مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
مشكور ياراعي الموضوع
اما سوالك عن الابل باكستان فهي موجوده من كم سنه
والدليل كثير الركاب الموجوده في الساحه فيها سر باكستاني
مثل بعير بن قروش الوافي من اجمل فحول المجهيم في الجزيره امه باكستانيه والحاصل على المركز الثاني في مزاين الصياهد
وبعير دبيان بن معيض السبيعي جدته باكستانيه والحاصل على المركز الاول في الصفر
وبكره عبدالله الغدراء الحاصله على المركز الاول في الشعل في الكويت امها باكستانيه
وبعير مجهم كان عند الامير سلطان بن محمد الكبير يقال امه باكستانيه وانا شفته بعين
والحلال اكثره فيها البكستانيه
وعطيك معلومه 100% متا دخول البكستانيات
1-اهداء ابل باكستانيات وعدده 20ومعها ثنين فحول على الملك فيصل بن عبدالعزيز رحمه الله سنة 1970م
ونقلة صوب الرعايا في حما سجاء بقي المعلومه احتفظ فيها
2-اشتراء الملك خالد بن عبدالعزيز رحمه الله 80ناقه من باكستان ومعه 4فحول واحد مجهم سنة 1979م ونقلة صوب الرعايا في الصمان على بير ابوسدره وفكو المجهم معا ابل الملك المجهيم كم سنه والابل فرقوها معا الرعيا
طيب الابل والفحول تبخرة ولا رجعة لبكستان
تحياتي لك
شكرا لك على طرح هذا الموضوع .
وشكرا للجميع على المعلومات الوافيه والتي استفدت منها .
.... حقيقه انا ماعندي خلفيه عن الباكستانيات , أخبر الوالد الله يرحمه ويرحم موتاكم واموات المسلمين في بداية الثمانيات ميلادي اشترى كم باكستانيه وحطها مع الابل واضربهن ببعير ( مغتر عماني ) فحل ابلنا وجا نسلهن عجيب وبعد كم سنه ذابن في المغاتير العمانيات من ابلنا ولا عاد قدر حد يعرفن الاالبخيص !
... اللي اعرفه ان المغاتير العمانيات هل سلالة ابل عربيه من جنوب شرق الجزيره العربيه وهن مايطلق عليهن النعمانيات نسبه ( للنعمان ابن المنذر ) وفي شبه جزيرة سينا وجدت العمانيات المغاتير وقلت لهم : ماهذه الابل؟ قالوا هذي النعمانيات نسبه للنعمان ابن المنذر , والنعمانيات هن الابل التي طلبها والد علبه من عنتر العبسي مهر لها ! والابل تختلف في العالم العربي وقد شاهدنا السودانيات الاصايل , وكذلك وجدت في موريتانيا ومالي الكثير من الابل الطيبه وهي قريبه للمغاتير العمانيه ذات الاصل النعماني . والله اعلم .
,,,,,,,,,,,,,,,,,,,,
اهدا لكhttps://t.co/u301qiHL
.اَلــُجًــنـيـٌدي.
اظرب على الكايد لا صرت بحلان..,.. عند الولي وصل الرشى ونقطاعه
حياكم الله اخواني
الذي قال لا يوجد سلالة الابل البكستانيه في سلالة ابل الجزيره
هاذا غير صحيح
ما قصر اخي قزيز انعام
ماكن ودي ان اقول الذي قالها
وفيه ابل وضح دخلة عليها ابل بكستانيه وطلعت حول شقح منتجه
مثل ابو يد يقال ان الجده من جهة الام بكستانيه
والله اعلم وفحول كثيره
Snapchat-- moh_d55
الله يبيض وجيهكم على المعلومات الطيبه
المنتدى في الماضي كان مرجع حقيقي ورئيسي لكثير من المواضيع
والسنين ذي التاليه تسرب كثير من الاعضاء الفاعلين
الله يردهم ونستفيد من خبراتهم
هذا في بلادهم ولا الومهم على هذا الاخلاص والذكاء وبُعد النظر فهذا طبيعي ومنطقي.
