15 نوفمبر 2015 - 16:514 نوفمبر 2015 - 21:27 منتديات مكشات


::::::: تابعونا على تويتر مكشات :::::::


مرحبا بكم في منتديات مكشات

::::::: تطبيق مكشات للأجهزة الذكية :::::::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية
صفحة 3 من 29 الأولىالأولى 12345678913 ... الأخيرةالأخيرة
النتائج 31 إلى 45 من 434

الموضوع: من منكم حصل له موقف غريب خارج عن المألوف..!!!

  1. #31
    تاريخ التسجيل
    Oct 2002
    الدولة
    نجد
    المشاركات
    20,385

  2. #32
    تاريخ التسجيل
    Feb 2007
    المشاركات
    71

    مشاركة: من منكم حصل له موقف غريب خارج عن المألوف..!!!

    مايحتاج متاكدين مليون بالمليون الفيضه ام المصران ومليانه كشاته وسعه صدر وحولها ابراج الجوال على طريق الردميه للشملول و 99% من زوار الصمان هل السنه زاروها

  3. #33

    مشاركة: من منكم حصل له موقف غريب خارج عن المألوف..!!!

    موقف حصل لي والواقف كثير مره بحم الرحلات الكثير

    ولكن موقف باذكره هنا او بالاصح موقفين

    الاول كنا في احد ايام الصيف وفي نهايه الصيف كنت انا واحد الاصدقاء ذاهبين الى منتزه السحاب في ابها لننتظر بعد المغرب لنستطيع لاصوات الحيوانات (0والي يروح ابها يقدر يسمع النمر المغرب والقبل الفجر بوضوع
    المهم وحنا كنا تخت وجالسين وسط الهدوء الرهيب فجئه سمعنا صوت طفل يبكي بكاء شديد يقطع القلب فزعه تشتغل ويوم جيت ابي اخذ سلاح من السياره قال خوي وين رايح قلت لازم ننزل نشوف وش الحكايه قال خلنا نمشي بلا فزعه بلا هبال هذا جن ودايم ينسمع هنا ومهما تنزل تلقاه تحت يعني الهدف الي ينزل ما يطلع مره ثانيه طبعا مشينا وتركنا وعلمني خويي عن مواقف لنفس الصوت وحكايات عن ناس نزلوا يحاولون يفزعون له ولقوا ترجيم واشياء هبلت بهم


    الموقف الثاني على طاري الاطباق الطائره

    فهي والله صارت وكنا كثير وهو انا يوم كنت ماشي في طريق بعيد عن العالم وفجئه شفنا جرم في السما وكانت الليله قمرا وكان كنه يحترق حنا وقفنا وسيارات كثير وقفت وكان جسم يطلع منه دخان ويطير بتعرج شديد لدرجه ان واحد اتصل على الدفاع المدني وبلغهم بسقوط طائره المهم طول وببطئ يتعرج ولكن فجئه وحنا كنا كثير متجمعين نشوفه فجئه انطلق بسرعه شديده الى وزي الشهاب باضبط

    ثم اغلب الموجودين قالوا انه جن وانا كنت اشوف انه جسم غريب ولاهو طياره ولا جن

    قصتين على الطاير
    سبحان الله وبحمده سبحان الله العظيم

  4. #34
    تاريخ التسجيل
    Nov 2004
    الدولة
    خليج المكسيك
    المشاركات
    449

    مشاركة: من منكم حصل له موقف غريب خارج عن المألوف..!!!

    قصتي قصيره ولكن ما ادري كيف اصنفها :

    لما كنت صغير ابوي كان ياخذنا لمزارع نصيد فيها انا و اخوي الي اكبر مني , والمزارع هذي معروفه بالابار القديمه ( القلبان ) المحفوره يدويا , وفي احد الابار كان فيه عامود حديد على الجال بينه وبين طرف القليب اقل من شبر , اخوي كان يتمسك فيه ويطل في البير يشوف فيه حمام والا لا , وفي يوم من الايام شافه ابوي وهاوشه و فهمه انه في اي وقت احتمال يطيح هو والعامود الحديد , وطبعا صغار و اخوي يدخل الكلام من اليمين ويطلعه من اليسار , واستمر اخوي كل مره يتمسك في العامود هذا ويطل في القليب تقريبا لمده 6 سنوات وهو يكرر الحركه هذي كل مره ياخذنا ابوي للمكان .

