شباب تنصحون بتظليل التاهو2012 وش افضل محل للتظليل

[بن عويشير]

شباب عسى عمركم يطول

السلام عليكم يا اوجيه الخير
شباب تنصحون بتظليل التاهو2012 وش افضل محل للتظليل

صحيح تقلل حراره الشمس او وجوده كالعدم

[ع. بن عمار]

و عليكم السلام ورحمة الله وبركاته
وعمرك على الطاعه قل امين
الله يعطيك من خيره و يكفيك شره

شف يالغالى قل اول شئ لا إله الا الله و صل على محمد
انا يا محدثك ظللت موترى السوبربان اول ما طلعته من الوكاله عند شركة مهب معروفة وعلى اساس عليها ضمان 5 سنوات
قلب لونها مع الشمس صارت افتح و لما رحت لهم ولاهم شادين من موقعهم ولا يمكن ان المحل خسر وقفل

فنصيحتى لك شف درايف 7 ولا لومار(ال لومر) غاليات شوى بس احسن لك و أضمن
ولا تنسى تحط حماية للوجه تفتك من الفيرى والتغبير إذا انك بتمسك لك خط

من ناحية انها تقلل حراره نعم بس لازم انك تحطها على كل القزاز بما فيها الأمامى
دمت بحفظ الله ورعايته

[omerqaz]

انتبه!!!ّ
لا يتفلسفون عليك ويلبسون لك الاصطبات الخلفيه وجه حمايه راح تتكسر وتتشطب (حصلت معي)

المشكله 2012 يعني ما راح تلقى قطع الا من دبي

[Shqra]

تضليل النوافذ عند لومار + تفصيل ستاير على النوافذ تجيك مرنة من الأطراف وتكون داخل مفيدة جدا وأفضل من التضليل لكن حتى تاخذ منفعتين تحطهم الإثنين ، التضليل خله أعلى شي مسموح والستاير بتعطيك كتم

[tevo]

لا تقرب درايف 7 انا مضلل 3 سيارات جيب لكزس عند 7 درايف ومضلل جيب فوتشنر وجمس عند زيبارت فرق شاسع بين الشركتين افضل شي عندك زيبارت وفي كول هذي ابدا لا يعلا عليها .
وان كانك تبي تضلل عند غيره فاشتري التضليل من برا ويجي مقصوص علي مقاس السياره بس يبيلك محل محترف يركبه وبيطلع عليك بسعر جدا رخيص سبق اني شريت لي 5 سيارات وطلع اجامعلي التكلفه مع التركيب ما يقارب 1600 ريال لكل السيارات .
الخلاصه زيبارت فيكول يستاهل ولك وللزمن .
باقي الشركات ما تستاهل وسعرها غالي .

[ابوعبداللة09]

ارشح بعد التجربة في كول ظللت عندهم سيارتي اليوكن قبل خمس سنوات وعطوني ضمان خمس سنوات وقبل تنتهي السنه الخامسه فكت التظليلة الخلفيه من الاطراف شوي ورحت عندهم وبدلوها على الضمان وشيكو على الباقي وغيرو بعد حقت النافذة الجانبية مجانا وتعاملهم جدا راقي والتظليل بالمره ممتاز تحياتي

[دينالي2011]

أولاً الله يبارك لك في الموتر، ويعطيك خيره ويكفيك شره.
شوف ممكن تشتري التضليلة من برا من هالموقع http://www.tintzoom.com/Do-it-Yourself-Window-Tinting-s/1.htm وتطلع عليك تقريباً بـ760 ريال مع الشحن وهو النوع اللي يركبه لومار وسعره تقريباً 2600 ريال واللي يسمونها سيراميك، طبعاً السعر مع لفة التضليل للزجاج الأمامي، وممكن تركبه عند 3M بـ300 الى 350 ريال تقريباً، يعني تقريباً رايح يكلفك مع التركيب 1100 ريال وبكذا توفر على نفسك 1500 ريال، والعزل فيه من أحسن مايكون.
وإذا انت تبغى النوع العادي رايح يكلفك690 ريال مع الشحن وتركيبه تقريباً 350 ريال، يعني الإجمالي من 1000 الى 1040 ريال واللي هو يركبه لومار بسعر 1800 ريال يعني ممكن توفر 800 ريال والعزل فيه أيضاً جيد.
تحياتي للجميع.

[Mohammed5d]

اول شي الله يعطيك خيره ويكفيك شره
كنت بقترح عليك نفس ما قال اخونا دينالي خذها من برا شركه لومار وركبها في الرياض
وخل عنك هالشركات النصابين

[سوبربان2011]

اقرب محل زينة وضلل تضليلة كورية ضد الحرارة الي تجي طية كبيرة احسن واوفر .. وانحش عن الصيني والتايواني

[برق الرياض]

جزاكم الله خير

[تركي12]

شركة التلميع الذكي
هي متخصصة بالتلميع بس عندهم تضليل وحماية وتغيير الوان وتنجيد
انا سويت عندهم تنجيد وحماية وتضليل
الحماية عندهم ممتازة 3m امريكية وعليها ضمان 5 سنين والتضليل سيراميك نانو عزل 99 بالمية عليه 5 سنين ضمان
اسعارهم ممتازة وكل 6 شهور يلمعو الحماية مجانا
هي من افضل الشركات بنظري
جمبهم محل ايجار سيارات انا حطيت موتري واستاجرت
ملاحظة جمبهم محل تاجير سيارات

مكانهم في الرياض - مخرج ١٠ - طريق الملك عبدالله - بعد مسجد الحديثي - قبل قصر المقصور ب ٥٠٠ متر - داخل محطه الدريس اللي فيها كوفي جافا تايم وورشه العيدي

[الحربي 591]

اخوي ضلل عند برفشينال
انا ضللت جيب و تاهو عنده عازل شمس 2700
ممتاز جدا

[abuahmed1]

شركة التلميع الذكي
انا سويت عندهم تظليلل
وكان رائع جدا حسيت بالفرق جد بالصيف تظليلهم سيراميك نانو يعزل 99% من حرارة ووراني هالشي بجهاز يقيس العزل واعطاني ضمان مدى الحياة. عندهم كمان تلميع وجربته كان مرا ممتاز وعندهم تنجيد وتلبيس ارضية بلاستيك وتغير الوان .

المحل ممتاز جدا ويستاهل الزيارة
موقعهم: الرياض - مخرج 10 - طريق الملك عبدالله- بعد مسجد الحديثي -قبل قصر المقصورة ب 500 متر داخل محطة الادريس اللي فيها جافا تايم .
جمبهم محل تاجير انا حطيت سيارتي واستاجرت

[سوبربان2011]

مافي احسن من تظليل كوري عند محلات الزينه مايكلف أكثر من 100ريال من تجربتي

[1824]

التظليل الكوري ممتاز الي في الزينة سيارتك كاملة ما تكلف 80 او حتى 70

او انك تظلل من سولار كنترول بعرض خاص اسعارهم حلوة وضمان مدى الحياة ممتاز جدا وامريكي متخصص ويعزل عن تجربة بالتوفيق لك