السلام عليكم ورحمة الله وبركاته
مساكم الله بالخير
وكيف الحال كلا باسمه
كماهو بالعنوان له سالفه طويله عريضه بس حبيت اعيد الذكريات قبل المقناص العام كنا نتناقش ايهم افضل واجدر وعدم التفريط بالحباره طبعا كله بارادة الله لكن لابد تكون اسباب لذلك
اهل الوحش قالوا الوحش لا يعلي عليه بالمقناص يشوقك ويبرد كبدك صمله وطلع وركاده وفي المطراد يطربك هداد
واهل التفاريخ خاصه التهاجين قالو مالكم لوا اللي ماقنص بالتهجين ماقنص مابه اعذار ماصرف ولا وقت حومه ولا الطير خاطره ماش اليوم
وقالوا الهداد يامدور الهداد عليك بالجير شاهين اللي الخرب العاصي يعلقه وهو مايمديه يمغط ظهره صراحه سمعنا كلامهم قلنا حشا ماهي طيور هذه صواريخ
لكن الشاعر يقول
ستبدي لك الايام ماكنت جاهل ...وتزود بالاخبار ما لم تزودي
مدري البيت صحيح ولا فيه غلط
لكن اعضاء مكشات هم الايام وعندهم العلم الاكيد
نبي سلمكم الله من كل مكروه تعطونا علوم مقانيصكم واذا نقلت علم انقله من ثقه
كم حباره صاد الوحش وكم حباره صاد التهجين سنه 2011
حتي نعرف هل الوحش افضل ولا التهجين في المقناص
لكن اتمني من كل عضو يذكر اي حباره مذبوحه يحدد موقعها حتي لا احد يذكر حباره ثانيه وهي نفسها واهيب بالاعضاء ان يقراء كل الردود حتي يتاكد انها ليست مكرره
وسلام خاص لابو امين والنادر وراعي طلاع
وسلام خاص ثاني لذراع الذيب والفيتو والقرناس المهاجر
تخصيصي لهم بالسلام لانهم اطراف الموضوع
وعلي بركة الله
رد مع اقتباس
المشاركة الأصلية كتبت بواسطة عـــرادي