    قبل فتره كنت في المكان نفسه وبالتحديد واقف عند القليب نفسه صاحبنا في القصه , محيط بالقليب 11 عمود حديد كلها نفس المقاس والشكل واللون الاحمر المتقشع , كلها موجوده الى الان ما نقص منها الا الي كان اخوي يتعلق فيه ويطل داخل القليب , طليت في داخلها لقيتها مدفونه والعامود طايح فيها على بعد 4 امتار تقريبا .

    واذا حصل ومريت من عند المكان ان شاء الله اصوره واحط الصور

  5. #35
    تاريخ التسجيل
    Oct 2002
    الدولة
    نجد
    المشاركات
    20,385

    رد: مشاركة: من منكم حصل له موقف غريب خارج عن المألوف..!!!

    اقتباس المشاركة الأصلية كتبت بواسطة هواوي مشاهدة المشاركة
    موقف حصل لي والواقف كثير مره بحم الرحلات الكثير

    ولكن موقف باذكره هنا او بالاصح موقفين

    الاول كنا في احد ايام الصيف وفي نهايه الصيف كنت انا واحد الاصدقاء ذاهبين الى منتزه السحاب في ابها لننتظر بعد المغرب لنستطيع لاصوات الحيوانات (0والي يروح ابها يقدر يسمع النمر المغرب والقبل الفجر بوضوع
    المهم وحنا كنا تخت وجالسين وسط الهدوء الرهيب فجئه سمعنا صوت طفل يبكي بكاء شديد يقطع القلب فزعه تشتغل ويوم جيت ابي اخذ سلاح من السياره قال خوي وين رايح قلت لازم ننزل نشوف وش الحكايه قال خلنا نمشي بلا فزعه بلا هبال هذا جن ودايم ينسمع هنا ومهما تنزل تلقاه تحت يعني الهدف الي ينزل ما يطلع مره ثانيه طبعا مشينا وتركنا وعلمني خويي عن مواقف لنفس الصوت وحكايات عن ناس نزلوا يحاولون يفزعون له ولقوا ترجيم واشياء هبلت بهم


    الموقف الثاني على طاري الاطباق الطائره

    فهي والله صارت وكنا كثير وهو انا يوم كنت ماشي في طريق بعيد عن العالم وفجئه شفنا جرم في السما وكانت الليله قمرا وكان كنه يحترق حنا وقفنا وسيارات كثير وقفت وكان جسم يطلع منه دخان ويطير بتعرج شديد لدرجه ان واحد اتصل على الدفاع المدني وبلغهم بسقوط طائره المهم طول وببطئ يتعرج ولكن فجئه وحنا كنا كثير متجمعين نشوفه فجئه انطلق بسرعه شديده الى وزي الشهاب باضبط

    ثم اغلب الموجودين قالوا انه جن وانا كنت اشوف انه جسم غريب ولاهو طياره ولا جن

    قصتين على الطاير
    بصراحة لو كنت مكانك وسمعت بكاء طفل لتوقعت أنه مفقود من أهله ولم يخطر في بالي أنه من الجان ..!!


    عموما شكرا لك على سرد مثل هذه المواقف العجيبة
    وأشكرك على التزامك بشروطنا وهي أن تكون القصة حدثت لك شخصيا ..

  6. #36
    تاريخ التسجيل
    Nov 2007
    المشاركات
    3

    رد: من منكم حصل له موقف غريب خارج عن المألوف..!!!

    والله قصصكم رهيبه
    الله يعطيكم العافيه
    صارت مع الوالد قصه وحنا معه عام 1979م فاك أبوي سياره ذيك الأيام جديده المهم
    طالعين من ديره بنجد ورايحين الرياض وحنا في الخط والوقت متأخر من عقب نص الليل وعلي نور السياره ونشوف شي (شكله كنه ذيب أوما يشبهله ) ناصينا من جنب الخط وفيه أحتمال أنه يصدمنا دعس الوالد بنزين قال كود اقطع قبل يصدمنا ألا وذيك الضربه القويه في الكفره الخلفيه وكأنه دعس شي أرتفع الموتر ونزل ثانيه من الضربه وقف أبوي ورجع بالموتر يبي يشوف وش اللي دعسناه وندور ولا نلقي شي ونناظر الموتر ولا فيه شي وكنه ما صار شي ذكرنا ربنا ومشينا وعرفنا أنه جن خصوصا ان المنطقه معروفه بكثرة الجن فيها
    هذي قصه ولي عوده بغيرها


    أذا ما يزعجكم

  7. #37
    تاريخ التسجيل
    Oct 2002
    الدولة
    نجد
    المشاركات
    20,385

    رد: من منكم حصل له موقف غريب خارج عن المألوف..!!!

    أسيرالغربة

    الحمد لله على السلامة

    واشكرك على التفاعل وسرد هذه القصة العجيبة ..

  8. #38
    تاريخ التسجيل
    Jan 2007
    الدولة
    الرياض
    المشاركات
    20,941

    رد: من منكم حصل له موقف غريب خارج عن المألوف..!!!

    الحمد الله لم أرى من الموافق الكثير غير موقفين الأول لم أجد تفسير له والثاني يبدوا اني وجدت تفسير له

    الأول
    وكنت صغير وكانت بعد إحتلال العراق للكويت بأشهر وقبل اندلاع الحرب ومن طبعي حب السحاب ومتابعتها وفتحت النافذه اطالع السماء والمح من بعيد ضوء طائرة من الشمال الغربي ولكن ماشد انتباهي قوة الضوء وبقيت اراقبه وكان بطيء الحركة تقريباً يعادل ربع سرعة الطائرة وكان الضوء يزداد لمعانا كل ما اقترب وبدأت أشك انه ليس طائرة وبعدما اقترب وبانت ملامح الجرم وكان عبارة عن كورة بحجم أكبر من الشمس بقليل وبحركة مستقيمة ذات تعرج قليل من اليمين واليسار وشكلها ليست ملساء او شديدة الاستدارة بل اشبه بالحجر المستدير وخلفها مثل الذنب القصير والوانها مابين الاصفر والازرق والابيض ولها صوت يشبه الطائرة ولكن بشكل اخف بكثير

    لم اصدق مارئيت فصعدت الى السطح وراقبته حتى اختفى الجهة الجنوبية الشرقية

    أخذ الموضوع من بدايته حتى نهايته حوالي الثلث لساعة وكان حول الساعة 9 مساء والمكان حي المعذر الشمالي ومر الجرم فوق رأسي تماما وهو يقطع مساره من الشمال الغربي وحتى الجنوب الشرقي

    الغريب ان أحدا لم يراه ولم يتحدث عنه احد ولم اذكر الموضوع الا عند قله من الناس خوفاً من عدم التصديق

    قصصت الموضوع للوالد والوالدة واخي الكبير ولكن للأسف لم يصدق احد وقالوا انك تتوهم

    الجرم لاتنطبق عليه ابداً اواصف الطائرة ولا الاطباق الطائرة
    ولا ينطبق عليه ماينطبف للمذنبات لقربه وسماع صوته وبطئه


    القصة الثانية ايام الدراسة في الجامعة قبل حوالي 5 او 6 سنوات وكنت موصل احد الزملاء الى سكن الطلاب والوقت كان متأخر جداً قبيل اذان الفجر بربع ساعة تقريبا وانا اسير في طريق السكن خارجاً منه وكنت لوحدي في الطريق ولايوجد اي سيارات فإذا بكنغر صغير يقطع الطريق بسرعة عالية والتعوذ من الشياطن وسألت بعض الزملاء ومن لهم اهتمامات بمثل هذه المواضيع فقالوا جن

    ولكن سئلت بعض الزملاء من جنوب المملكة وتحديداً ابها فقالوا لي اسم حيوان نسيت اسمه يعيش في ابها بنفس المواصفات وغير اليف
    ففسرت الموضوع انه ربما احد الطلاب من المنطقة الجنوبية احضره معه وهرب منه .

  9. #39
    تاريخ التسجيل
    Mar 2007
    الدولة
    المدينه المنوره
    المشاركات
    148

    رد: من منكم حصل له موقف غريب خارج عن المألوف..!!!

    انا حصل لي موقف ونا عمري خمسة سنوات والا الان لما اتذكره يضيق صدري
    طبعا ما شفت جني ولا ضعت بالبر لحالي كنت في البيت مع العائله وجاب الوالد ضب معاه للبيت طبعا انا خفت من الضب لاني اول مره اشوفه وكان ضب كبير الحاصل ان الوالد لما شافني انا واختي اللي اكبر مني خايفين قرر يذبح الضب ولكن ليحصل ما قضاه الله ان الاذان اذن وقال الوالد ان شا الله اذا جيت من الصلاه اذبحه واعطا الضب لخوي الكبير قال له اربطه الحاصل ان اخوي لما جا بيربطه كنت انا خايف وبعدت عنهم تقريبا عشره امتار لكن من جهلي وصغر سني اني كنت مقابل لهم تماما عاد اخوي لما جا بيربطه حصلت الكارثه وشرد الضب وماله عني والله اني تسمرت بمكاني وماتحركت تدرون ايش صار ******* تشعبط بي ودخل وسط الفانيله حقتي انا طبعا اغشي علي من هول الموقف وطحت وجت امي ورشت علي ما ولما فقت كنت مرعوب جدا من الموقف والله ياشباب اللي الان لو ما اضغط على نفسي واستحي من الناس كان احط رجلي لما اشوف الضب نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    حررت المشاركة من قبل ناصح
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي



