من منكم حصل له موقف غريب خارج عن المألوف..!!!

[شرقا]

موضوع شيق وصلت الصفحه 4
ولازم اكمله بعون الله

عن نفسي كنت مغرم بالاشياء الغريبه...حتى اني كنت اذهب للاماكن الموحشه بالهزيع الاخير من الليل
لكن للحقيقه لم يحصل ان شاهدت اي شيء غريب

الا اني اغرب ما اذكره وانا بالمتوسطه وكنت نايم عند جدي ببيت حجر من البيوت الجنوبيه
وانا بالغرفه
صحيت بوقت بالليل لا اذكره
وكان باغرفه ثلاجه
وشاهدت وبشكل واضح شكل صبي من الاصدقاء لكن وجهه مجدور وممتليء بالبثور...وهو فاتح باب الثلاجه وينظر الي لما رفعت راسي
والغريب اني لم اشعر بخوف ,ورجعت كملت نومي
وبرغم مرور اكثر من 25 سنة لم انس ذلك الامر حتى اليوم

[hgsvphkd]

السلام عليكم ورحمة الله وبركاتة

موضوع مشيق جدا

قصتي كـآلتـآلي .:
السنة الي راحت بعز الشتاء الساعة 2 ونص بالليل مجتمعين انا وقرايبي بالاستراحة واخر شئ بالاستراحة يمكن 400 متر موجود خيولنـآ ..
قلت ابي اروح اشوفهن لان مزرعتنا مليانة ضباع وذيابه .. توكلت على الله ورحت مشي طبعا وانا قامطهـا لكن عشان الخيول امشي ماهي مشكلة كنت لابس فروه ومتلثم بشماغ على قولتهم الفارس الملثم .. وكان قبها بيوم مطر مطر شديد وكله طين المزرعة انا طبعا امشي بجنب نخل قلت اي شي يجيني ارقاها تخبرون الفارس الملثم ابو فروه
كانت معي ضوايه تبي تطفي اروح للخيول الحمدلله مابهن خلاف حطيت شعير قلت خلهن يستانسن
وإنا راجع طفت الضوايه قلت العمر ياشامان واكمل واقراء المعوذات في اصوات تخرشش خرش ي ولد
قلت وانا الفارس الملثم نكمل يوم قربت للنخله اسمع شخير خخ خخاا خخخ ه خخ الزبده قمطت قلت ارجع واجلس عن الخيول بأمان واطول ويقومون يخافون ووو ولأ اكمل قلت ( الموت واحد والإسباب عده ) إخوكم بالله * أنا * يعنني ماخفت قلت هيه تراني مافكرت بك والهياط ومدري وش وانا يالله اتحرك ومشيت بسرعة الا في شي شد فروتة وضربني واطيح من الخوف بالضلمى ومدري وش وإطيح بالطين ودعست لأ نعال اكرمكم الله ولا شئ داعس ماشي 200 وذليت ادخل يضحكون وغسلت واستهديت بالرحمن ودخلت وكل يضحك وقالوا وش بك انا حسيت احد سوابي المقلب قلت لأ بس نضفت مكان الحصان حتى بكرا الصبح اطلع به والجو خيال ومطر وكذا قالوا ثيابك ليه وصخات قلت طحت قالوا سلامات قلت الله يسلمكم وكلن يبي يضحك وسيريت ومشت الأمور مسكت اخوي الصغير قلت احد قام وراي ولا شئ قال لالا قلت زين متاكد قال ايه

قلت ابي ارجع اتأكد بالصبحَ يوم جيت المكان وش طلع هههههههههههههههههههههههههـآي

جعريه الله يكرمكن مجعره = مولده وجالسة عندهن وماتبي احد يجي

وهههههههههههههه

[مغرب القنص]

لي عودة بإذن الله بعد أن اتصفح كل هذه الصفحات التي تحمل بلا أدنى شك مواقفا خارجة عن المألوف

[ابن فهدالشمري]

