لاهل الفتك واهل الخبره

[العطاوي a511]

السلام عليكم ورحمة الله وبركاته


عندي حراره بالفتك ونصحني واحد اغير الرديتر ورحت ادور رديتر ولقيت الرديترات كبار ماهو زي اللي راكب عليه صغير

حجمه راعيه الاول شكله مرهمه لان الموتر جايته صدمه بالوجهه

اللي عنده صوره الرديتر حق الفتك لايبخل فيها على


الشي الثاني لقيت رديتر اردني 540 ريال

وش رايكم اركبه للي جربه هل ينزل الحراره وعملي ولا خرطي

اتمنى من اللي جربو الاجابه واللي ماجرب ياخذ معلومه افضل من التخمينات

الموضوع للفائده لي وللجميع ويكون مصدر للباحث عن المعلومه الصحيحه المفيده


يقول المثل اسال مجرب ولا تسال طبيب

والحر بالاشاره يفهم

[حلتيت]

الاخرطي احسن من الاردني لاتقربه وخاصه اذ الفتك تماتيك فيه طبات للقير تنفجر ويخبط عليك القير

[العطاوي a511]

طيب يالنشمي وش اركب رديتر له احسن نوع بعد الوكاله طبعا الوكاله نار حمراء

الموتر تبترونيك عايدي تماتيك

[التعـ King ـديل]

مالك الا الوكاله اضمن واريح لراسك

[حلتيت]

اذ اديتر الموتر يتصلح ترى احسن

او شف لك اديتر جديد حتى لو كان الاردني الخايس بس بشرط ركب تبريد خارجي للقير اضمن لك
واذ فيه بديل للاردني يفيدونك الشباب

[المميـز]

:

راديتر الفتك صغير

وراديتر الـ 4500 كبير

واحد مركب صيني ويمدحه قبل ثلاث سنوات وسعره فوق الـ 500 ريال



:

[العطاوي a511]

يااخوان دورت صور للديتر الفتك مالقيت ابي صوره للديتر للي عنده بلشت اللحين محلات قطع الغيار مطلعين لي رديتر كبير ويقولون هاذا حق الفتك 2004 ورديتر الموتر صغير واشك انه مرهم لان راعيه الاول قابع بالوجه

ولا ندري

[العطاوي a511]

بوه صور رديتر ولا مابوه

[المميـز]

:

الصور من موضوع اخونا مخاوووي الليل

رابط الموضوع

للبيع رديتر نيسان فتك vtc وقطعة شكمان







:

[sgl2002]

الرديتر الكبير يجي على المكاين ٤٥٠٠ القديمة

اما الفتك وال٤٥٠٠ من ٢٠٠٥ وفوق يجي الرديتر صغير

وافضل لك خذ رديتر وكالة وانساه ١٠ سنين

[العطاوي a511]

بيض الله وجهك ماقصرت يالمميز عز الله انك مميز صدق على اسمك لي اربع ساعات احوس بالنت مالقيت صور ماشاء الله عليك

هاذي الصوره زي صوره رديتري بس اللي قاهرني قطع الغيار هالخبول وش اسوي معهم افقع وجيههم ولا وش اقول رديتر فتك 2004 تماتيك يطلع لي الكبير فقعو راسي
هازا رديتر فتك صديق ميه ميه مافي هراره كلو نفر شيل احسن من وكالا

[المميـز]

بيض الله وجهك ماقصرت يالمميز عز الله انك مميز صدق على اسمك لي اربع ساعات احوس بالنت مالقيت صور ماشاء الله عليك

هاذي الصوره زي صوره رديتري بس اللي قاهرني قطع الغيار هالخبول وش اسوي معهم افقع وجيههم ولا وش اقول رديتر فتك 2004 تماتيك يطلع لي الكبير فقعو راسي
هازا رديتر فتك صديق ميه ميه مافي هراره كلو نفر شيل احسن من وكالا

ووجهك ابيض .. ماسوينا الا الواجب

لو تمر الوكاله وتاخذ رقم القطعه منهم ( الراديتر )

وتدور بالرقم بمحلات قطع الغيار

والله يسهلك عليك ... واذا بغيت مساعدة امر وتدلل حنا بالخدمه

:

[تمنيتك لي]

آذ أنت مستخدم ركب من آلوكآلة

وآذ أنت مو مستخدم ركب صيني

[K.S.A.A]

أنا معي سفاري موديل 99 4500

غيرت الأديتر قبل أسبوع وطبعا الأديتر اللي غيرته كان أديتر وكالته . (سعره في الوكاله قاللي ب 1800 بعد الخصم)

وركبت أديتر أردني ب 470 ريال من محل قطع غيار , وله أسبوع والنتائج مرضيه , مكيف وزحمه وقفه نصف ساعه الحراره ربع ( حرارة البلف )
بس مابعد جربته ع الخط .

المهم : إن صاحب المحل أعرفه زين وقالي الناس كلها تركب أردني بدال الوكاله لأنه غااااااااالي .

ملاحظه : ( الأديتر الأردني أعرض من أديتر الوكاله, يعني كأنه أزود برصه من أديتر الوكاله )

وإذا تبي النصيحه اللي لاقبلها ولابعدها ركب أديتر وكاله مهما كان غالي خصوصا إذا موترك قير أوتوماتيك ..

[العطاوي a511]

ووجهك ابيض .. ماسوينا الا الواجب

لو تمر الوكاله وتاخذ رقم القطعه منهم ( الراديتر )

وتدور بالرقم بمحلات قطع الغيار

والله يسهلك عليك ... واذا بغيت مساعدة امر وتدلل حنا بالخدمه

:

مايامر عليك عدو انت مكسب للمنتدى وللمكشاتيه