من منكم حصل له موقف غريب خارج عن المألوف..!!!

[البعير المغوار]

والله صورتك الرمزية تخرش الي ماينخرش

ههههههههههههه،

عاد لاتفهم غلط هذا مب اللي في بالك، هذا والله أعلم وضعه طبيعي.

[مايطيق الصبرا]

هذي سالفه صحيحة وواقعية

والشهود على هالقصة 4 اشخاص

كنا عند صاحبنا راعي منايح بعد صلاة المغرب

وحنا جالسين نتقهوا ..

النياق بدت تجفل ..

ونطالع

ولا مافيه شي ..

النياق بالشبوك

قامت النياق تكسر الشبوك

والوضع صار مااااااينسكت عليه

فيه شي كبير حاصل

بس وشوووو ؟؟


ياجماعه الخير

يمكن ماتصدقون الكلام

لكن والله مانقول الا الصحيح


شي ياجماعه فوق الخيال

وفووووق الوصف



وماحدث لا يمكن له ان يحدث



تدرون وش صار ؟؟


خيل ابيض

مرتفع عن الارض قرابه 3 امتار تقريبا

يعني يطير

مووووقف غير طبيعي ابدا

نطاااااااااااااااالع


ماهوب معقول ؟؟

ياجماعه تشوووفون اللي نشوف ؟؟


ونركب السياره ونمشى وراه

ويمشي بخط مستقيم


متجه شمال غرب


ونمشي وراه


حصان بس تحسن انك بفيلم سينمائي


مخك مايتقبل الشكل


حصان يطير ؟؟


المهم


قدامنا


وبدا يرتفع ويرتفع شوي شوي


لين اختفى بالسماء فووووووووووووووووووووووووووق









منظر غريب جدا ..



احد الشباب سأل بعض المشايخ

وقال هذا من الملائكة



والله تعالى اعلم

[volcano]

الخميس الماضي ليلة الجمعة كنا كاشتين على طعس صغير وحولنا احواش 200 الى 300 متر وحوش ابل مهجور تحت الطعس 100 متر حلو تحديد المسافة رحت مع بنتي لم الحوش قبل المغرب واشوف اثاره وعودنا وعند نص الليل غافلتني المرة وانا عند الضو ونزلت من الطعس تمشى وادورها يمين ماهي حولي والدنيا ظلمى ولاهي قمرا شلت الولد واخذت البنت وكشاف فينكس( ياحبي لك يا بو عمر وكيل فنكس ) واصوت على المرة ولا ترد واشوي اطل على الحوش اللي قدامي اشوف نور واحد كانه حق سيارة ويطفي ويشتغل وبعدين صاروا اثنين عرفت انهم جن او مايسمى ابو نويرة وصاروا يشتغلو ويطفوا وصادني الخوف بجد مو منهم على المرة لانها موب قارية اذكارها والحمدلله كنت قاري بعض الاذكار المهم ركزت عيوني عليهم وقلت بصوت خافت ومن قلب متكل على الله سبحانه (ربي اعوذ بك من همزات الشياطين واعوذ بك ربي ان يحضرون) والله يا جماعة اختفى الضو في لحظتها لين سرينا فجر الجمعة .. تتبعت اثار المرة لين لقيتها واكبس عليها واصيح عليها ارجعي بسرعة حولك جن وتعود واعطيها كلمتين في العظم عشان ما تعودها

[NorthernLight]

الخميس الماضي ليلة الجمعة كنا كاشتين على طعس صغير وحولنا احواش 200 الى 300 متر وحوش ابل مهجور تحت الطعس 100 متر حلو تحديد المسافة رحت مع بنتي لم الحوش قبل المغرب واشوف اثاره وعودنا وعند نص الليل غافلتني المرة وانا عند الضو ونزلت من الطعس تمشى وادورها يمين ماهي حولي والدنيا ظلمى ولاهي قمرا شلت الولد واخذت البنت وكشاف فينكس( ياحبي لك يا بو عمر وكيل فنكس ) واصوت على المرة ولا ترد واشوي اطل على الحوش اللي قدامي اشوف نور واحد كانه حق سيارة ويطفي ويشتغل وبعدين صاروا اثنين عرفت انهم جن او مايسمى ابو نويرة وصاروا يشتغلو ويطفوا وصادني الخوف بجد مو منهم على المرة لانها موب قارية اذكارها والحمدلله كنت قاري بعض الاذكار المهم ركزت عيوني عليهم وقلت بصوت خافت ومن قلب متكل على الله سبحانه (ربي اعوذ بك من همزات الشياطين واعوذ بك ربي ان يحضرون) والله يا جماعة اختفى الضو في لحظتها لين سرينا فجر الجمعة .. تتبعت اثار المرة لين لقيتها واكبس عليها واصيح عليها ارجعي بسرعة حولك جن وتعود واعطيها كلمتين في العظم عشان ما تعودها

والله مادري اقول يابختك على الزوجة اللي فيها قوة قلب ,, والا اقول يابختي على الزوجة الدجاجة اللي عندي

الحمد لله على السلامة

[قناص الأشهب]

ولي قراء الموضوع قبل لا ينام
لاحول ولاقوة الا بالله أنا وش اللي ابلشني وأقرى الموضوع في ذي الحزة
وينك يالنوم بس
لي رجعه والموضوع يستاهل

[ناصح]

ولي قراء الموضوع قبل لا ينام
لاحول ولاقوة الا بالله أنا وش اللي ابلشني وأقرى الموضوع في ذي الحزة
وينك يالنوم بس
لي رجعه والموضوع يستاهل

بسم الله عليك

اقراء الورد وما عليك إلا العافية

[المنجلط]