سالفه حصلت قبل فتره قريبه

كنت طالع للصيد انا وزميل لي ( نومه ثقيل بالحيل الله يغفر له ) الوكاد بعد ما تصيدنا وقبل المغرب وقفنا وشفنا لنا مكان زين

تعشينا وعينا من الله خير ونام خويي وانا جالس اشوف الشهب والنجوم واتفكر بمخلقات الله

والله الذي لا إله إلا هو مثل صوت الخيزرانه وشيش ثم تضرب بالارض عند اذني اليسار ولما التفت ضربت عند اذني اليمين رجعت التفت للجهه الثانيه وضليت كذا كم مره لحد ما تاكدت ان مكاننا ماهوب زين للنومه
قريت المعوذات ونمت على شقي الايمن ولا صحيت إلا والجوال ياذن ولما صحيت لقيتهم على نفس المنوال لاصديت عن المكان صارت الضربه فيه قمت وتوضيت واذنت بصوت عالي بعدها اختفى الصوت

الاسبوع الي بعده طبعا قصيت القصه عليهم وحنا بالطريق ويوم وصلنا للمكان قال رفيقي الي معي الاسبوع الماضي هاه ننام عند ربعك قلت ما عندك مشكله بس خوينا الثالث له راي غير

ولله الحمد ما جانا منهم اذيه وعقبه نبعد عن ها المكان حتى ما ناذيهم ولا ياذوننا

[لورن]

السلام عليكم جميعا
ياجماعة الخير انا حصلت لي قصة غريبة وعجيبه ومن عادتي أن إذا ضاق صدري أطلع للبر وادور مكان شرح يوسع الصدر وأجلس وأشب وكل العلوم الطيبه اللي تحبونه وجب وقت المغرب فتوضأت وشرعت بالأذان ومن ثم صليت وجلست أتقهوا بعد قليل سمعت صوت كالشخير ولاكنه خافت وبعدها بقليل مره أخري لاكنه اقوي فقلت لاحول ولاقوة الا بالله ضيقة صدر وجن وإذا بالصوت مرة أخرى فقلت بسم الله وذهبت أتحسس من أين ياتي فتوجهت للغضاة مباشرة لأنه يصدر منها الصوت وعندما وضعت الكشاف ضحكت كثير قدر ماكنت قلقا وإذا بزمزميه قهوه لم تربط جيدا ونسيها أحد المكاشيت وتصدر مع الضغط هذا الصوت فقلت سامحك الله ياصحب الزمزميه وزقك خرعتن ولو أعرفه لشكرته لانه بعد الله أذهب الضيقة عني
ونأسف للإطاله

[الإستراتيجي]

أفلام رعب هههههههههههه


ما أدري أنا قد حطيت قصتي ولا ؟

[Al3rands]

يالله سترك من مده كنا ساكنين بحي يمدحون كثر الجن فيه ونا بالبيت لحالي وروح اتروش وادور بعد ما تروشت الفرشه حقت الشعر مالقيته طلعت لغرفة اخوي ادور مشط ولا شي فجأه الا والباب يتسكر علي طبعا تذكرت ذيك الافلام اللي يتسكر عليه الباب وما ينفتح وبكل شجاعه (ايه هين)كديت شعري مع انه كان ضلام وفتحت الباب ونز لت وفكن الله

[alnawras]

