نآوي سلفرادو أو سييرا...تعالو يا أهل الخبرة (عاجل)

[z3eem909]

السلام عليكم ورحمة الله وبركاته

صبحكم/مساكم الله بالخير يالربع

أنا ناوي أشتري (((وانيت غمارة وحدة ومكينة 8 سلندر وفيه دبل )))
محتار بين هالسيارتين الي لقيت فيهم المواصفات المطلوبة وأبي شوركم ...

1) شفروليه السلفرادو










2) جمس السييرا








---------------
كلهم 8 سلندر v8
كلهم مكينة 5.3 لتر لكن السلفرادو أعلى ب20حصان فقط
كلهم حجم 1500 حوض قصير
الفرق أعتقد في الشكل الخارجي وبعض الديكورات البسيطة
---------------
أنا رحت للوكيل وقال لي أنه السلفرادو 88 ألف والسييرا حوالي 120 ألف
أنا بالصراحة ونظرا لأحوالي المادية إخترت السلفرادو
---------------
أبي استشيركم فيه (ماخاب من استشار)

1-هل الموتر مناسب و قوي حق سفريات وخطوط وطلعات بر
2-الي جرب الموتر أنا طالبه يحط لي كل ماشاف من الموتر من عيوب وإيجابيات ...
3-هل تعتقدون أنه أفضل لي أجمع شوي وآخذ السييرا ؟ يعني لهالدرجة هي أفضل؟ أو مجرد أنه ماركتها GMC صارت أغلى
4- بالنسبة للون أنا مقرر آخذ أسود ... في أحد يخالفني؟ لاأحد يقول أحمر نهائيا

[z3eem909]

يالربع الله لايهينكم لاتبخلون علي بأي معلومة
أنا رجال صامل وبشتري هالأسبوع إن شاء الله

[نسري بالليل]

والله الفرق واجد بالنسبة للقيمة حوالي 32000
هذي بس تجيب لك سيارة
على العموم أشوف ان الفروقات أشياء بسيطة لكن يفيدونك أهل الخبرة..... يمكن لو جيت تبيع مثلا..

[Magellan]

والله اللي اقدر اجاوبك رقم 3
السييرا والسلفرادوا نفس بعض ميكانيكيا لكن الاختلاف بالشكل الخارجي
والحق يقال ما اتوقع يفرق 32000 ،يمكن ان غُلبت الروم 10000 ريال
لكن ممكن السييرا غمارتين او اكثر تجهيزات داخليه،،،
لكن الموتر له شعبيه اكثر من وقت مضى
وصاير شبابي بالحيل

[z3eem909]

ماقصرتوا بيض الله وجيهكم وجزاكم الله خير
أنتظر المزيد من الآراء ( أي معلومة قد تفيد )
وبالخصوص الي استخدموا السيارين

[أَبوابراهيم]

1-هل الموتر مناسب و قوي حق سفريات وخطوط وطلعات بر
جدا ممتاز ورائع ويفوق التصورات .. عساه بس دبل ارضي

2-الي جرب الموتر أنا طالبه يحط لي كل ماشاف من الموتر من عيوب وإيجابيات ...
مافيه عيوب كبيرة تسيء لسمعة الموتر حسب معرفتي واطلاعي

3-هل تعتقدون أنه أفضل لي أجمع شوي وآخذ السييرا ؟ يعني لهالدرجة هي أفضل؟ أو مجرد أنه ماركتها GMC صارت أغلى
نفس الشيء الاختلاف في الشكل والعلامة ولو مكانك آخذ سلفرادو لان سعره افضل وادائه متساوي

[z3eem909]

1-هل الموتر مناسب و قوي حق سفريات وخطوط وطلعات بر
جدا ممتاز ورائع ويفوق التصورات .. عساه بس دبل ارضي

2-الي جرب الموتر أنا طالبه يحط لي كل ماشاف من الموتر من عيوب وإيجابيات ...
مافيه عيوب كبيرة تسيء لسمعة الموتر حسب معرفتي واطلاعي

3-هل تعتقدون أنه أفضل لي أجمع شوي وآخذ السييرا ؟ يعني لهالدرجة هي أفضل؟ أو مجرد أنه ماركتها GMC صارت أغلى
نفس الشيء الاختلاف في الشكل والعلامة ولو مكانك آخذ سلفرادو لان سعره افضل وادائه متساوي

بيض الله وجهك

[ابو فاارس]

