خلاصة البحث عن تايمر لجهاز الرذاذ وبأسعار أعتقد أنها مناسبة. تفضل

[ارتست]

ـ





ـ







معلومات قيمة لجهاز التايمر



بيض الله وجهك أخي ارتست .






.

الله يجزاك خير على مجهودك وإنزال الصور

[ارتست]

السلام عليكم

اخواني الكريم حكم خبرتي البسيطة في الشحن والبسيطة جدا في التايمرات
ربما اتكلم عن نوع ليس تماما كما تتحدثون عنه لكن ربما يأدي عند البعض المطلوب

حبيت اوضح للاخوان الكرام عن اسعار الشحن وتقاس على حجم السلعة ووزنها
واعتقد تقريبا بتكون 100 ريال الشحن للقطع الصغير مثل التايمر
يعني بتطلع تكلفة التايمر الواحد على الي بيطلبه 90 التايمر + 100 الشحن + 50 الوسيط = 240 ريال

بينما يتوفر عندنا في اسواق السعودية تحديدا وسط مدينة الرياض عند محلات الكهرباء واسعارها تتراوح من 200 الى آلاف الريالات والفرق واضح

وبالمناسبة ولكي اخرج بفائدة لي وللباحثين عن الاجهزة احب ان انوه انني اوفر مؤقت الكتروني بعدة انماط "ثواني , دقائق , ساعات" نوع ممتاز صناعة تركية ضمان سنة كاملة بقيمة 250 ريال

وهذي صورة له من احد مواضيعي وقد تم تركيبة على مضخة ضباب



وايضا لمن يرغب بشيء احترافي ويكون مناسب وغير مشوه للمنظر العام
بالامكان توفير صندوق بلاستيكي بحيث يتم تثبيته في الجدار بتكلفة اعلى

حياك الله أخوي أبو براهيم وكلامك ع العين والراس والتركي أكيد أفضل لكن أسلاكة واجد إذا كان على الصورة اللي وضعتها (أما اللي لقيته فكان الجهاز مجهز بفيش ومخرج وجدا سهل التعامل معه)
ومانختلف في التكلفة للقطعة لكن أنا نوهت للي يبي يجيب كمية راح تطلع التكلفة أقل بكثير
على سبيل المثال
انا شريت أربعة الحين ووزنهم اقل من نصف كيلو=1 باوند تقريبا(خفيفة جداً)

فلو قلنا 20 حبة ماتجي وزنها 3 كيلو يعني 6 باوند واللي أعرفة ان اول باوند ب50 والزود ب25 يعني المجموع 175 ريال للشحن +50 للوسيط +قيمة المنتج(المنتج يجي منه 2 ب 120 ريال)يعني المجموع الحساب
175 شحن+50 وسيط+1200(20 حبة)=1425ريال يعني القطعة تصير حول 70 ريال يابلاش
ولو زدنا عليها ربح اللي بيجيبها من 20 إلى 30 ريال
في النهاية ماتتعدا 100

اما اللي يبي 4 حبات فالحساب 50 شحن(1 باوند)+50 وسيط(إذا كان الواحد ماعندة بريد دولي)+240(اربع حبات) =340 تقريباً يعني الحبة 85ريال برضو ممتازة
وبالنسبة للشحن للسعودية إذا هو مو ب 50 للباوند او الكيلو فهو مايتعدا ال70 لاول باوند (على ذمة اللي بالنت كاتبين) لانه يعتمد على الشركة البريد السعودي او أرامكس

هذا والله أعلم
وأعتذر إذا كنت ملخبط بشي

[ارتست]

مشكور ياصاحب الموضوع ع الجهد المبذول

وانا مستعد اوفر الجهاز بسعر 150 ريال الى ع الرابط هذا

http://www.ebay.com/itm/Repeat-Cycle...item43a6cb9252

وهذا ب175ريال

http://www.ebay.com/itm/Repeat-Cycle...item33680bd6e5

وهذا ب 170ريال

http://www.ebay.com/itm/Repeat-Cycle...05%26rk%3D1%26


الي يبي يراسلني خاص لائني قليل الدخول وممكن طلب حبه او كميه

ماتقصر بيض الله وجهك
لكن شوري عليك بهالنوع

http://www.ebay.com/itm/320855873245...84.m1555.l2649

أرخص يجي حبتين ب31,48 $ يعني الحبة بحدود $16
ولو جبت 20 حبة ماتتعدى ال70 او نقول 80 ريال مع الشحن واصلة

يعني لو تزيد عليها 20 إلى 30 ريال تراها زينه

يعني في النهاية ربحك 30% طيبة وفوقها دعوة من الناس فهالرمضان

[ارتست]

الله يحفظك اخوي ارتست
هل اقدر اخلي الجهاز يعمل 3 دقايق كل 24 ساعة ولا اقصى شي 40 دقيقة ويشتغل وهل يوجد منه 220 فولط لان الكهرب في الجنوب 220

ترجع بالسلامة

الله يجزاك خير على دعواتكم الطيبة لاعدمناها
بالنسبة للنوع اللي تبيه موجود وبكثرة في السوق ومحلات السباكة او ساكو
وأتوقع ينفع لك لانه يجي معه كلبسات وكل يوم يلف لفة
وأقل مدة أعتقد 15 دقيقة وتقدر تمدة لمضاعفات 15 يعني 15 او 30 او 45 ....
بس عندك الظاهر خمس مرات إيقاف وتشغيل في اليوم الواحد
وهذا رابط لهالنوع واللي أنا أستخدمة في المسبح وسعرة مره رخيص ويتحمل الدينموات القوية(على كلام راعي الموضوع إنها ماتتعدى70 قبل الغلى)




مقتبس الصور من هالموضوع(أعتذر عن صاحبها)

http://www.benaa.com/Read.asp?PID=1431783&cnt=0&Sec=5

وفيه أنواع بساكو أعتقد أنواع تعطيك 24 تشغيلة و24 إيقاف في اليوم
وهذي ماكانت تصلح لي لاني أبي الجهاز يشتغل في حدود 3 دقايق ويقفل 3 دقايق فلو حسبتها ماتكفي في اليوم
غير كذا النوع هذا اقل شي 15 دقيقة وأنا أشوفه كثير لاني جربت في البر أشغلة أكثر من خمس دقايق وصرنا نمتلي موية وفرشتي تربص

[رحال300]

ماتقصر بيض الله وجهك
لكن شوري عليك بهالنوع

http://www.ebay.com/itm/320855873245...84.m1555.l2649

أرخص يجي حبتين ب31,48 $ يعني الحبة بحدود $16
ولو جبت 20 حبة ماتتعدى ال70 او نقول 80 ريال مع الشحن واصلة

يعني لو تزيد عليها 20 إلى 30 ريال تراها زينه

يعني في النهاية ربحك 30% طيبة وفوقها دعوة من الناس فهالرمضان

ماعندك مشكله وانا اخوووك والله لو تبي براس ماله انا مستعد يكفيني دعووه صادقه
واذا احد يبي كميه ويصرفها هو ع كيفه ماعندي مشكله

[ارتست]

ماعندك مشكله وانا اخوووك والله لو تبي براس ماله انا مستعد يكفيني دعووه صادقه
واذا احد يبي كميه ويصرفها هو ع كيفه ماعندي مشكله

جزاك الله خير