موضوع جميل ورائع
وقصتي كانت قبل سنتين تقريبا طلعنا للبر في الليل وكنا خمسة ومعنا جيب ووصلنا لضرما ومنها طلعنا شرق شمال باتجاه جبال طويق وقطعنا حول 10 كيلو وكان المكان مظلم جدا وشوي والا نشوف انوار من بعيد قلنا اكيد سيارات تتمشا دقايق واختفت الانوار واشتغل نور سيارة وبدا كنه جاي باتجاهنا والارض كانت سهلة امامنا ومافيها وديان وبدا ينطفي النور ويولع ولكنه يظهر اقرب بكثير من قبل وكان واضح انه غير طبيعي وطلعنا على طول من المنطقة ورجعنا بعد شهر نتمشى فيها واقتربنا اكثر من الجبال ومافيه احد في طريقنا والا نسمع صوت كنه واحد تعبان ويصيح الله .. سمعته انا واللي جالس بجنبي .. واللي ورا بدو يكذبون ولفيت بالانوار حولنا ولا شفنا شي ومشيت باتجاه الجبل مرة ثانية وتعدينا مية متر والكل ساكت والا نسمع نفس الصوت والكل في السيارة سمعوه وهجدو وعلى طول الف وارجع وعرفت المنطقة فيها من اهل الارض ونشوف في طريقنا شجرة قلنا خلنا ننزل هنا ونجهز العشا ويوم نزلنا جاتنا رجمتين ولا ثلاثة بالحصاة وكانت حولنا قلنا يمكن واحد من الشباب يستخف دمه ولما بدينا نجهز العشا والا نشوف في الليل عيون ذيب اسود تلمع في الظلام وبدينا نطلع اصوات ولف حولنا من بعيد وشرد ..
المهم قبل الفجر نشوف نور قوي جدا من وسط الجبل واستغربنا وقلنا مين طالع ينور في الليل وانطفا النور ويوم طلع الصباح والا المكان اللي جاي منه النور جبل مقطوع كنه جدار ومستحيل احد يطلع لمنتصفه واللي راح المنطقة يعرف طبيعة الجبال هناك ...
وقتها ماكنت اعرف عن الانوار انها ممكن تكون من حركات الجان وتاكدت من قصصكم في هذا الموضوع ..
واللي يكذب هالقصص اقوله يروح لهذي المنطقة ويبات فيها ويعلمنا وش جاه
رحنا اكثر من مرة للمنطقة وكل مرة يحصل شي غريب معنا
الله يحفظكم ويحفظ جميع المسلمين من شر شياطين الانس والجان

[alnawras]

قصة ثانية حصلت معنا من عشر سنوات
طلعنا في الصباح بنروح روضة خريم واخذنا طريق الدمام وقبل مخرج رماح نشوف قدامنا وانيت قديم نزل يمين من الطريق باتجاه الشبك والطريق لفه ولا قدرنا نشوف وين راح ولما وصلنا للمكان اللي نزل فيه ماحصلنا الوانيت والشبك مافيه فتحه ومادرينا وش صار وبدينا نضحك واللي يقول شاربين شي واللي يقول من قلة النوم خشينا مخرج رماح وكان ايامها الطريق سيد واحد وشغالين في السيد الثاني وجتنا تحويلة عالسيد الثاني الجديد ومشينا فيها والا نشوف وانيت عاكس الخط وجاي من بعيد قلنا بس هذا هو الوانيت اللي اختفا وضحكنا ويوم تعدانا واحد من الشباب يقول تخيل نلتفت ونشوفه مختفي واقسم بالله اننا التفتنا فورا ولا حصلناه ..
بعض القصص ذكرت مناطق كنا نستوحش يوم ندخلها وبالفعل حصلت للبعض قصص غريبة فيها
اذا حسيتم بالوحشة في مكان معين لاتجلس فيه واطلع منه على طول

[الدعجية]

صراحه استمتعت بهذي القصصه كثرو منها

[كحيلان تميم]

مموضوع يروع .. لاكن عليكم بالاذكار مافيه شىء يقدر يجيك .. الله عاطاك سلاح اقوى من اي شىء ولا شىء يقدر يوقف قدامك .. عليك بالذكر والاذكار والادعيه فهي تحمي بعد الله من الانس والجن والاضرار والمصايب وكل شىء ..

