لاندكروزر جي اكس ار 2007 باسم صاحبة وكالة ماشي 350 ألف قير عايدي

[كاشت بالمريخ]

السلام عليكم

كيف حالكم ياجماعة الخير
..
المهم ما اطول عليكم

بعض الي قرى العنوان دخل على شان يحسب انه عرض
وانا الصراحة ابي اخذ رايكم


الوكاد انه بعد كلامكم لاتسافر برى وتشتري.
حصلت سيارة باسم صاحبها وكالة المميزات :
1.الموديل2007
2.لون لؤلؤي
3.خلفية لكزس
4.قير عايدي
5.ثلاجة
6.ديفلوك
7.مواصفات سعودية
8.فتحة
9.جناح
10.مراتب عادي مخمل.
11.رشاشات موية للمبات الامامية.
......
العيوب :
1.ماشي 350 ألف
2.رفرف خلفي على تانكي البنزين ويقول بسيطة.
3.مخش بسيط ع زاوية الصدام الامامي ركن يمين..والخفي مثلة
4.المكينة فيه تقطيع ..ويقول صاحبها التقطيع بسيط مع القير في الغيار الثاني والثالث والرابع وكلها بسيطة ..ومع الخامس يروح.
....
والسعر يقول 120 ألف ..
..
ابي اخذ رايكم وش يسوى ؟؟ وهل القيمة مناسبة ؟ ووش شوركم ؟ ووش هالتقطيع هل يمكن يكون كمبيوتر؟
..
وشكرا لكم

[شبل داورد 1]

بالمريخ بختصااااار
أحرص على الموتر النظيف
وان كان قصدك الفلوس خذلك أنزل مديل ٢٠٠٤او ٢٠٠٥ بس خذ واحد أذا وقفته عند الباب ينعشك بشوفته ماهو رمه كادينه الريجيل قبلك
وترا الفرق خط واسطبات بس ولا المظمون واحد
والله يوفقك

[ابو عزام الشمالي]

والله غالي جداً
والممشى كثير

[ابونبيل]

غاااااااااالي جدا ولا يستاهل انت تبي تشتري عشان تصلح ولا عشان تستعمل الموتر ماشي واجد والبلا اذا وصل لتقطيع في المكينه وش تبي بالسياره!

خذ اي موديل حتى لو 2004 ترا ترهيمه سهل الى 2007 اعرف واحد مرهم 2002 الى 2007 ولا احد درى انه مرهم

[كاشت بالمريخ]

الموتر شوفته ازين من الممتازة
..
بالنسبة للتقطيع: يقول صاحب محل عندنا افحصة لك من الى ..كمبيوتر وكل شي بـ 450 واطلع علومه كلها.
..
ويقول المهندس : اذا لمبة تشييك المكينه والعه وشغاله : هذا يحتاج الى فحص كمبيوتر دقيق .. واكيد فيه مصيبة ..
اما اذا ماهيب تولع فهي سهلة مرة ..
..
والموتر ماتولع لمبته ,وانا الى حزتكم هذه ماكلمت راعية على اني قلت لك ربع ساعه وارد لك خبر..
..

بالنسبة للسعر انا اشوف انها قيمته بالضبط لازود ولا ريال .

..
يحتاج لكفرات .
الي انا افكر فيه ليه راعية ماصلح التفتفه هذه!!!
..

اشوف كثير بالمواقع بالنت اسعار فلكية !!! .

..
اما اذا عندكم يالربع عروض فترانا نستقبلها ..
وشكرا لكم

[صاحب الذود]

الموتر سعره غالي وعلى كثر ممشاه
والتقطيع في المكينه مشكله كبير
مثل ماقالو الاخوان خذلك 2005 او 2006 لو 110 الف بس موتر يستاهل

والله يوفقك

[كاشت بالمريخ]

بارك الله فيكم
..
تراني خذيت بشوركم ورايكم..
والله يكتب الي فيه خير
..
هونا منه .
..
ولا عاد نطريه
.
شكرا للجميع

[بحرالمحبه]

في 2007 خليجي لؤلؤي فل قير توماتيك ونش فتحه دفلوك مآشي 210 راعيه يقول بدي سليم اذا لك نظر اعطيك رقمه والله يكتب اللي فيه الخير مسيوم بـ130 الف

[جي اكس ار2000]

عندي 2007 توماتيك نظيف ماشي137 جوالي 0500070343

[موتك]

اخوي راجع اعلاني

[كاشت بالمريخ]

بحر : بارك الله فيك ..والموتر الي تقول غالي علينا شوي..الله يرزقة
..
جي اكس ار20000 : ياليت حطيت مواصفات مثل اخونا بحر المحبة .وياليت حطيت سومة . ع كل حال اتصل فيك ومقفل جوالك .
..
موتك ياليت حطيت رابط اعلانك .لاني تمشورت ابحث في ملفك الشخصي . ولقيت كم موضوع .
..
لازال الطلب جاري
..
وياليت يا اخوان الي عنده عرض وعنده واتس اب / يراسلني على الواتس اب : 0566613396
الله يوفقكم