاب = وشبيت ناري في صحاري خلاها

    وسط الفياض اللي بها أزهار وأعشاب = ريح الخزامى فايح(ن) في مساها

    استرجع الذكرى على رأس مرقاب = وأرسم لقلبي صورة(ن) ما نساها

    دنياك تلبس لك عبايه وجلباب = وتخفي غدر سود الليال وجفاها

    شفت القمر يوم اكتمل صار جذاب = نور ليال(ن) مظلمه في سماها

    ترى العمر مثل القمر طل ثم غاب = أغنم حياتك لا تكدر صفاها

    حافظ على الطاعه قبل يقفل الباب = ثم يتبين صحها من خطاها

    اليوم فعل الطيب راعيه ما خاب = عند الرجال اللي بعيد(ن) مداها

    الطيب يبقى يا فتى الجود لو شاب = في شجرة(ن) سيل المكارم سقاها

    والبيت ما يبنى بلا أوتاد وأطناب = ومن لا بنى يسكن مذاري هواها


  4. مشاركة: ديوان الشاعر/ العطيشان

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    هب البراد ووجهته من شمالي ‍=وجتنا علوم الحيا بالصوت والصوره
    قم شغل الجيب تكفى يا بعد حالي ‍=نبي لنا ديرة(ن) بالسيل مذكوره
    النفس ملت من الجدران وظلالي ‍=نبي السعة عن محيط الدار وقصوره
    بالبيت كني سجين وجالس لحالي ‍=حتى النظر لو نمده حاجبه سوره
    نبي الوناسة معك يا طيب الفالي ‍=نأخذ لنا بالفيافي والفضاء دوره
    في ديرة(ن) مابها جوال وإرسالي ‍=مرتاح بالك بلا صجه وفاتوره
    نبي لنا فيضة(ن) وشعيبها سالي ‍=تنطحك ريحة نفلها بأجمل عطوره
    نقضي بها ليلة(ن) مع خوة عيالي ‍=الكل منهم حكيم وصايب(ن) شوره
    النار شبت وصفت حولها دلالي ‍=وفراشنا حولها والنفس مسروره
    أخفنا للنشاما صب فنجالي ‍=فنجال بنن يرد الفكر لشعوره
    ثم السوالف تجي ما فيهن هزالي ‍=ليل القصص والقصايد ولعو نوره
    هذي حلاة الوناسة بالخلاء الخالي ‍=الروض الأخضر وريح العشب وزهوره

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •