من منكم حصل له موقف غريب خارج عن المألوف..!!!

[سحابة الخرج]

احسن شي ماقلت لاحد
اذا انت خايف لاتخوف الناس
وماقصرت

[حسن ابو طالب]

هلا بخوي ناصح ..
وموقفك يرررروع ,, لايصير طبيت عند بزارين الجن وهم يطرطعون
اما موقفي المروع , كان بوسط نفود الدهناء

وكنت كاشت بتجاه الخر مرور بالدهناء ..

وكان الساعة 11 مساء بليلة شتويه .. وحنا بوسط الدهناء ,
واقترح الخوي اللي معي اننا نصلح عشانا وننام

والصباح رباح ,, وبالفعل نزلنا الاغراض , وبدينا بتصليح العشاء , وشب النار وماالى ذلك

وكان الظلام حالك , ماتشوف يدك
وكنت متقابل انا وخويي على النار , بنتظار العشاء !!
وفجاءه وانظر وراء خوويي , ولا تقول زول واقف !!
وادقق النظر واحاول اميز الشكل ماقدرت ,, وبنفس الوقت كذبت الامر بنفسي وقلت يمكن خيال
وشوي واعيد النظر واميز زول ادمي متمصلخ , ماعليه الاشيء صغير فوق العورة

وشوشته طايره بالسماء وعيونه تبرق , وحاط ايديه على شواكله
وكان بينه وبين خووي تقريبا خمسة متر ..!! وخووي حاط رجله بسالفه ولاحس بالموضوع !!

الصرااااااحه ,, طاحت عظامي , ونشف ريقي ولا اول مرة احس برهبه مامرت علي

لدرجه ان خووي حس بأمري , ويوم تسأل ويش فيك ؟؟؟؟

وانا اشر بيديني لخوويي ,, اشارة معناه شف اللي وراك .!!
ويوم افتر خويي وشاف المشهد !! .. بغى يطيح بالنار الا شووي
ونتعوذ من الشيطان بصوت مرتفع , ونقعد نقراء المعوذات , ونتعوذ منه
حول خمس دقايق ,,
وماتغير وضعه .. ايدينه على شواكله وقاعد يبحلق فينا
وشوي وحنا نتشجع شووي , وقمنا ننادي عليه ..
.. قلنا انت جن ولاانس ؟؟؟
وتقول سمعنا شويه همهمه ,, ونولع عليه الضوايه ,, ولاه ادمي صدقي !!!
والغريب انه على نفس الوقفه والشكل كل ذا الوقت ..
المهم قام له الخووي وقرب عليه , وقال .. من انت ؟ وش سالفتك ؟
وما رد الا بهمهمه غير مفهومه !!!
ونولع عليه الكبس .. ونكتشف انه يصبب دم , وفيه مخوش بوجهه , وشعره كله غبار
يوم شفنا المشهد .. ونحس اننا اللي رحنا فيها ... !!!
وفجأه ويسوي بيديه حركة الهنود ,, ( ضم ايديه وحطها على جبهته ) ويقعد يبرطم
وحنا اللي نتطايح على الارض من الضحك ,, وخذ لك تلعين بذا الضعيف
لاابوه لاابو من كفله (( ويطلع راعي غنم ضاربه كفيله , وفارك منه ))
وعذراااااااااااا للاطاله

ههههههههههههههههههههههههههه

ههههههههههههههههههههههههههههههههههه

اما هالموقف .. اتخيل لو كنت معاكم وصار الي صار يمكن يتوقف القلب

بس الاحلى يوم طلع لكم انه رجل حقيقي وموجني

والله من اروع المواقف الي قريتها ..