    انا منك يادنيا بريئـــــــــــ انتِ يادنيا ابتلاء
    واليك ياربي رجائــــــــــي من سواك له الرجـــــاء
    ان تُرجع الايام بيض مشرقـــــــــــات بالبهاء
    وتلم شمل المسلمين فقد تطــــــــاول ذا المساء

  10. #40
    تاريخ التسجيل
    Nov 2004
    الدولة
    خليج المكسيك
    المشاركات
    449

    رد: من منكم حصل له موقف غريب خارج عن المألوف..!!!

    ههههههههههههههههه روني طبيعي انك تخاف من الضب اذا كنت اول مره تشوفه ولا تدري وشو , كل انسان والبيئه المحيطه فيه . بس قصه ممتعه
    قبل ترد على أي موضوع حط في بالك
    ان صاحب الموضوع يسأل عن طريقة أو كيفية عمل شيء
    موهب يسألك وش رايك الشخصي
    أو هل ينفع أو لا
    أو له لزوم أو لا
    ما سأل إلا وهو لزوم و نص

  11. #41
    تاريخ التسجيل
    Feb 2007
    المشاركات
    71

    رد: من منكم حصل له موقف غريب خارج عن المألوف..!!!

    اقتباس المشاركة الأصلية كتبت بواسطة بحر الظلمات مشاهدة المشاركة
    انا حصل لي موقف ونا عمري خمسة سنوات والا الان لما اتذكره يضيق صدري
    الغلط انكم مامصعتو ظهره لا بارك الله فيه العادة الي بيصيده ويتركه عند الصغار للعب يسحبه مع ذيله بقوه مع مسكه من جسمه لمصع ظهره ويترك بعدها ماعاد يتحرك الا على خفيف .

  12. #42
    تاريخ التسجيل
    Mar 2007
    الدولة
    حائل بعد حيي
    المشاركات
    1,635

    رد: مشاركة: من منكم حصل له موقف غريب خارج عن المألوف..!!!

    اقتباس المشاركة الأصلية كتبت بواسطة غالي مشاهدة المشاركة
    انا والله ياخوي الناصح
    والكلام هذا من زماااااااان كان عمري مايقارب 17 سنه ومازال المنظر في بالي هالحين انا 28 سنه نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    طال عمرك الموقف حصلي لا في بر ولابعيد عن انظار الناس الا بشارع وفيه ناس على سور فندق الانتركونتيلنتال
    بسم الله الرحمن الرحيم
    كنت ماشيء قريب للرصيف وبسرعه هادئه نوع ما اناظر يساري ابي محل معين وشفت ذاك الرجال الي يمشي مقابلني بالوجه يمشي على الرصيف يبعد مايقارب من 400 متر الى 300 متر تقريبا بما اني لا اجيد الامتار
    على كل قلت بنفسي وانا اتلفت ان مالقيته ابسأل ذا الرجال عل وعسى يدلني او يعرف
    فجأه والرجال كان بعيد بالمسافه الي قلتها الا دخل جهة الجدار حق الفندق انا الوضع عادي احسب فيه باب او مفتوح الجدار
    وامشيء وادور فتحه يدخل فيها قطو بس والله العظيم ماشفت شيء نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    يارجال بدل عدل حتى تعديت مكانه ابي عل وعسى القاء فتحه للاسف ياجماعه مالقيت ولا فتحه لاصغيره ولاكبير وعلى ذاكرتي كان رجل اسود اللون
    بسم الله الرحمن الرحيم والله انذعرت وقلت لأهلي السالفه قالت الوالده الله يغفر لها ويرحمها ويرحم موتاكم سم بالرحمن يمكن انه من اهل الارض سم ولاتفكر فيه وصل لك ركعتين
    وهذي السالفه واسف اني اطلت عليكم
    واشكرك اخوي على هالموضوع نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    يمه يمه يمه
    والله لو اشوف شي او كذا
    ما طلع من بيتنا ابدنقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    ياخوان بعض الناس قا\لوبهم حجر ماتخاف
    ماشالله عليم
    لو بشوف شي بالبر حطيت رجلينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  13. #43
    تاريخ التسجيل
    Dec 2007
    المشاركات
    357

    رد: من منكم حصل له موقف غريب خارج عن المألوف..!!!

