اقلطي بين الحنايا وافهقــي جمر الوله

[راعي الأوله]

لعنبوا بعض القصايد كان مافيها حلا
............................ ماتـروح الا وتـترك للحنايــــا جلجلــه

تبتدي مثل المزون اللي تسولف للكلا
.......................... ولاخذت قامت ترزّم مثل شهــبٍ منزله

فوق صدر الشاعر اللي عن طواريقه جلا
........................ لين شاف اخت القصايد بالقصايد مقبله

ياهلا بأخت القصايد كثر شوقي ياهلا
....................... اقلطي بين الحنايا وافهقي جمر الوله

كل ضلعٍ من ضلوعي حافظٍ درس الولا
....................... مثل حفظك للعفاف وللشــرف يامدهله

سولفي كذا السوالف تنسمع والا فلا
....................... وان بغيتيني اسولف اسأليني اسئله

اسأليني وابتديها بالنهار اللي تلا
....................... ليلة ان الجـرح يقرأ فالضلوع البسمله

واسأليني عن زماني كم شرب في ّوكلا
...................... انتهي من مشكله والقى وراها مشكله

المشاكل بهذلتني في غيابك والبلا
...................... مالقيت اللي أحط الســـر عنده وازهله

كل مااسمع كيف حالك ينقبض جفني على
..................... دمعةٍ تبغى تقول الحال دمــع ومهزله

وابلع العبره واقول بخير والهم انجلا
.................... وآخر الهـرج اتلعثم فيه وأنقـــض اوّله

ليه غبتي .ليه غبتي وانتي اللي ماملا
.................... عيني الا همس صوتك في زمان البلبله

ياآه شفتي وين راح البال بالشعر وسلا
.................... قمت اعاتب فيك وانتي فالضـلوع مدلّله

لاني ماصدّقت نرجع للقصايد والغلا
...................... بعد ذاك اليوم يوم جنبت وانتي مشمله

ايه ماصدّقت لكن ياعساني ماخلا
........................ اقلطي بين الحنايا وافهقــي جمر الوله

[سعد بن مطلق]

[c]السلام عليكم ورحمة الله وبركاته[/c]
[poet font="Simplified Arabic,4,black,normal,normal" bkcolor="transparent" bkimage="backgrounds/3.gif" border="none,4,gray" type=0 line=200% align=center use=ex length=0 char="" num="0,black" filter=""]
وابلع العبره واقول بخير والهم انجلا=وآخر الهـرج اتلعثم فيه وأنقـــض اوّله


صح السانك
تسلم ولاهنت
[/poet]

[نجمة سهيل]

صح لسانك اخوي راعي الأوله وتسلم ايدينك على هالقصيده.

[راعي الأوله]

معذب الغيد
*-*-*-*-*-*-*-*-

تسلم أخوي على ردك والقصيده هذي للشاعر : فهد المساعد .. وأعجبتني وحبيت أقدمها لكم ..

[راعي الأوله]

نجمة سهيل...هلا بك أخوي ومشكور على التواصل..

[عاشق الصحراء]

صح لسانك و لسان الشاعر.

وزن و قاف رائع و فريد

[راعي الأوله]

عاشق الصحراء

تسلم أخوي على تواصلك .. والقصيده على قولك رائعه من كل المقاييس..

[أبومحمد الدوسري]

ياهلا بالشعر كله ياهلا يامسهلا
...................... خص لا جا من كريم يدعى راعى لوله

[راعي الأوله]

حي من جانا يحيي بالرجال ومسهلا
************ في خفوقي حروفك يا أبو محمد مسجله

[المسفهل]

رفقا بالقلوب الرقيقة والمشاعر الفياضة ياراعي الاولة ..

لاتتحمل القلوب التي أضناها الحب وآلمها الهوى هذه القصيدة الرائعة ..

شكر الله لك هذا الاختيار الرائع من عضو أروع .

[الحزين]

تسلم اصيبعاتك ياراعي الاوله ,, الجميل يختار الجميل !!

تقبل تحياتي ,, اخوك ابو محمد

[الطير]

تحيه طيبه



يعطيك العافيه ياراعي الديره راعي الاوله .

قصيده في قمت الروعه .



لك تحياتي

[راعي الأوله]

المسفهل ..
((لاتتحمل القلوب التي أضناها الحب وآلمها الهوى هذه القصيدة الرائعة ..))

تسلم لي يا راعي القلب الرهيف ...

[راعي الأوله]

الحزين ابعد الله عنا وعنك الحزن تسلم على تواصلك الجميل .. يابو محمد

[راعي الأوله]

ياطير ياللي حايمن في سما نجد
********* بلغ سلامي للغضي في محله

مشكووور يالطير على ردك الحلو.. ياراعي الديره!!!!