15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي متقدم
سسلام عليكم
اخواني اناا عطيت واحد من العيال سيارتي بترول
وجاني فيها خراب
الخراب هو القير مايعشق الا بالرابع غيره لا يوم سالته
قال اني طحت بالمطينه
وتعلق الجيب واجا واحد وطلع الموتر
بعده بكم ساعه صار الجيب مايعشق الا بالرابع
تكفون
وين المشكله
واناا احس صديقي لاعب بالموتر لعب
بس عاد وش اسوي
ودي اعرف اشغله بسيطه ولا سهله
وكم تكلف
مكشاتي متقدم
الله يهديك فيه ثلاث اشياء لازم تكون فيه حذر لا تعطي سيارتك احد ولا تسلف احد ولا تكفل احد
فيه فرق بين السبت والاحد ومثلك عارف الوضع
الله يعوضك خير
مكشاتي متقدم
والله عاد وش اسوي طلبني \المشاركة الأصلية كتبت بواسطة ابوريان القحطاني
صعبه يطلبك تقول لا
مكشاتي برونزي
اخوي هذي خلها تجربه ودرس لك ..
واذا تبي الحق .. قل لخويك تعال وخذ الموتر وافحصه
ولاتقول صديق غالي لانه لو مقدرك مثل ماقدرته مارضي يرجع لك الموتر واوهو ماتحمل لعبه فيه
ما اعرف المشكله والله يعينك ويجونك الخبراء ويفيدونك
لو هي نمره وحده الي ماتلقم كان قلتلك توضيب لانه بالعاده تخرب نمره وحده موب 3 نمر
والله يالغالى لونه يفهم مايجيب الجيب بحالته هذى
يصلحه
ويلمعه
ويشتريلك جواعد اثنين
ويبخره من جوااا
ويغير زيوته كلهاا
ويفلله بنزين
ويهديك لونه عطر ولايعلمك فيه يدسه بالدرج
ويوقفه على بابك ويشربله فنجال عندك ويتوكل على الله
اما والله يطشه ويمشى ماااهى وجهه
وبالنسبه للمشكله يجيك اصيل حجازى هاللحين ويعطيك العلم
رجال فهمااان وخبير
مااااشاااء الله عليه
وكل عام وانتم بخير
يقلون :
""" ثلاثة أشياء ما تسلف ‘‘‘ السيآرة والبندقة والـ ؟؟؟ """
ههههههههههههههههههة
المُهم وقع الفآس بالرآس .
يا كم حصلت لي من مشآكل زيك
بسبب التسليف والأستحياء من الزُملاء .
أعطيت وأحد مرة سيآرتي جديدة قآل لي بس مشوآر بسيط .
وأعتقد جآزمآ أنهُ قضى مشآوير عآم في يوم في مدينتين متجآورتين .
من السآبعة صبآحآ حتى 3,45 مساء .
ولما أخذتها منهُ بعد الدوآم .
شغلت ومشيت عآدي /// وشوي الا وهي تنتع وبقوة .
اليوم الثآني قــُلت لهُ يابو فــُلان وش سويت بالسيآرة ؟
والله لحرّج علي قـــُدآم العآلم وسفل في كآني عدو لهُ .
قآل أعطآنا السيآرة ويبغآنا نصلحها لهُ .
وأنا سـآكت .
ووالله لو أني شديت معهُ لضربني .
يأخوك رآحت الشيمة من الرجآل الا ما ندر .
رآح الكرم / رآح الحياء / رآحت الشيمة / رآحت النخوة .
رآحت الفزعة والمـُسآعدة الا أذا لـــُه حآجة تحصلــُه زي البسة .
يقول المكآوية :
""" رآح اللي يقرو ‘‘‘ وبقي اللي يخرو """
كرمكــُم الله .
والله العلي العظيم أن
السيآرة جديدة فآكها على يدي وخرّب قيرها .
المـُهم الله يعوضك أخي الكريم .
شـــُف بعض السيآرآت القديمة اللي يتحكم بتبديل النمـّر فيها المـُنظم
الذي يتحكم بتشغيلهُ هواء الشفط { الفآكيوم Vacuum }
يجيه لي من خلف المُغذي { الكربريتر } أو
الثلاجة لي رُبع بوصة مثل حق الغآز بمطبخ بيتك بالسمآكة .
تتبع اللي يمكن فصل أو أنشق أو دخل به طين مع أوسآخ .
أغلب ضني أن اللي أنفصل .
وبعدها رُد لنا أن شاء الله نحصل لك حل أخر :
ردي لمن سأل عن أهم أسبآب تأخير تعشيق نمر القير التمآتك خلل نظآم التحكـُم {المُنظم}؟
الزيوت للمـُحركـآت والقيور :
*************************************
قـطآر القوة بالسيآرة :
حسآسـآت تمنع تشغيل المـُحرك وكيف تغييرها بالأشرطة وموآقعها بالصور /// والرموز !!!!!!!
*******************
{إذا كـُنت لا تقرأ إلا ما يُـعجبك فـقـط .. فإنك إذاً لن تـتـعـلم أبداً}دروس ألأصيل الحجآزي *** لكل جواد كبوهمـا حك جـلـدُك مــثــلُ ظـفـرك ‘ فــتــولّ أنـت زمـآمُ أمرك.