يعطيك العافيه

[ناصح]

عليكم سواليف تخرع

هههههههههه


اشكرك الجميع على سرد ما لديه من قصص عجيبة

وننتظر المزيد

بارك الله فيكم

[راعي8100]

طِبتم وطابت اوقاتكم ...
هذي سالفة حصلت مع مجموعة من أصدقائنا (شباب) ،قبل 7 سنوات تقريبا .. كانوا طالعين كشته في شمال ديرتنا الكويت منطقة (الصبية) .. سياره وحده المهم ويوم صار وقت المشيه .. الساعه 12 في الليل غرزت فيهم السياره .. حاولو انهم يطلعونها بس المحاولات فشلت .. وفي سكون الليل وشدة ظلامه .. قالوا كل واحد يروح في اتجاه يجيب لنا حطبه ولا طابوقه ..وهم حوال 6 اشخاص .. وشغلو منبه السياره (الفلشر) عشان مايضيعون إذا باعدو .. المهم صاحبنا راح في اتجاه ويوم باعد عن مكان التجمع 300 متر تقريبا.. وهو يبحث عن شي صلب يحطه تحت السياره .. وصل عند مخلفات مخيم قديم .. وهو يبحث عن حطبه اوطابوقه او او او اي شى صلب .. وصل عند تكرمون مكان الخلا (الحمام) اثنى جسمه عشان يدور ولا رأسه عند المرحاض .. "يكرم القارئ" .. كان يعطس المهم يقول عطست ويوم رفعت راسي وأنا لحالي في هذا المكان شبه المهجور
.. ولا رجال اشوفه من بعيد اسود وجهه مروح لابس شماغ ومسويه لطمة .. على وجه واشوفه من بعيد وكل شوي قرب وبسرعه عجيبه ويقرب ويقرب فجأه يقول وجهي بوجه ..
المهم الشباب كلهم رجعو الى السياره .. إلا صاحبنا تأخر عليهم .. المهم وصل للشباب .. يسألونه ليش تأخرت ؟و وين رحت ؟ ودورنا عليك ما حصلناك ؟
المهم يقولون ساكت ولا كلمة نطقها ويناظر خوياه بنظارات غريبه .. المهم طلعو السياره .. وقعد بالمرتبة الي خلف السايق بالنص ،وعلى يمينه وشماله .. خوياه ماسكين يده (عاد الشباب الي بجنبه مدربين لعبة الكاراتيه والفنون القتاليه )
يقولون ^والله الذي لا إله الا هو^ وحنا ماسكين يده وهو يضغط على ايدنا ضغطه
.. الي عظامهم شبه بتفتت من قوة الضغطة .. ضغطة مره مره قويه بالحيل .. وغير طبيعيه ..

(صاحبنا حدث الشباب بقصتة بعد يوم من الحادثة .. بعد ما قرأ عليه الشيخ كان داخل فيه من جن)

[سما وماء]

الله يستر

والله اغلب القصص قريتها يمكن خذيت ساعه ونص وانا اقراها

بس مواقف جدا غريبه

الله يسكنهم مساكنهم ويكفينا شر من به شر

[الضوء الرقمي]

مواقف مخيفة اجارنا الله واياكم منها ومن شرورها

[احساس هاوي]

مشكوور يا اخوي ناصح على الفكره الحلوه وانا بقولكمقصتي وزي ماقلتو بعض المواقف تستحي تقولها لأنك تعرف بأنه لن يصدقك احد والي حصل معي يوم كان عمري يمكن 16 او 17 راجع من الغنم الساعه 6 الصبح معلفها وصاب لها مويه وانا راجع باقي على الزفلت يمكن 2 كيلو لمحت شي بالسماء زي الشعاع او النور الثلجي بالجهه الشماليه الغربيه ومدته يمكن 3 او 4 ثواني ويختفي وبعدها يمكن ب 10 ثواني ورب الكعبه نفس النور طلع بالجهه الجنوبيه الغربيه ونفس الشي صار انا وسوست والمشكله أنه ماهو زي الشهاب بصراحه انا بعدها ماني قايل هالسالفه إلا إذ احد جاب طاريها ولا ماراح اتكلم فيها لأني عارف محد مصدقني ترا هالسالفه يمكن عام 1425 او 1426

[ينبعاوي 111]

مشـكـووور ع آلطــرح اخي ناصــح

تقــبـل مـروري

[وينك تعال]

ما شاء الله من أجمل المواضيع .. جلست كذا يوم لين ما قرأت كل الموضوع كاملاً .. دخة بقوووة

الله يعافيك أخوي ناصح و يبارك فيك

هلا بخوي ناصح ..

