الا أنبـاء المتفرقـه والجميـعـه
عن ميليس وقتل الحريري وجبران
اهون خبريظيق شسـع الوسيعـه
والي يغني من حزن مهوطربـان
لكـن مالـي غيرلـون الطبيعـه
بطلع من الديره وبمسي أبمـاوان
قم يابوناجي نبـي روض ٍربيعـه
يسقيه ربي من هماليل الا مـزان
توه من الوسمي زمت بيض قيعه
ودماثتـه متشابكـه زهرحـوذان
قندلنـا فنجـال كيـف ٍصنيـعـه
يقعدراس الي على الكيف خرمـان
الوقـت لونـه عصـالا تطيعـه
الي يقول يطيع ضايـع وغلطـان
العمرساعاتـه تمـره سريـعـه
وأعرف وقت اهل الغدرمابه امـان
دنياغرابـه والحقيقـه فضيـعـه
ماني بعارف وش تريده إلـى الان
دايم خبرعاجـل ودايـم فجيعـه
وأسلا منا ودعاتنـا فيـه تنهـان