ملاك البانلي البلاك ايجل وال m2 اقلطوا حياكم

[مجنـ قطا ــون]

مساء الخير على الجميع

الموضوع ومافيه بدون مقدمات

طلعنا قبل كم يوم انا وواحد من الربع نرمي قوقسي ورفيقي شوزنه الي معه بانلي ام2 وانا شوزني الي معي بانلي سوبر بلاك ايجل2 والسبطانات نفس بعض كلهن 28 انش وضوق وسطهن واحد كلهن 18,4 والتشوك الي مركبين نفس بعض كلهن فل تشوك حق الوكاله والفشق كله واحد الي نرمي فيه.......الي حيرني يالربع ان البنلي ام2 تفوقت على السوبر طلعت احر رمي.. انا اغلب صيدي يطيح كسير وصويب وهو مشاءالله صيده كله مايوصل الارض الى ميت...صراحه شككت برمايتي وتبادلنا الشوازن وصراحه الفرق واضح لصالح ال ام2 عليها رمي مشاءالله تدخن القوقسيه من كبد السماء

وصراحه يالربع احترت في الموضوع مادري وش السر في ال ام2
عطونا ارائكم في الموضوع,,,وآسف على الاطاله

[نديم الخيال]

طيب جربت ترمي ب m2 انت ؟يمكن الرجال افضل رمي منك ؟
البلاك ايقل احر من ام 2

[كومفورت]

وعليكم السلام

اخوي بلاك ايقل نظام رش اوسع من ام ٢ يفرش اكثر وتشوف الصيده اغلبه كسير

[النجم اللامع]

السلام عليكم
عندي سوبر بلاك ايجل 2 مقاس الصبطانة 18,3 متأكذ من المقاس لانها تجي مقاسين 18,3 و18,4 بغيت اسال المجربين هل فيه تشك ازين من رقم واحد شد البلد بحيث يتحمل فشق خشن 40/00 بدون ماينحل لاني جربت تشوك 660 من ترولك وخفت من الانفجار ولانحلال اثناء الرمي ولا ادري وين يروح الحلبي( الكرك طفشني ) جزاكم الله الف خير

[مجنـ قطا ــون]

طيب جربت ترمي ب m2 انت ؟يمكن الرجال افضل رمي منك ؟

البلاك ايقل احر من ام 2

حياك الله اخوي نديم الخيال

نعم جربت انا رمي الm2 والفرق واضح
وراعي الm2 جرب السوبر ولاحظ البروده فيها
وانا وهو اتفقنا على الشي هذا

وبالنسبه لكلامك انت تقول ان الايقل احر رمي
وش الدليل هل جربتها مع شوازن ثانيه عطنا تجربتك نورنا الله يجزاك خير

[مجنـ قطا ــون]

وعليكم السلام

اخوي بلاك ايقل نظام رش اوسع من ام ٢ يفرش اكثر وتشوف الصيده اغلبه كسير

مرحبا اخوي كومفورت اشكرك على تفاعلك مع الموضوع.... تحياتي لك

[مجنـ قطا ــون]

السلام عليكم
عندي سوبر بلاك ايجل 2 مقاس الصبطانة 18,3 متأكذ من المقاس لانها تجي مقاسين 18,3 و18,4 بغيت اسال المجربين هل فيه تشك ازين من رقم واحد شد البلد بحيث يتحمل فشق خشن 40/00 بدون ماينحل لاني جربت تشوك 660 من ترولك وخفت من الانفجار ولانحلال اثناء الرمي ولا ادري وين يروح الحلبي( الكرك طفشني ) جزاكم الله الف خير

مرحبا بخوي النجم اللامع

السبطانات مقاسهن واحد كلهن 18.4 ومادري وش السر في الموضوع
وبالنسبه لاستفسارك عن التشك
انا انصحك بتشوك رقم1 لأن الفشق الي ترمي فيه خشن واذا حطيت اظيق من تشك رقم1 ومع التدبيل والجو حار اكيد راح تنتفخ معك السبطانه ورش الفشق يبي يتشتت من الضوق
لكن اخوي عندي لك وصفه للكرك جربها وانشاءالله مانت خسران
بما ان شوزنك ماصورت الوكاله وسوبر
جرب فشق الماغنوم
ظغط 50 او 52 رقم 1 وركب تشك رقم 2 ومع توفيق الله يبي ينزلك الي بكبد السماء انشاءالله
أرجوا اني افدتك وأسف على الاطاله