الله يوسع صدوركم بالعافيه موضوع تراثي سبع سنين

كملو قصصكم ولا

[المنجلط]

الله يوسع صدوركم بالعافيه موضوع تراثي سبع سنين

كملو قصصكم ولاحد يقول محد مصدقني اهم شي نستمتع

[مطر وسم]

حيا الله الربع والله قصصكم شيقه وحلوه وبقولكم قصه حصلت لي مع ربعي قبل تقريباً 3 سنوات بشعيب شمال المجمعه بسبعين كيلو او ثمانين

كنا طالعين رحلة صيد عددنا سته كل ثلاثه اشخاص بسياره يعني مجموعتين مجموعتنا وصلت الشعيب مع المغرب وجلسنا نجهز القهوه والعشاء انتظاراً للمجموعه الثانيه يجون ونتعشاء سوا لانهم باقين بالرياض يكملون الاغراض ويجون لمنا
المهم
حل الضلام حدود الساعه 8 مساء وجلسنا نسولف ونصلح العشاء ونتقهوا حنا ثلاثه اشخاص كنا جالسين حول الشعيب نبعد عنه 300 او 400 متر تقريباً فجئه جت سياره بتجاه الشعيب وقفت بوسطه تحت الاشجار وطفاء نور السياره وسمعنا اصوات جايه من جهة السياره هذي تنادينا كلن بسمه يافلان يافلان يافلان تعالو هنا قلنا لا مايصلح نجلس بوسط الشعيب تعالو هنا احسن وكنا نصوت بصوت عالي قلنا هذولا اخويانا نتصل عليهم احسن من التصويت ونتصل ويرد واحد منهم قلت له وش مجلسكم بوسط الشعيب تعالو هنا قال اي شعيب يارجال حنا لسى تونا طالعين من الرياض ماوصلناكم وتصكني ام الركب قلت للي معي النحشه هذولاء اللي يصوتون لنا جن مو اوادم ونركب السياره وسيدا على الخط وتركنا عشانا والاغراض كلها ورجعنا للمجمعه انتظرنا اخويانا لين جو وعلمناهم بالسالفه قررنا نسكن بفندق والصباح رباح اصبحنا ورجعنا للشعيب ونحصل اغراضنا زي ماهي مانقص منها شي ونتجه لم مكان السياره اللي جاء منها الصوت ولا حصلناها ولا حصلنا اثر لها المكان مافيه جرت سياره ابد
ونتعوذ من الشيطان والجن ونفطر والحمدالله صدنا وعيناء من الله خير

اهم شي الواحد يذكر ورده اذا خش البر او اي مكان ولا يشوف الا كل خير

وسلامتكم

اسف على الاطاله ..... تحياتي للجميع

[زهرة القرقاص]

وينكم يعني خلصت القصص

[نجد الانجد]

وقل رب اعوذ بك من همزات الشياطين * واعوذ بك رب ان يحضرون

[نجد الانجد]

قال رسول الله صلى الله عليه وسلم «الجن ثلاثة أصناف : صنف لهم أجنحة يطيرون بها في الهواء وصنف حيات وكلاب وصنف يحلون ويظعنون»

في حديث زيد بن أرقم أن رسول الله صلي الله عليه وسلم قال : «إن هذه الخشوش محتضرة فاذا أتى أحدكم الخلاء فليقل : اللهم إني أعوذ بك من الخبث والخبائث»

[أطلال نجد]

اللهم صل وسلم على رسول الله
حقيقة قصص تدعوا للتفكر
فيها من الدروس والعبر الشيئ الكثير
متابعين الله يبارك فيكم.

شكر خاص لأخي واستاذي القدير ناصح

[برق 81]

بعيداً عن جو القصص انا شدني شيء واحد بس


ان الموضوع له 6 سنوات ..!!


الله كم فقدنا فيها من حبيب وغالي الله يجمعنا بهم في الجنه


الله يرحم جدي وعمي وجميع اموات المسلمين

[برق 81]

^

اليوم قريت قصص كثيرة من هذا الموضوع بعد الفجر ورديت بالرد اللي فوق وكان الوضع طبيعي ونمت الساعه 8 وانا والله قاري الورد بعد الفجر المهم بعد شوي كذا وانا ربع واعي سمعت باب الغرفه انفتح وفيه صوت حركه وافتح عيوني شوي شوي الا جسم اخوي واقف علي يساري وانا في السرير واناظر راسه ما فيه ملامح كانه مثلث وبدون شعر وبعدها ابغا اتحرك ما قدرت واتعوذ من الشيطان واسمي ولا قدرت اتحرك جلست مشلول حول نص دقيقه الله يفكنا الشر المهم بعدها وعيت ورجعت نمت ثانيه والمره الثانيه وانا غارق بالنوم سمعت صوت وحاولت اتحرك ولا قدرت اقسم بالله اني اتذكر القصص اللي هنا واسمي واتعوذ من الشيطان ولا تحررت على طول الا عقب الشين وتكرار التسميه والاستعاذه من الشيطان وبعدها قمت وقريت آية الكرسي ورحت لامي وقلت لها قالت ما قريت اذكارك قلت الا بس قريت قصص رعب قالت اييييييييييه اكيد بيصير لك كذا وعطتني كلمتين فالعظم الله يطول عمرها وجعلني فدا رجليها و قالت توظ واقرا اية الكرسي واخذ ركعتين ورجعت لفراشي وشغلت القرآن على صوت القارئ اللي اشتهر مؤخراً في صوته بحه والحمد لله ما تكرر الوضع ونمت لين الظهر والله مدري هي جواثيم ولا من ذولا بسم الله علينا المهم الله يحفظنا وياكم وجميع المسلمين ..