وموقفك يرررروع ,, لايصير طبيت عند بزارين الجن وهم يطرطعون

اما موقفي المروع , كان بوسط نفود الدهناء
وكنت كاشت بتجاه الخر مرور بالدهناء ..
وكان الساعة 11 مساء بليلة شتويه .. وحنا بوسط الدهناء ,

واقترح الخوي اللي معي اننا نصلح عشانا وننام
والصباح رباح ,, وبالفعل نزلنا الاغراض , وبدينا بتصليح العشاء , وشب النار وماالى ذلك
وكان الظلام حالك , ماتشوف يدك

وكنت متقابل انا وخويي على النار , بنتظار العشاء !!
وفجاءه وانظر وراء خوويي , ولا تقول زول واقف !!
وادقق النظر واحاول اميز الشكل ماقدرت ,, وبنفس الوقت كذبت الامر بنفسي وقلت يمكن خيال

وشوي واعيد النظر واميز زول ادمي متمصلخ , ماعليه الاشيء صغير فوق العورة
وشوشته طايره بالسماء وعيونه تبرق , وحاط ايديه على شواكله

وكان بينه وبين خووي تقريبا خمسة متر ..!! وخووي حاط رجله بسالفه ولاحس بالموضوع !!

الصرااااااحه ,, طاحت عظامي , ونشف ريقي ولا اول مرة احس برهبه مامرت علي
لدرجه ان خووي حس بأمري , ويوم تسأل ويش فيك ؟؟؟؟

وانا اشر بيديني لخوويي ,, اشارة معناه شف اللي وراك .!!
ويوم افتر خويي وشاف المشهد !! .. بغى يطيح بالنار الا شووي
ونتعوذ من الشيطان بصوت مرتفع , ونقعد نقراء المعوذات , ونتعوذ منه
حول خمس دقايق ,,
وماتغير وضعه .. ايدينه على شواكله وقاعد يبحلق فينا

وشوي وحنا نتشجع شووي , وقمنا ننادي عليه ..
.. قلنا انت جن ولاانس ؟؟؟
وتقول سمعنا شويه همهمه ,, ونولع عليه الضوايه ,, ولاه ادمي صدقي !!!
والغريب انه على نفس الوقفه والشكل كل ذا الوقت ..

المهم قام له الخووي وقرب عليه , وقال .. من انت ؟ وش سالفتك ؟
وما رد الا بهمهمه غير مفهومه !!!

ونولع عليه الكبس .. ونكتشف انه يصبب دم , وفيه مخوش بوجهه , وشعره كله غبار
يوم شفنا المشهد .. ونحس اننا اللي رحنا فيها ... !!!

وفجأه ويسوي بيديه حركة الهنود ,, ( ضم ايديه وحطها على جبهته ) ويقعد يبرطم
وحنا اللي نتطايح على الارض من الضحك ,, وخذ لك تلعين بذا الضعيف
لاابوه لاابو من كفله (( ويطلع راعي غنم ضاربه كفيله , وفارك منه ))

وعذراااااااااااا للاطاله

أحلى قصة .. تخوف و بعدين طلع إنسي .. تراني ما خفت أبد
ما معنى شواكله

السلام عليكم ورحمة الله وبركاتة
اشكرك اخوي ناصح على الموضوع الرائع....
ابدا بالقصة وهي غريبة وصاحبها يعاني منها الين اليوم مايقارب 3 سنوات
المهم كنا مسوين عشاء في استراحة في جدة سماية لاخوي الصغير المهم بعد ما تعشينا
والمثل الدارج بين العرب (من تعشاء تمشاء) المهم طلعت انا وخويي اسمة شادي المهم تعدينا مع شارع مضلم شوي يعني تقدر تشوف المهم ما دريت الا وخويي شهق شهقة جدا قوية لدرجة اني توقعت انة بلع لسانة واغما علية وجلس اصحي فية ماهو راضي يصحى وجلسة اصيح بضلمي ابي احد يجي محد عندك المهم اتصلت على خالي وجاء شلناه المستشفى الولد يتنفس معلية بس تكلمة مايرد ولا يتحرك قالو الدكاترة انة بغيبوبة وبعد ثلاثة ايام صحى من الغيبوبة وفرحنا بس الفاجعة اللي ماكنا متوقعينها انة صحى اعـــمى ويصيح يقول انا ماشوف ويجلس يخابط زي البزران الله يشفية ان شاء الله المهم بعدها عطوة ابرة مهدية ونام بعد 4 ايام طلع من المستشفى
وزرتة في البيت وقالت انت وش صار لك ذاك اليوم قال لو اقول الي صار لي لكان من كان ماراح يصدق بس انت الوحيد الي راح يصدقني قلت وش الي صار قالي يوم كنت ماشي معك فية واحد دقني على ظهري ويوم التفت الا وذا الي يدقني هو انا نفس شكلي تماماً وبد يصيح وحاولت اضيع السالفة وانكت واضيع همة شوي الله يشفية قولوا امين هاذي قصة حقيقية حدثت بعام 1428هــ

