((( ماخاب من استشار )))

[(هزاع)]

السلام عليكم ورحمة الله وبركاته
تحيه طيبه لجميع رواد هذا الصرح
الموضوع : براسي مشروع شراء اربعين قعود صوماليات وتسمينها وبيعها
س 1 / اين يمكنني ان اجد السوق المناسب للشراء
س 2/ كم اسعارها بالمملكه قبل التسمين يعني توها جايه
س 3/ كم الفتره الزمنيه لتسمن ان اكرمتها
س 4/ ماهو العلف المناسب للتسمين السريع
ارجو من اخواني الاعزاء مساعدتي بالراي عن عرف
اخوكم متقاعد والطير بالمربط ومقابل النت خرب نظري ويبس عظامي
اخوكم بالله /ابومشعل
××××

[adnanmgh]

اقول الله يوفقك يبو مشعل

ليت كل الناس تفكر مثلك

موفق يارب

[حريب الياس]

اذا تبي شوري دور اي قعود او بكره المهم مطيه شبب حالها ضعيف و هي سليمه من الأمراض المستعصيه و اشترها و عليك بالبرسيم الربطات ( الحزم ) اشبعها ابد اذا الله ستر عليها و كانت صاحيه من 5 الى 4 شهور تلاحظ الزود في حالها . و ان حصل تذوقهن حمض احسن و احسن .

[راعي النوادر]

أخوي الله يرزقنا ويرزقك ومن يقراء
اتوقع تروح للميناء الي في جده تحصل بسعر مناسب وتحصل غنم سواكن وبرابر
ونصيحتي لك قيمة القعدان لو تحطها في برابر او سواكن احسن وتمشي في السوق اسرع
قيمة القعدان بتجيبلك تريله او تريلتين برابر من الميناء والله اعلم

[قلب ذيب]

ارحب والله يوفقك .
....... سوقها بالاحساء او الرياض , واذا عندك امكانيات خلها 200 راس ( استيراد ) واذا عندك كميه اضافيه , حولها الامارات وكل مشروك مبروك .
( لاتنسى ان شهر رمضان المبارك مقبل ) .... سعر الحيران من 4 الى 5 الاف ...... والله اعلم .

[عواد الشمري2]

ابو مشعل الله يقويك ويوفقك وانت رجالن تستاهل كل خخير
1.المتسورد بكل سوق ينباع عندنا بشمال 3500 مفاريد وحقايق وياصل الي 4000
2.اسعارهن قبل التسمين هذي يبي لك واحد بامينا بجده لن محد يعطيك الصحيح
3.ان الله اشاء شهر شهرين بالكثير ومورهن طيبه اذا بطونهن سلم
4.بنسبه للعلف كله زين المركب ككويس والشعير والبرسيم
بس يابو مشعل ترا شغل البل اذا انك اول مره تره به صعوبه شوي ويتخر البيع مهو مثل الغنم
وابي انصحك نصيحه البيع السريع والمكسب الحلو الطليان ترا بهن مكسب طيب وسرعت تصريف وقل كلفه

[الذحاح]

والله ياخوي هزاع سوقها بالسعوديه كلها الزبون بيجيك الين خشم الحوش خصوصا ان الصيف وبعده رمضان قرب وبالنسبه للتسمين باختصار كل شي يحتوي على البروتين يسمن واولها الفول ومن بعدها فول الصويا ومن بعدها الذره الصفرا ومن بعدها الحلبه وما ادراك مالحلبه ثم البرسيم واحسب حسابك انها بل علفها مكلف والله يوفقك اخوي