عندي مشكله في هواء المكيف

[راعي الشعراء]

السلام عليكم جميعا أبي فزعتكم يالربع عندي فورد أكسبلورر موديل 2008 نص فل طلع عندي من فتره مشكله في هواء المكيف مره يطلع من الأمام ومره يطلع الهواء من فوق ياخذ أقل من دقيقه ويرجع من الأمام وما أدري وش السبب والمشكله رحت للوكاله قالوا الكشفيه بـ 350 ريال وكلمت راعي ورشه ميكانيكي سوداني قالي من الحساس لازم نفك الطلبون كله وما أقتنعت بقوله الي يعرف وش المشكله لايبخل علي أو يدلني لأحد يعرفه ويكون راعي ثقه أنتظر ردكم يالربع

[خالد الحلالي]

السلام عليكم ورحمة الله وبركاته

تحياتي اخي العزيز

عندي نفس المشكله سيارتي فورد وندستار

لما ادعس بترول تحدث المشكله ولما اخفف يرجع الوضع عادي

بس ما رحت اكشف السبب اتمنا اهل الخبره يفيدونا

جزاكم الله خير

[عاشق صيد]

أخواني الكرام سيارتي 2010اكسبلورر كان فيها مشكلة انها عند الطلوع يتحول المكيف الى الهوايات اللي فوق الطبلون واذا رفعت رجلي عن دواسة الببنزين يعود المكيف للوضع الطبيعي.. الشاهد وديتها قبل امس للوكالة وغير ( بلف الباكم ) واختفت المشكلة والحمدلله

عموما اللي عنده نفس المشكلة ينبه عليها الفني وهذي القطعة في الكبوت تحت ليات المساحات وهذي صورتها

او قريب منها



ولا أظن ان تكلفتها كبيرة , دعواتكم

[EXPLORERONLY]

احد يعرف ورشه تضبط الشغله ذي

عندي نفس المشكله

موتري اكسبلورر ٢٠١٠

ويليت تكون الورشه في الخرج

لان زحمة الرياض ما ودي اروح لها.

[بائع المسواك]

السلام عليكم جميعا أبي فزعتكم يالربع عندي فورد أكسبلورر موديل 2008 نص فل طلع عندي من فتره مشكله في هواء المكيف مره يطلع من الأمام ومره يطلع الهواء من فوق ياخذ أقل من دقيقه ويرجع من الأمام وما أدري وش السبب والمشكله رحت للوكاله قالوا الكشفيه بـ 350 ريال وكلمت راعي ورشه ميكانيكي سوداني قالي من الحساس لازم نفك الطلبون كله وما أقتنعت بقوله الي يعرف وش المشكله لايبخل علي أو يدلني لأحد يعرفه ويكون راعي ثقه أنتظر ردكم يالربع

مرحباً بك سيارتي مثل سيارتك بخصوص سؤالك أول ماتشغل المكيف تلقائياً يشتغل المكيف أوتوماتيك ويعطيك دقائق ليتوزع أوتوماتكياً على كل الجهات أعلى وأسفل وجهة الأمام أما إذا أخترت توزيع الهواء يدوياً فوق تحت أو أمام دون الأعلى أو العكس فلا مشكلة في التوزيع ..

سيارتك طبيعية ياصاح وهذه ميزة جميلة في الأكسبلور

[EXPLORERONLY]

المشكله تحصل معي وانا على سرعات 100 او 140 او 160

وعندما ارفع رجل عن دعسة البنزين يرجع لوضعه الطبيعي ويستمر شوي ويرجع التكيف للاعلى .

[غيث الجنون]

يا اخوان الفزعه
انا توني شاري اكسبلولر 2010 وارد خليجي الطاير شيكتها الحمدلله كل شي اوكي
ولكن ظهرت لي مشكله بالتكيف اذا اسرعت على 140 و160 ينقطع التكيف واذا خففت السرعه يرجع طبيعي

الرجاء الفزعه يالربع والله وسوست

[md_sabra]

أخواني الكرام سيارتي 2010اكسبلورر كان فيها مشكلة انها عند الطلوع يتحول المكيف الى الهوايات اللي فوق الطبلون واذا رفعت رجلي عن دواسة الببنزين يعود المكيف للوضع الطبيعي.. الشاهد وديتها قبل امس للوكالة وغير ( بلف الباكم ) واختفت المشكلة والحمدلله

عموما اللي عنده نفس المشكلة ينبه عليها الفني وهذي القطعة في الكبوت تحت ليات المساحات وهذي صورتها

او قريب منها



ولا أظن ان تكلفتها كبيرة , دعواتكم

الله يجزاك الخير

[عبدالعزيز ش]

ارجوااا ارسال صورة بلف الباكم لوسمحت

[m-b-c-4]

بالتوفيق......

[Tracer]

انا بعد عندي نفس المشكلة اذا اسرعت يطلع الهوا مع الطبلون واذا رفعت رجلي يرجع الهوامع فتحات المكيف
وعندي مروحة المكيف مره تشتغل ومره توقف الين ادقها بمفك من الشبك وتشتغل
مين عنده الحل