[أيام العبور]

اخوي السوبر تختلف عن الام تو في مقاس بيت النار السوبر 3.5 والام تو 3 وهذا يأثر اولا بقوة الطلقه وبأنتشار الرصاص ومسار الرصاص قبل الخروج يتأثر وتأثيره واضح . ولكل وحده تخصص . السوبر مخصصه لرمي الطيور الكبيره مثل الوز وغيره وللغرامات الفتاكه مثل ال 3.5 بعكس الام تو فهي مخصصه للطيور الاصغر حجما وللغرامات الخفيفه والمتوسطه . فلابد ان يكون هناك اختلاف بين الثنتين في الرمي .


جرب تشك ضيق وطويل وراح تلاحض الفرق ان شاء الله تعالى النتيجه تسرك.

كلما كان التشك طويل كل ماطالت شبكة الرش وزادت كثافتها . مع التشك الطويل تقدر تعوض التشتيت الحاصل للطلقات القصيره بسبب طول حجرة النار ولاحظ بدونه اختلاف الطلقه الاولى عن الثانيه والثالثه وهكذا مره تظبط ومره لا . ولكن مع التشك تقل النسبه كثيرا وبدونه تزيد . ويزيد تشتيت الرصاص .

الكلام على المسافات البعيده من 80 وانت طالع وليس القريب .

هذا رأيي الشخصي وهو مجرد راي ونظره

وان اصبت فمن الله وحده وان اخطأت فمن نفسي والشيطان .

[بانللي وبس]

اخوي هذا من تشتت الحلبي احياناً يصيب الطير مع الجناح واحياناً مع الراس واحياناً تصيبة صتمه وحده واحياناً اكثر وهكذا

[النجم اللامع]

مشكورين علي الردود تراني متأكد لن مقاسه 18.3 مكتوب علي الماصورة من تحت

[طعمات]

فعلا الي معي بلاك ايقل 2 مكتوب على الماصوره 18.3 ورميها زين بالحيل

[Auto-5]

مثل ما قال أخوي أيام العبور السبب فتحة الشامبرفي الـ m2 أصغرمن السوبربلاك ايجل2
وأنا ممن اقتنا الثنتين ,
ولذلك ظلمو السوبربلاك ايجل بسبب استعمال الجرامات الخفيفة ولواستعملو فيها من 38 وأكثر لبهرتهم ولم يلجأوا للترهيم والحقيقة يوجد قرامات عالية بحبة خردق ناعمة مثل 6 و7 ووو يعني 7/40 غرام وهكذا...
لا أزيد علا كلام ايام العبور فكلامه عين الحقيقة .

[ياحبي للغطاط]

ابو سلطان يالله ان تحييه عساك بخير بقولك حاجه وخذها مني وانا اخوك مجرب البلاك ايقل وامتلك حاليا بنلي m2 بتعرف السبب؟ الله يطول بعمرك سبطانة الm2 ماقنوم عكس سبطانة البلاك ايقل التي هي سوبر ماقنوم والمعروف والمتفق عليه ان الماقنوم احر رمي واكثر جمع من السوبر ماقنوم وايضا سبطانة اللايت احر منها جميعا وبضرب لك مثال وتراني مادري لك خبره بسبطانات البلاجيك الاولات عندك سبطانة المنتريال تجي لايت ولذلك هي حاره جدا وجمعها خيال بمعنى الكلمه وتصلح لراعين الكرك وينطبق هذا الكلام على البلجيك كروم طبعا 32 انش وايضا عندك سبطانات اليابان(يالبى هالسبطانات)تتميز برش حار جدا مع دائرة نشر اوسع عموما كل ماصارت الماصوره اخف يعني لايت تكون افضل اتمنى اني افدتك ونصيحه لله من جرب الm2 مايعافها بالتوفيق

[براونغ]

الm2 بطلة البنليات بلا منازع وتتفوق على السوبر بسرعة التدبيل ورميها اطيب من السوبر ووذفه

[الحربي حاتم]

ماشاء الله تبارك الله
الله يبارك لك فيها
والله مانعرف لهالأنواع حدنا ام سبع أبر