    السلام عليكم ورحمة اللة وبركاتة...
    انا بصراحة حصل معي شخصيا موقف لايمكن انساة وهو...
    كنت مسافر مع صديق لدولة الامارات وكانت السفرة قبل حوالي 10 سنوات المهم بعد ماقعدنا بدبي 5ايام طلعنا الظهر ومرينا العين وتمشينا شوي ومرينا ابو ظبي بعد المهم واصلنا المشي وبعد ماصارت الساعة12 بالليل تقريبا حسينا بالتعب وقلت لصاحبي وش رايك ننام شوي حنا شباب ومامعانا عوايل يعني اي مكان نوقف فية وننام قال توكل علي اللة...المهم كل مادخلنا موقف جانبي لقيناة مليان من التريلات وطلعنا منة وعلي هالحال لما دخلنا ذاك الموقف اللى تقول ما احد وقف فية من نظافتة وقلنا الحمدللة لقينا موقف فاضي ومافية احد غيرنا وماكان معانا كنابل ولاشي كل واحد نزل ثوب فرشة وتغطي بثون ثاني شوي واحس بحشرات تمشي علي رجلي مثل النمل ماوعيت الا وصاحبي يقوم ويولع ليتات السيارة قلت لة وشفيك قال ذبحتني الحشرات المهم مع الليت قمنا نستكشف المكان ومالقينا ولا نملة!!!! رجعنا نحاول ننام وحنا ماندري وش السالفة شوي ونسمع اثنين يتكلمون بلهجة فلسطينية قلت يمكن اصحاب تريلات واقفين وماشفناهم ويوم التفت ادور مصدر الصوت مالقيت حوالينا احد واقرب موقف جانبي يبعد 10 كيلو تقريبا.. المهم سمينا وحاولنا ننام وبعد نص ساعة تقريبا وانا احاول انام لقيت صاحبي قام واخذ ثوبة وراح ينام بالسيارة وبعدها بخمس دقايق اشوفه قاعد يضرب شي وتكرر الموقف مرتين اشوف السيارة تهتز انا بالبداية احسبة ينظف المرتبة من الغبار المهم قريت المعوذتين وسميت ونمت وبعد ما قعدنا الصبح وحنا نغسل قال لي صاحبي ماشفت شي؟؟؟ قلت لة لا ابد..قال انا حسيت بالبرد وماقدرت انام واخذت ثوبي ورحت انام بالسيارة وفتحت الباب الخلفي وقعدا اضرب المرتبة الخلفية علشان انظفها من الغبار ويوم نمت شوي واحس بواحد قاعد يضربني مع رجلي ويقول قوم قوم ويقول كان واقف بين المراتب الامامية فوق التكاية وطولة تقريبا 60سم ولونة ابيض ولة كشة لكن مالة ملامح وجة ويقول من كثر ما كنت مصدوم قمت اسمى وهو ىضربنى وانا احاول ادزة بسمااقدر المسة المهم بعد ماسميت راح وبعد كم دقيقة رجع مرة ثانية على ونفس الموقف يقول لما قعدت اقرا واسمي يمكن نص ساعة وعقبها اختفى....ّّّ!!!! واللة الذي لا الة الا هو هذي السالفة حقيقية وحاصلة معاي ولو كنت اشك بمصداقية صاحبي ماكنت قلتها لكم...المهم بعد ما قلنا القصة لواحد صديق عارف بطرق الامارات عرف الموضوع وقال انتم الظاهر نايمين بمنطقة قريبة من طريق طريف بالامارات وهذي منطقة مسكونة وما شفتوا اهل التريلات ما يوقفون فيها لانهم عارفينها....والسلام عليكم نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  14. #44
    تاريخ التسجيل
    Dec 2007
    الدولة
    الرياض
    المشاركات
    419

    رد: من منكم حصل له موقف غريب خارج عن المألوف..!!!

    السلام عليكم ورحمه الله وبركاته
    مشكور اخوي ناصح على الموضوع والقصص
    ومشكورين الاعضاء على تفاعلهم مع الموضوع
    ننتضر قصه جديده

  15. #45
    تاريخ التسجيل
    Nov 2006
    الدولة
    منتهيه
    المشاركات
    143

    رد: من منكم حصل له موقف غريب خارج عن المألوف..!!!

    مشكور اخوي ناصح على الموضوع وننتظر الجدبيد من الاعضاء
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

صفحة 3 من 29 الأولىالأولى 12345678913 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •