ماهي افضل انواع الكشافات ؟:what:
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
ماهي افضل انواع الكشافات ؟:what:
نصيحة لله لا تاخذ غير ماركه نوعها ميق لايت
امريكية ممتازة و صبورة .
إذا كنت محتار بين النوعين ( احجار ولا شحن ) لا تاخذ غير الشحن. صحيح انه غالي لكن لك و للزمن.
======================
الخبرة هو الإسم الذي يطلقة الشخص على تجاربه الفاشلة
"Obstacles are those frightful things you see when you take your eyes off your goal."
Henry Ford
السلام عليــكم ..
هلا اخوي سمارت ..
مثل ما قال اخوي الخبير ..
هذا الله يسلمك افضل كشاف شفته .. والدليل على هذا الدفاع المدني يستخدمونه ..
بالنسبه لمواصفاته
البطاريه
تستطيع إعاده شحن البطاريه وهي داخل الكشاف عن طريق السياره او البيت .
بس هذي القطعه ماتجي ضمن الكرتون . شاحن سياره 12v
قاعده تثبتها في سيارتك
وهذي القاعده تركب على القاعده السابقه .. وعن طريقها يتم الشحن.
شاحن المنزل 110v
شمعه هالوجين .
فيه شمعه سبير في نفس الكشاف مثل منت شايف في الصوره اعلى الصفحه رقم 4 ورقم 3 مكان تحفظ فيه الشمعه.
بالنسبه لسعره ,, 355 درهم .. في دوله الإمارات العربيه .... وماأدري كم في السعوديه
وياليت اكون خدمتك .. اللي تامره حاضرين به ..
ومن ناحيه رأيي الشخصي .. بصراحــه يستاهل .. وقيمته فيه ..
اخوك مهتوي
اخي الخبير و اخي المهتوي
شكرا على الاهتمام و الرد المصل
انا من رأي انك تشتري الكهربان ( الكشاف ) ابو ريالين والا ابو ثلاثة والا ابو اربعة ريال وتحطة في السيارة ومتى ما احتجتة اشتر لة ( حجر ) بطارية ابرك لك من الخساير اللي مالها سنع مغير الواحد يجمع قش في عزبتة وغالية على غيرسنع.
ابد خلك مثلي ماخف حملة وخف ثمنة.
صح كلامك يا نجمة الليلكاتب الرسالة الأصلية NIGHT STAR
انا من رأي انك تشتري الكهربان ( الكشاف ) ابو ريالين والا ابو ثلاثة والا ابو اربعة ريال وتحطة في السيارة ومتى ما احتجتة اشتر لة ( حجر ) بطارية ابرك لك من الخساير اللي مالها سنع مغير الواحد يجمع قش في عزبتة وغالية على غيرسنع.
ابد خلك مثلي ماخف حملة وخف ثمنة.
واذا تبي ياخوي يا سمارت الكشاف لاستعمال خفيف وقليل جرب هذا
انارته قويه وتدوم بطاريته سنه وخفيف جدا تحمله في جيبك بدون ان تحس فيه ومتى ما احتجته يكون قريب وحاضر
http://www.mekshat.com/vb/showthread...&threadid=2480
الله لايهينكم يا شباب عزالله انكم كفيتو و فيتو
عقبال مانخدمكم بالافراح
السلام عليكم,,,,,,,,,,,
انا استخدم كشاف من نوع ميق لايت, وصراحه من افضل ا نواع الكشفات التي استخدمت على الاطلاق.
النوع اللي عندي يعمل على البطاريات( الحجر) , ولكن........... تركت الكشاف لمده شهر بدون استخدام
والبطاريات فيه وقبل يومين شيكت عليه وحصلته ما يشتغل ؟؟؟؟ قلت يمكن من البطاريات خالصه ,,,,,,,,
ويوم بغيت افك التريك عيا وابا واصر الى يفك
,,,,,,,,,وقمت وفكيت من عند اللمبه ولا فيه فايده ما طلعت البطاريات........
ياشباب افزعولو كيف الطلع البطاريات....... شكل البطاريات ساحن وماعن وذابن في التريك
ياشباب اللي عنده طريق لفك البطاريات من التريك يفزع ترى لي يومين وانا احوال فيه بالكماشات والزرديات
والشواكيش !!!!!!!!! ولا فيه فايده .
ومن العايدين قبل الزحمه
اخوكم النشمي
هلا النشمي ابقولك طريقة بس عاد ان نجحت فهو من الله وان خابت فهي مني واجتهاد.
حطة في الفريزر يوم عشان ينكمش شوي وبعدين حاول فية كود الله يامرة وينفك.
تحياتي تراه اجتهاد من عندي.ight:
النشمي
وإذا مانفعت طريقة أخونا نجمة الليل
سو عمليه عكسية لطريقته حط التريك في مويه ساخنه علشان يموع السائل اللي طلع من البطاريات
عموماً طريقتي خلها أخر ورقه تلعب فيها ، يعني مابعدها إلا أنك تزته بالزباله وتخلف الله
تحياتي لك ... فرد حمزة
بسم الله الرحمن الرحيم
على البركة العشر اولا
ثانيا ياشباب انا شفت هاذا الكشاف الميق لايت عند الرماية ويمدحونه العمال ويقولون تقدر بهاذا الكشاف تصيد به في الليل لأن فيه تحكم على مساحة الأنارة هل هاذا صحيح افيدوني
الله يعطيكم العافية
و كاله يقولون يقولون ان افضل كشاف هو اللي يستخدمه الدفاع المدني
هو تبي الصدق قوي بس مو للدرجة اللي يقولون عنها.
وعيبة ان البطارية ماتعوق وتخلص ويبطي وهو يشحن.
والله اني شارية من يجي خمس سنين الى يومك ما استفدت منة شيء ماقد احتجتة ولقيتة مشحون داااااااايم فاضي.
وبعد التوهيقة فية قلت يااااااااااااااااااازين ابو ريالين زينااااااااااااااة لا هم ولا غم اقرب بقالة كشاف وحجر وريح عمرك. تراة توهييييييييييييييييييييييييييييقة بقووووووووووووووووة.
اخواني NIGHT STAR وفرد حمزه...........
اسعد الله اوقاتكم........... وشكرا لكم على محاولاتكم مساعدتي.
اخواني الكرام فكره اخونا فرد حمزه سبق وان جربتها وهي من اول المحاولات التي حاولتها ولكن بدون فائده.....
اما بالنسبه لفكره الاخ NIGHT STAR لم اجربها ولكن اعتقد انها لا تفيد بسبب ان السائل من الحجر جامد الان واذا جمدنا الكشاف بالفريزر جمد زياده ولا حلينا المشكله...
شكرا لكم مره اخرى
اخوكم/ النشمي
ميج لايت أفضل الكشفات سعره غالي لكنه قوي ويتحمل ويصلح يكون عجرة إذا كان الكبير أبو 6 بطاريات كبار
أخوي النشمي إلي أعرفه أن الميج لايت يفك من الجهتين ويصير شبيه للماسورة وبذي الحالة تقدر تضرب البطاريات الخربانه من أحد الأطراف وإن شاء الله يزبط معك ، وعندي نصيحة للجميع وخصوصا إلي يستعملون الكشافات إلي تشتغل على بطاريات AA الأفضل دائماُ أنه وقت تخزين الكشاف ولمدة طويلة أنك تطلع البطاريات من الكشاف وتخزنهم في مكان جاف ودافي
تحية مع الشكر للجميع
الذين يشاهدون الموضوع الآن: 1 (0 من الأعضاء و 1 زائر)