سؤال / للاهل الخبره بخصوص الباترول 2010 وفوق ( بطل الدروب )

[الودعاني711]

يسعد مساء الجميع حبيت استفسر ؟؟؟

عن الباترول 2010 وفوق (بطل الدروب )

ناوي اشتري باترول 2010 الشكل الجديد وابي استفسر من خبرتكم في السيارات واعطالها

ودي يالربع اعرف عيوبه والاعطال اللي حصلت لكم مع الباترول الجديد او ذكر العيوب

المصنعيه وهل فيه مشكله مع الحراراه وانا رجال راعي خطوط وراعي رمله << دوام في

الربع الخالي واحب البران وابي نصيحتكم واسف ع الاطاله

ونصيحتكم

[ابوسند9]

الله يسعدك ويحييك
والله السياره ما عليها كلام فوق ما تتصور واعرف ناس كان معاهم جيوب لكزس وفكسار واشترو الباترول الجديد سياره ان قلت خط تقل الماني وان قلت بر قمة الراحه والرساوه وانت قوة مكينه فخذ قوه
وبالنسبه للبر اعرف ناس من زملائي اهل بر دائم ولهم حول السنتين وما شفو منها اللى العافيه
لكن اذا انت متعود على الفتك او الفكسار تراه وانت تسوق السياره تحس انه كبير شوي
وعندك 400 حصان و320 حصان وانت راعي بر فا انصحك ب 320 لكون المساعدات عاديه عكس ال 400 حصان هدروليك
واذا حبيت معلومات اكثر عندك موقع نيسان اريبيا راح تحصل كل شي

[الودعاني711]

ابووسند بيض الله وجهك على المعلوومه بس انا لاحظت اللي يجي 400 جنط 20 مطبه اقوى من 320
ابوسند موتري اللي معي فكسار 2008 بريمي اخاف لاشريت الباترول اتحسف مع اني لاحظت كم واحد مسوي اعلان في موقع حراج وكاتب عباره ( للبيع باترول او البدل بفكسار ) ؟؟

[ابوسند9]

حياك الله اخوي
بالنسبه للمطب اكيد كلما كبر الجنط كان المطب اقسى
ونا قلت لك خذ 320 حصان افضل للبر وركب جنوط 17 نفس شكل جنوط ال 400 وارخص كفرات وشكل اجمل وحتى لو بتركب كفرات بالون
اما من ناحية انك شفت كم واحد بموقع حراج فهناك الشريطيه واجد
وفيه ناس واجد بدلو الفكسار بالباترول الجديد
وانا اشوف ان الباترول الجديد صعب تحصله بالمعارض مستعمل ومع ذا ماسك سعره ما شاء الله
الشي الاخر من يوم طلع الى الان ماسمعت او شفت بالمنتديات احد اشتكى منه
لكن مشكلتنا احنا الشعب السعودي انا نسب السياره ولا قد استعملنها او قد ركبنها
لكن انا اشوف انك قبل تشتري انك تشوف احد من زملائك معه باترول او تستاجر وتجرب وتشوف الفرق
وهذا رابط يمكن يفيدك وتستفسر من صاحب السيارهhttp://www.mekshat.com/vb/showthread.php?t=457991

[الودعاني711]

كلامك يبهج الخاطر والله يبيض وجهك وجه كل من شاركنا في هالموضووع ::ــــ

س/ هل صوت المكينه 320 مثل صوت مكينه الــ400 ولا فيه اختلاف ؟وهل هي مثل صوت
التويوتا الست سرندل صوته لها حنه والثمانيه سرندل مالها صوت

[نبيل المقاصد]

لا يالغالي لا صوت ولا شي
320 وال400 كل المكينتين 8 سرندل وانا انصحك بال 320
وانت عل قولتك راعي جلد ليش ماتاخذ القير العادي 320 6 تغييرات من دون الريوس

[ابوسند9]

اخوي
الحين مكينة الفتك 6 سرندل ما تقارن بمكينه التويوتا 6 سرندل من ناحيه الحنه اي لصالح الفتك
فما بالك با الثمان سرندل
اما من ناحيه فرق الصوت والحنه فا اكيد الكفه تميل لصالح ال 400 حصان اهدء نسبيا
لكن الفرق ما يعرفه اللى اللي جرب الاثن ين ومع هذا كلاء النوعين هاديه وعزل صوت فوق الممتاز
والصراحه انه نقله قويه ونوعيه بدون تدرج عن الفتك من ناحيه القوه وعزل الصوت والهدو والموصفات
وانا ان ناوي على 400 بعد كم شهر ان شاء الله
اما اذا كان استخدمك عنيف وطرد بالوعر ومناقز فما فيه غير الفتك لون تلف الدنيا وعن تجارب جميع السيارات
اخيرا الله يكتب لك اللي فيه خير واستخر وجرب قبل تشتري واستعن في قوقل وشوف كلام المجربين يعني لا تاخذ كلامي لان كلامي من تجارب بعض الزملاء وليس تجربتي

[الودعاني711]

لااله الا الله محمد رسول الله