مكشاتي متقدم
لا هو يقول لي بس الرابع تعشق
بس با الرابع غيره لا
مكشاتي ذهبي
اللي أنا أعرفه أن الصديق الحقيقي إذا استعار سيارة صديق له يردها له كما كانت أو أفضل مما كانت قدر الإستطاعه
أتذكر أنني أعرت سيارتي لصديق مقرب لي
أعادها بعد أن قام باستبدال الزيت علماً بأنه لا يزال نظيف , وخزان البنزين فل ومغسل السيارة الله يجزاه خير
موفق للخير
سبحان الله و بحمده عدد خلقه, و رضا نفسه, و زنة عرشه, و مداد كلماتهاللهم صلّ وسلم و زد و بارك على نبينا محمدِ
عدد ما ذكره الذاكرون و غفل عن ذكره الغافلون
مكشاتي نشيط
الله يعينك ..
صدق من قال : صديق مخسر هو عدو مبين ..
مكشاتي متقدم
بعضهم يلخمك وانت جالس تسولف ولا تكلم جوال ما يعطيك فرصه تفكر حتى اخوك يجيب لك مصيبه في سيارتك
انا كان عندي فورد فكتوريا 97 خذاه واحد من الاخوان وجابه لي تحت تريله مفقعه الايرباقات
والمكينه والقير منكسر ذب الموتر عليك وخلاك
الاخو الاصغر منه خذ جيب فيرتارا جديد ما شي 22000 وصله فوق الميه ولا فيه مكان الا فيه صدمه وسمكره !!
افضل حل هو :
اما تعرض عليه انك توصله للمشوار حقه اذا رفض انت ارفض
او تقول له بستاجر لك سياره على حسابي 3 ايام ( اكرام الظيف 3 ايام )اكسنت ولا لانسر
بعض الناس يأدبك يخليك تصير نذل مثله
اعتقد كل فتره لازم تعمل عروض وهرجانات اللي يخسرك ولا فيه خير تسوي له تصفيه
تحياتي
مكشاتي متواصل
بالنسبه لتسليف السيارة
الاخوان (( تفداه السياره ولو مارجعت ))
الصديق العزيز الغالي اللي مثل الاخ واللي ما قد قصر معك (( تفداة السياره ولو مارجعها ))
الزميل (( معصي ))
مكشاتي فضي
صح لسانك
وازيد عليهاولاتستاجرباسمك لاحد موتر او شقه
مكشاتي ذهبي
يقولون الكلام اللي تستحي منه بـده
مكشاتي متواصل
على طاري ذا الموضوع شف وانا اخوك قلال الادب والشيمه كثرو والله المستعان
في مثل قديم اعرفه يقول جنبيتك وعصاك ولحيتك احشمها دام انت راعيه
طيب كيف : الجنبيه لاتعطيها اي شخص مهما كانت الحاجه لانهع في القديم مايستغنى عنها
العصاء: العصا لاتعطيها حد لانك بتحتاجها انت اكثر من غيرك يم تعكز عليها ولا تهوش بها
اللحيه : وهي الاهم لان اذا سلمت لحيتك لاحد راح يقلل من قيمتك وقدركك وليس بمعنى اللحي انك تفك اللحيه وتعطيه المفهوم بهرجك وكلامك مع الناس ومسايؤتك
المهم هذا رجال تعشى عندي ليل من الليالي هو واحد من خوانه واحد من اخوياهم وسمرنا وعينا خير يوم سرو قال قدهم برا وانا معهم قال نبي موترك السفاري بيروح عليه اخوي وبيرده لك الصباح من باب الثقه العمياء عطيته المفتاح وانا عندي موتر ثاني المهم عطيته وراح وقلبي قارصني عليه لايجي بالموتر شي المراد جاء اليوم الثاني الا واخوه يتصل بي ماودك بالموتر قلت الا والله المهم تواعدنا اجيه فيه الدوام وقلبي قارصني المراد جيت للمكان اللي يشتغل فيه ودورة سيارتي بالمواقف واحصلها ضاربن ع الرفرف الايسر كامل بالوشبك وسلم الكبوت
دخلت ع الرجال وكاني ماشفت شي المراد عطاني العلم وقال سيارتك باصلحها ولالك شغل فيها تحالفنا لين قلنا امين طلعت من عنده وقلبي تاكله الحسره والقهر
قلت الورشه اللي بتصلحها عندهم ابي اشوفه قبل مايشتغلون فيها المراد ماطول عليكم جيت العصر والاقيه مداخل السياره ورشه كلها سيارة البلديه فيها بس واسال العامل كم يكلف شغلها قال 300ريال وتخلص بعد العشاء قلت ماشاء الله
واركب ظهر سيارت واطلعها من عنده وخويي يشوف
واوديها الورشه شغلها محترم وتكلفني صبغ 1100سمكره وقطع غ يار 1800 وبعد اسبوع تخلص
واطلع السياره واخذ فواتير التصليح واعطيها لخوي قلت اللي مايقدر خوتي ماقدر خوته عطنا الحساب لو سمحت وحلفت معا اعطيها حد
فلذالك الحذر واجب
مكشاتي متواصل
واحد من الربع عطا موتره واحد الله يستر علينا وعليه المهم راح الرجال للحفر (حفر الباطن) على الشاص حق خويه ويرجعه له مخبط و الله وينزله عنده ولا كنه حصل شي و الله ويزينه الرجال من حر ماله لا وازيدك من الشعر بيت راعي الموتر ولد عمة اللي خذاه يعني شف قلة الادب لاعاد تاثق باحد لو قرييييييييييييييييييييييييييبك
ياماحلا الفنجال مع سيحة البال
في مجلس مافيه نفس ثقيلة
هذا ولد عم وهذا ولد خال
وهذا رفيق مالقينا مثيلة
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