نسأل الله ان يعطينا الاعتزاز بما هو خاص بنا في السعودية فنحن قوم نمجد ونرفع الاخرين وكل ما عندهم ونحتقر تقريبا كل ما هو محلي او خاص بنا. مسخنا تقريبا كل شيء في بلادنا حتى سلالات الخيل والابل التي نشتهر بها تاريخيا نحن في طريقنا الى مسخها بالغريب المستورد وإنهاء سلالتها ووجودها التاريخي حتى يقال انه ليس عندنا اصلا شيء بل اتينا بالخيل والابل من الخارج وهم علمونا حتى الفروسية !!
و في شوارع بلادنا نبدو احيانا غرباء ويبدو الغريب وكأنه صاحب الدار كيف لا وقومنا يؤمنون بقدرات خارقة للغرباء وحتى حيوانات الغرباء افضلمن حيواناتنا وقومنا يعتبرون السياحة في الخارج والاستقدام حق وليس رفاهية حتى التعليم لا قيمة له سوى في الخارج (فيعود المتعلم في الخارج وهو غريب العقل والتفكير لينضم للحرب على كل ماهو محلي خالص) نحن مسافرون ومتغيرون ممسوخون والغرباء مقيمون والدار دارهم .
الزين موجود قبل نعرف باكستان والابل الباكستانيه
لوسمحتم ياشباب الابل الباكستانية مادخلت الافي سنة السبعينات وكانت للركوب للبل يعني الرحول الركبي وماكان فيها اي شي في الزين وكانت للذبح والحليب
اللي يقول الزين بالمواصفات المطلوبة الان موجود في السلالات القديمةمع احترامي الشديد له مهوب صحيح كلامة والدليل اننا نشوف فيديوهات قديمة لابل الجزيرة من مناطق مختلفة كلها مافيها من الزين شي وشيباننا يقولون هذا ما بعد شفناه بهالشكل يهمهم جرم الناقة اكثر شي
بعدين الفحول اللي تصدر في البواخر من باكستان بالمئات وتدخل السعودية واخل البل يعرفون منهو اللي يصدرها وين تروح؟؟؟ اعلمك وين تروح من معرفة شخصية ... تروح لمزارع البل وفيها يتم التهجين واذا الشهرة لفحل ثاني قدام الناس مهوب اللي جاي من الباخرة والدليل انهم ما يردون احد عن الفحل ويضربون الناس ابل طيبة ولا يطلع الانتاج طيب وصاحب المزرعة ما شاء الله عليه انتاجة سبال وروس تهول.
حدث العاقل بما يعقل
واللي يقول ليش مل يستوردون اصحاب المنقيات نياق من باكستان مباشرة اقوله هذي مفضوحة والناس تعرفها مباشرة بس التهجين يمشي حاله
واسماء اصحاب بعض المنقيات يبعد الشبهة عنهم في انهم يهجنون
المتبخص يعرف الامور واللي عنده كم بكرة في طرف زين ويكابر ان فيها تهجين الله يبارك له فيها
وسلامتكم
أبو الشبرميات أنا أقول لك ليش أهل المزاين المزعومة ماراحوا لباكستان وشروا منها مزاين !!! لأن شغلهم غسيل أموال مخدرات وسلاح وآثار وغيرها
ومثلها كل مزاين وخرابيط وكلام فاضي ماعرفناه غير من قريب
السلام عليكم×
ماننكر يا أخوان ان السر الباكستاني انتشر في ابل الجزيره العربيه وبعطيكم على سبيل المثال الابل الباتليه فيها سر باكستاني واللي يعرف ويبخص البل زين بيعرف الشي هذا خصوصا ان الباتليات ابل بارده مافيها حراره وسنامها مايجيك منفهق بالحيل ورفيعه ..×
أما بالنسبة للسبال الضافيه والعرانين المقوسه فهذي موجوده من قديم عند البدو ويطلق عليها الابل (( الجوديه )) وتكثر عند اهل الشمال وأغلب السلالات الطيبه الحاليه منها×
ونهاية الكلام اعتقد ان التهجين من البل الباكستانيه ماهو شين خصوصا انه زاد البل جمالا وماشينها بعيون الناس .. فاهلا وسهلا بالتهجين ..
وشكرا للجميع
الذين يشاهدون الموضوع الآن: 1 (0 من الأعضاء و 1 زائر)