15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي
عندي مشكلة في موتري لاندكروزر 2008 جي اكس 8 سلندر
فيه هواء مو طبيعي في التانكي اذا صفر عبى اكثر من النص شوي زي الحلاوة
والباقي يبهذلني بهذله يبي له نص ساعة علشان تكمل التانكي كل شوي تفصل الطرمبة
وبعض الاحيان اعبي مرتين اعبي فوق النص واخذ مشوار واكمل الباقي عادي
بس بهذلني في السفر.
تكفون ياشباب اللي عندي خلفية لا يبخل علي.
مكشاتي
فرغ الهواء الي بالتانكي وشيك على طرمبة البانزين عند الكهرباىي
مكشاتي متقدم
نظف فلتر الهواء اوغيره صارت معي كذا
مكشاتي
كيف أفرغ الهواء؟؟المشاركة الأصلية كتبت بواسطة راعي فتك 2005
مكشاتي
ابو فهد اذا فيه وسيلة اتصال لك ابغي اتواصلً معك بخصوص هذي المشكلة
مكشاتي متواصل
حدثت المشكلة مع زميلي معه سيارة صالون 2005بهذلبه عند التعبئة راج مهندس يقول فك التانكي ونظف القسام او الشخال لقاه مسكر على ما اعتقد انهقبل يدخل التانكي بالماصورة او نهايتها وطلع زي الحلاوة
مكشاتي متواصل
السلام عليكم ورحمة الله وبركاته
في البداية اهدي موضوعي هذا لمنتديات تويوتا العربية وجميع اعضائها وزوار المنتدى الكرام
واهني نفسي واهني كل من يعانون من مشكلة تانكي البنزين وعدم تعبئة التانكي فل بسبب الهواء بوجود الخلل واصلاحة
(( المشكلة بسيطة جدااااااااااااً ))
المشكلة بأختصار من بلف الهواء أللي داخل تانكي البنزين مقفل
ويحتاج تنظيف (( فقط ))
وكلفتني الشغلة كلها فك وتنظيف بـ 200 ريال فقط خلال ساعتين فقط
وبعد انتهاء تنظيف البلف او الصمام رحت لأقرب محطة بنزين والسيارة شبه فاضية وعبيت بنزين على "" اعلى سرعة "" في مكينة المحطة ( لأختبار تصريف الهواء ) والنتيجة ولله الحمد والشكر ناجحة بمرتبة الشرف
وأول مرة من شريت سيارتي اعبي بأكثر من خمسين رياااااااااااااال مرة وحد وفي اقل من خمس دقائق ( ياسلام من زمان انتظر حل هالمشكلة )
والآن اترككم مع بعض الصور التوضيحية لتانكي البنزين ومكان بلف التهوية و بلف الهواء
هذا صورة توضيحية لتانكي المفخرة 2008 وطالع:
هذه صورة لـ بلف تهوية تانكي البنزين مشابه لبلف تهوية تانكي بنزين المفخرة:
وهذه صورة توضيحية داخلية لبلف تسريب الهواء:
في ختام تقريري (( ابشر )) كل من يعاني من هذه المشكلة (المستعصية) سابقاً ان الحل وجد وهو كما وضحت لكم
متمنياً الفائدة للجميع
وارجو من مَن استفاد من موضوعي هذا ان لا ينساني من الدعاء لي ولوالدي ولذريتي
وتقبلوا محبتي واحترامي،،
.
منقول للفائدة
مكشاتي
الله لايهينك تسلم يالغالي
مكشاتي
تسلم يالغالي
مكشاتي متواصل
المشكلة هذي معروفة بموديلات ٢٠٠٨ ٢٠٠٩
مكشاتي
الله يعطيكم العافية
بس ياليت اذا احد يعرف ورشة تصلح هالمشكلة في الرياض يدلنا عليها
لان بعض الورش يتعبث في السيارة وبدل مايصلح يخرب
مكشاتي برونزي
جزاى الله خير من وضع لك الجواب
مكشاتي متواصل
اخوي رح لم العضيب اللي بجانب بنده اللي بمخرج 5 ويضبطونها لك لاني انا صارتلي نفس المشكله وظبطوها لي وشكرا
مكشاتي
الله يعافيك ولا يهينك
مكشاتي
جزاك الله خير
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
