ماهي افضل انواع الكشافات

[al-nashmi]

اخوي القماري اسعد الله اوقاتك.... اخوي الكشاف اللي عندي عجرى قصيره ابو 3حجرات كبار
اخوى حاولت افكه من عند اللمبه وما فك........ افزع لي اذا عندك طريقه افكه بها؟؟؟؟؟؟؟؟
تراي معطيه مهله الى 29 رمضان وبعدها ابدوس عليه بكفرات الجيب!!!!!!!!!!! مع اني شاريه ب 140ريال

[مهتوي]

اخوي النشمي ..
استخدم .. بخاخ حق الصدى ورش على الغطى كود ينفك .

[القماري]

أخوي النشمي شف عاد إذا الغطاء الخلفي يفك ف ok وإذا كان لا فأستخدم الدبليو فورتي للصداء مثل ما تكرم الأخ مهتوي وبعد كذا شف لك ريشة دريل مناسبة (تعرف الدريل أو لا ؟ مثقاب ـ حفار سمه على كيفك زي كذا هو )
وأحفر في نفس البطاريات بس أحذر تخرب الكشاف . وإن شاء تنجح وما تدوس الكشاف بكفرات الجيب

[al-nashmi]

اخوي مهتوي الله يعطيك العافيه ماقصرت وفكرتك جيده وابي اجربها الليله عساها تنفع,,,,,, وعلمكم وش صار معي............


اخوي القماري الله يبارك فيك ياخوك الكشاف ركب راسه وعيا يفك لا من الغطاء الخلفي ولا من الامامي,,,,,
وبعدين اصلا البطاريات ماشوفها
ولا ادري هي فيه ولا اكلهن الكشاف المجرم , قليل الخاتمه ......
والدريل ماعرفه ولا قد شفته ولاقد طير اظافري :bounce:

والسلام عليكم,,,,,,,,

[abuwaleed]

عزيزي النشمي
صب في التريك خل ابيض وخله لمدة ساعتين او اكثر وتشوف النتيجه.

abu waleed

[al-nashmi]

الى كل الاحبه.........
السلام عليكم...........

اخواني الاعزاء كل المحاولات فشلت في فك اغطيه الكشاف.
1-مزيل الصدى والخل الابيض مانفع!!!!!!!!! تدرون ليش؟؟؟؟؟؟ لان الكشاف معزول ضد دخول السوايل والرطوبه توجد ربله على حواف الاغطيه تمنع دخول السوائل ( يعني بالعربي ضد الماء) .

2- ربصته بماء حار وملح( صار رجل شايب ماهو كشاف) ولا نفع ولا بقى الا كفرات الجيب حل نهائي..........................

احبابي شكرا لكم على محاولتكم مساعدتي وعلى اجتهادكم وطرح افكاركم...


اخواني استفيدوا من تجربتي ولا تتركوا البطاريات لفتره طويله داخل الكشاف.........


وتقبلوا تحيات اخوكم / النشمي

[AL3GRB.M]

جزاك الله خير

[عاشق الساحل]

السلام عليكم وين تبع كشافات ميق لايت
لاني بصرحه تعبان من كثر الكشافات اللي اشتريت وكلها كلام فاضي

[اصيل نجد]

السلام عليكم ورحمه الله وبركاته:احب ادلي بدلوي مع هالموضوع اللي يعتبر مهم لكل كشات لاانه يعتبر من اساسيات العزبه ماطول عليكم بالنسبه للمق لايت الكشاف الامريكي انا استخدمته ماينفع بريال محمد علي وشريته ٤٣٠ ريال اذا انا ماني ناسي صراحه عيوبه ثقل حجمه وكبره عدم طول مده التخزين للكهرباء وذلك لان لنبته عاديه وليست LED الاقتصاديه بعدين قطع غياره مرتفعه اللنبه سعرها ٢٥ ريال والبطاريه ١٣٠ ريال طبعا الكلام هاذا قبل فتره يمكن من سته سنوات ايام كان وكيله العطاس وبعدين صار وكيله المصباح المهم انا مره سئلت قلت ليش غالي قالوا لي علشان يستخدمه الشرطه الامريكيه طيب وبعدين قالوا ويستعمل كعصاء دفاعا عن النفس ؟!!!! المهم تركته واخذت فينكس k35 عطي الله عزالله كشاف كذلك استخدمت الميق لايت حلو ورخيص وبشاحن منزلي واسف علي الاطاله تحياتي لكم

[الحربي حاتم]

بسم الله الرحمن الرحيم
الله يهديكم
أنتم تردون على موضوع من عام 2002 قبل عشر سنوات بداية تأسيس المنتدى يوم ماكان فيه
لمبات LED ولا فيه زينون حتى الرجال اللي في الموضوع أكيد إذا كانوا أحياء يستخدمون الليد أو الزينون ونسوا الهالوجين وكشاف أبو ريالين

[حمودي2004]

777
777
777
777
777
777
777777777
77777777
7777777
777777
77777
7777
777
77
7