أمسكت بصقر وأريد تربيته!.

[SlowMo]

السلام عليكم
اليوم امسكت بصقر اثناء محاولته اصطياد طير , بحثت بقوقل عرفت انه صقر من النوع الحوام
حطيته بقفص ووضعت لحم مهروس وأكل منه

. اريد ان اعرف هل يمكنني تربية هذا الصقر بالمنزل مثل طيور الزينة؟

[لازام]

انزل لنا صوره ونفيدك يالغالى اذا تقدر تربيه ولا لا

[عواد الشمري2]

لا مايصير تربيه مثل طيور الزينه وطلعه من الشبك الله يهديك وربط به سبوق برجليه ولا تعلفه لحم مهروس اعلفه طيرو
ورنا صورته خلنا نشوف هو صقر ولا وشو

[جلاد الحباري]

ياليت بعض الناس تفرق بين تربية الحمام والارانب وطيور الزينه عن تربية الصقور لان لها وضع خاص وهي اللي حقيقة تحتاج خبرة كافيه ومداراه لان لها مكان معين وعلفها معروف خصوصا وقت المقيض ولها غرفة خاصة واذا تم مقارنتها مثل الحمام والا طيور الزينه رحنا وطي وانا اعتقد ان كسبة خوينا باشق كل اللي يعرضون في المنتدى نفس الطريقة ياباشق والا حميميج والا حقبي

[GHAAM]

يا خي فكه لوجه الله
وش حطيته في شبك ولحم مهروس
وحط صورته لأني ما اتوقع انه صقر على كلام اخخوي جلاد الحباري

[SlowMo]

السلام عليكم
بعد قرايتي للردود بحثت اكثر واعتقد ان الطير من النوع الباشق كما قال الإخوان وهذي صورته للتأكيد


الصقر موجود بغرفة لحاله وعنده ماء ومكيف واليوم أكل من يدي مرتين
أبغي اعرف لو في رعاية خاصة لهالنوع وهل يمكن تدريبه تدريبات بسيطة يعني أندهله يجي علي يدي وكذا
ومشكوريييين الجميع علي الردود الحلوة.

[الطير وكري0]

وافق هالموضوع فديو كنت اتفرج عليه
حبيت اطرحه للاعضاء وصاحب الموضوع

[الخزز تقليد]

ياخوي هذا باشق ماله فايده

[عشق الرحيل]

بالتوفيق افدوك الاخوان .....

[SlowMo]

السلام عليكم

يا جماعة الخير اللي يقول باشق ماله فايده, انا اصلا مني براعي صقور ولا ادور فايده منه
بس احب اربي الطيور والحيوانات بشكل عام وهذي اول مرة اربي صقر وحبيت اعرف شلون اعتني فيه بس

وتحيااااااتي للجميع.

[جلاد الحباري]

السلام عليكم

يا جماعة الخير اللي يقول باشق ماله فايده, انا اصلا مني براعي صقور ولا ادور فايده منه
بس احب اربي الطيور والحيوانات بشكل عام وهذي اول مرة اربي صقر وحبيت اعرف شلون اعتني فيه بس

وتحيااااااتي للجميع.

للمعلومية هذا ليس من فصيلة الصقور وبالعربي ماينقاله طير يسمى جارح فقط

[SlowMo]

السلام عليكم
خلاص يا جماعة انا اقتنعت انو مو بصقر وان ما منه فائدة
ممكن اعرف شلون اعتني في هذا العصفور اللي ما منه فايدة؟؟؟؟
ودمتم بخير.

[ابرق الحرار]

عادي ونا اخوك فكه مع الحمام ولاعندك اي مشكلة تقبل مروري

[جلاد الحباري]

والله انا اتكلم على محمل الجد ولا ودي تضيع وقتك معه وحنا جادين في كلامنا ولا ودنا الا بالعلم الطيب

[قناص001]

يا اخواان علامكم ولا وااحد جااوب الرجااال



ياخوي يا راعي الموضوع


تقدر تعتني فيه


اول شئ تجيب له حبل تربطه في ارجوله ويسمونه سبق


وتجيب له برقع وهو الي ينحط على راسه


وتكون عندك مساحه في البيت مهو لازم غرفه ومكيف عاادي اهم شئ مكاان ما فيه شمس


المهم وتحط تحته قوطي نيدو وتترسها رمل او جونيه رز 2 كيلو وتترسها رمل



وكل يوم تشله على يدك وتأكله وتقدر تخليه يتعود عليه


وتسويله نفس طريقه تدريب الطيور


بس ترا ما يقنص معك الي الفري السمن هههههه
شفت كيف


وما انك تحب تربي اطيور عسها ها الشرياس يحببك في المقناص وتشتري طير ونعرفك ونستانس معك

في خيمه الصيد بالصقور


وسمحلنا على القصووور الله يطور عمرك