عسى الله أن يشفيه و يعافيه و يكتب له الأجر و العافية .. و يصبركم آمين

[الطرشي]

هذي موسوعة رعب ماهي موضوع في مكشات

انا عندي موقف محرج ماهو مرعب عسى ان يلطف الاجواء المرعبة

جارنا عام 1426 مشتري لاب توب يبي يصير تاجر في الاسهم مثلي ولا يعرف المهم صار يجيني 3 اايام متواصلة اشرح له كيف يسوي بالمحفظة وكيف يبيع ويشري وهو فالاساس مايعرف شئ بالكمبيوتر اصلن وبعد الدرس الخصوصي يقول ورني الشغلات الحلوة اللي يقولون عنها يالنت وانا اقوله عيب عليك والرجل ماشالله عليك عنده حرمتين الزبدة بعد فترة جيت طالع من صلاة العصر مشي ومريت من عند سيارته الا وهي شغالة والرجال فالسيارة ومنزل القزازة والمرتبة الخلفية ماشوفها مظلله واجيك مسرع احسبه لحاله وادخل راسي عليه من عند قزازته وانا اضضحك واقول : هاه وش سويت بالاب التوب يا هاكرز والرجال بالع العافية ويوم اناظر الا وفيه حرمتين راكبين وراء قسم بالله بغيت ابكي زتتني العبرة يارجال بغيت اقول تكفى بجي قدام الكبوت واصدمني على خفيف ياليتني مصلي في مسجد برا الحارة بس ههههههههه وعقبها صار هو اللي يضحك علي

[احساس هاوي]

يالغالي يالي ارسلت لي على الخاص هي هذي السالفه والله والي لمحته بعيني وآسف على عدم القدره على الرد بالخاص لأن مشاركاتي لاتسمح لي وشاكر ومقدر مروووك يالغالي

[ابوو عبدالله]

والله ياهالموضوع انه كله رعب في رعب
لكن انا مصدقن الجميع لان راع الطالعات لابد ما يواجه مواقف كثير

انا ابقولكم موقف شفته بعيني وتراي ماني بلحالي حنا اربعة رجال كلنا شفناه
الصراحه غريب واول مره يمر علي مثله
كنا طالعين يم قيال قبل يمكن 6 سنوات صيد طبعا بموسم القمري
وكنا طالعين نمشي بالطريق اللي بين العلا والوجه
عز الله انه طريقن شين وكل البلاوي فيه

الساعه طبعا كانت تقريبا 2 في الليل
وكنا نسولف بالكنود مع اخوينا لاننا كنا سيارتين
والا هاك ( الحمار وبجنبه كلب ) اكرمكم الله
يمشون بجنب الخط والغريب مشيتهم تحس رجولهم فيها شي غريب
تقل ودهم يركضون
ونسمي ونعدي بس الصراحه موقف غريب

واخيرا اشكر صاحب الموضوع على الفكره

ابوو عبدالله

[عنودالصيد]

يمه بسم الله علي
ياارب مايحصلي مثل ذالمواقف بعيد الشر عني
يالله ف مان الله ومشكور
تراني مادري وش السالفه ولاقريت أي شي!!!
استغفرالله وف رمضان تكذب

[O.S.7]

مشكورر على المووضع

[شقراء 24]

أنا صار لي موقف قبل 10 أو 15 سنة و الى الآن ما قدرت أستوعبه و ماني مصدق

كنت لحالي في غرفة نومي


أنا ما أقول هذي القصة للناس اللي أعرفهم علشان ما يحسون أني سخيف.... و فضلت نسيانها