لاحظ السلفرادو مكتوب عليه Z71 و هذه ميزه جدا مهمه للبر ..
السييرا .. لا أعرف عنه

الكفه لصالح سلفرادو

[بليزر]

من نفس الفيئه وجدير بالاطلاع وبقوه ford f150 xtl v8 5.4L و 392 حصان وبالتوفيق

[z3eem909]

من نفس الفيئه وجدير بالاطلاع وبقوه ford f150 xtl v8 5.4L و 392 حصان وبالتوفيق

المشكلة أنها غير مرغوبة إطلاقا
ولاتمسك سعرها

[Magellan]

الفورد حليو لكن مثل ماتقضلت يازعيم هناك مشكلتين فيه:
1- قطع غياره غير متوفر الا بالوكالة
2- الاجزاء الميكانيكية معقدة فيه وافتح كبوت الجمس والفورد وتلاحظ كلامي لذلك اغلب الورش ماتصلحه بعكس الجمس لوفيه مشكلة يصير واضح الخلل
المهم انت حافظ على شيئين لو شريتها وبإذن الله بيعمّرمعك
1- احرص على تغيير الزيت مع السيفون كل 5000 كيلو ولازم لزوجة الزيت 10-30 عشان ماتضرب طرمبة الزيت
2- احرص على تغيير زيت القير مع الفلتر كل 50 الف كيلو وترى الجمس يغيّر زيت القير عند البنشر يعني سهل
ولو بغيت النصيحة زر منتدى ملاك وعشاق الجمس هناك تبي تلقى مطلوبك وزيادة

[طحنون]

كلهم مثل بعض اذا كانت نفس الفئه
لاكن هي مسأله ذوق واختيار ومزاج
والفرق في العلامه
وعندنا بالخليج العلامه الرائجه واللي محببه هي علامه GMC
مع ان في بلده المحببه هي الشفرليت والسبب انها هلى الام والاقدم حتى في بعض الامثال القديمه
( اذا نويت السفر اركب شفر)
واذا رجعت في الاقدم الفورد وبعده الدوج وبعده الشفر وبعده الجمس
وفي النهايه لك الاختيار
ولو خيرت لاخترت الشفر لتميزه وقله انتشاره في المجتمع يعني خالف تعرف
لانه بصراحه شكله وحشي جدا ومميز والجمس مميز لاكن منتشر بشكل كبير ونظرته اصبحت عاديه بحكم انتشاره
ارشح الشفر

[WWS]

كلهم مثل بعض اذا كانت نفس الفئه

لاكن هي مسأله ذوق واختيار ومزاج
والفرق في العلامه
وعندنا بالخليج العلامه الرائجه واللي محببه هي علامه GMC
مع ان في بلده المحببه هي الشفرليت والسبب انها هلى الام والاقدم حتى في بعض الامثال القديمه
( اذا نويت السفر اركب شفر)
واذا رجعت في الاقدم الفورد وبعده الدوج وبعده الشفر وبعده الجمس
وفي النهايه لك الاختيار
ولو خيرت لاخترت الشفر لتميزه وقله انتشاره في المجتمع يعني خالف تعرف
لانه بصراحه شكله وحشي جدا ومميز والجمس مميز لاكن منتشر بشكل كبير ونظرته اصبحت عاديه بحكم انتشاره
ارشح الشفر

كلهم سيم سيم
بس آلشكل ؤ كم شغله دـآخليه
ؤ تؤكل على الله قبل كل شيء
ؤ نصيحتي لك آذـآ جديد لآتقرب آلمعــآرض
دبر لك من جده آرخص ؤ عن تجربه مني طلع معي فرق 4000 ريـآل
ؤ آذـآ تبي مسـآعده بهـآلشيء آبشر
ؤ الله يعطيك خير آلمؤتر ؤ يكفيك شره مقدمـآ

[ابو شكاع]

الفرق فوق 30 الف مهوب شوي ... استغرب هالفرق وتأكد منه
اللون .. إذا أنت بمنطقة درجة حرارتها مقبولة خذ أسود
وإلا ابعد عنه ..حتى غير سالفة الحرارة .. لون يتعب ويبي له نظافة دائمة
شخصيا ماأحب هاللون أبدا والأمر يعود لك
فكر بالأبيض والرصاصي
ولو أنا أبشتري ماتعديت الأحمر
موفق

[علي عليوه]

أخوي الله يوفقك ما عندي معلومات بصراحة

لكن إذا أنت ناوي استخدام بر أبعد عن الأسود لأن أي حكة من أي نوع من الأشجار بتكون واضحة جدا ولا ينفع معها الغسيل