حفضنا الله وإياكم من شياطين الجن والانس

[اوسكار]

خذ هذي مع اني حالف اني ما اسولفها بالمجالس
ولكن والله الذي لا اله الا هو انها واقعية
وهي باختصار

مريت ابن خالي من 10 سنوات وقلت له مشتهين القوسي والحمام قالي تم
المهم طلعنى وبتحديد الموقع وانت ماسك طريق الي يودي لثمامة يجيك كبري الي لا لفيت من اتحته يوديك لشارع الاصفر الي عليه الحين مقهى ابو هيثم كان فيه رشايده يبيعون حليب النياق الموقف صار بالبر الي وراهم بكيلو يزيد او ينقص
ارجع واقسم ان هالقصه واقعيه مهي من نسج الخيال

المهم بدينى نتصيد ومافي احد بهالبر الى انا ورفيقي والارض سهله
الى هك الشايب حاط يده تحت بشته على انها سلاح ويقول وش عندكم ترمون ماتشوفون عيالنى
المصيبه مهي هذي المصيبه ان الشاب لابس بشت ابيض وسخ وشماغة ابيض وعقاله ابيض وفوق هذى ابرص
والله ماصدقنى نقوله من بعيد اسفين وحنى ماشين

والله وتالله وقسم بالله ما مشينى كم مية متر ولفينى السيارة الى الي ما عاد نشوفه وعلمنى بهاك المكان من هك الشايب وحتى لارحت للجنادرية او المطار من نفس الطريق مالتفت لهك الموقع

[طنب مصدي]

سالفتي ما فيها جن..

المهم طالع من عقب صلاة العشاء رايح أبشتري خبز للعيال والأهل وأنا في الطريق أهوجس وأتذكر مدرس عندنا من أفضل المدرسين الي قد مروا علي وخلوق جدا كان يدرسنا اللغة العربية في الصف الأول الإبتدائي من عام 1408هـ ولغاية خروجي من الإبتدائية وبعد مرور عشرين سنة تقريباً وبعد ما كنت أهوجس فيه وأنا في السيارة نزلت للمخبز الا هو قدامي!!!!
لا إرادياً قضبت راسه وحبيته ويعلم الله انه ذكرني بالإسم ما شاء الله عليه وسأل عن الوالد وعن أحوالي وأنا مغير ماسك يديه أبيه يجي معي يتعشى بس ما سمحت ظروفه .

[قوافي ( أم نهار )]

السلام عليكم ورحمة الله وبركاته

الوالد الله يطول بعمره يحب التخييم فالبر،، وسنه من السنين كل من بالمخيم خلد للنوم ومافيه ولا صوت غير صوت الماطور ،،وانا جالسه برا عند الحطب والشاهي والقهوه وهي عاده عندي حتى لوطفى الماطور ابتل على جلستي ،،

شوي إلا وجاء الوالد الله يحفظه وقعد قدامي مقابل الحطب والدفى وكانت ليله بارده ،،فمن عادة الوالد لو يغيب دقيقه يسلم فلاحظة انه جلس من غير ولا كلمه فحزبخاطري ان الوالد يمكن متضايق او شي من هالقابيل ،،سالته يبه بك شي مارد!!تبي شاهي!!ومارد!! وصبيت له بياله وحطيته على طرف الوجار مامد يده عليها،، يمكن ولا دقيقتين او ثلاثه مادريت إلا واللي واقف جمب الرواق ويكلمني:

قوافي انا ماقلت لاعاد تسهرين لحالتس !!!!!!!

وانا التفت على اللي قاعد قدامي مالقيت احد ..

كان موقف ابد مهب زين ..

[عطالله الحربي]

السلام عليكم ورحمة الله وبركاته
قصة حصلت لي قبل اسبوع تقريبا
اخايل البروق الساعه 9 تقريبا في مكان مرتفع
ومنزل القزاز حق السياره
المهم سمعت صوت قريب مني وطنشت
وتكرر الصوت اكثر من 6مرات وانا مطنش
استمتع بالبروق والرعود
المهم بعد دقايق جاني الصوت عند الباب قوي
عاد لاتسأل عن الشعور ذاك الوقت
واخذت لي لفتين حول المكان مالقيت اي شي
وسلامتكم