15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي متواصل
عندي قارب الظاعن 19 قدم عليه ماكينه واحده ياماها 150 hpوالمكينه موزونه عالقارب مثل ماذكرتم في المنتدي من حيث الارتفاع ووزنيه جناح المكينه مع أسفل القارب والمشكله عندي هي ارتفاع صدر القارب بشكل ملحوظ أثناء المشي على جميع السرعات علما أن الرفاس مقاس 17 وش الحل أفيدونا يرحمكم الله لأني احس التحكم في القارب أثناء بداية الممشى على سرعات منخفضه صاير صعب واوقات في بدايه الممشي احس الصدر مرفوع مره والقارب مايتحرك بسرعه كنه يفحط في مكانه
المكينه كبيره علي قاربك احسن الحلول هي وصع قطعه المنيوم بين المكينه ورقعه الطراد الخلفيه الجزء الي يمسك المكيته
يسمونها عندنا بالكويت بليته وهي قطعه المنيوم تزيد نسبه نزول المكينه بزاويه لكي ينزل الطراد صدره وسعرها لايتعدي 200 ريال اتمني تحصلها عندكم
مكشاتي متواصل
شكرا لك أخوي الواهج ماقصرت بس مدري هل حجم الرفاس او البروانه يفرق وياليت صوره للقطعه الي تقول عليها وبيض الله وجهكالمشاركة الأصلية كتبت بواسطة الواهج
مكشاتي متقدم
السلام عليكم وتقبل الله الصيام والقيام
من وجهة نظري مافيه أي تناسب بين حجم القارب والماكينة...أعتقد الحل أنك تركب ماكينة 75 أو تغير ألى بوت على الأقل 24 قدم
ابشر اليوم باذن الله اصورها
مكشاتي متواصل
أخوي الواهج وأخوي براكودا بيض الله وجيهكم ماقصرتو بس حبيت اضيف معلومه وهي إن وزن القارب فاضي 850 كيلوجرام والقارب فيه 2 تانكي كل واحد سعة 200 لتر واحد ماء والثاني بنزين وفيه وانتو بكرامه مروش وحمام كامل يعني وزن الطراد بالماكينه وفل بنزين ومويه وفيه حوالي شخصين تقريبا حوالي 1500كيلو والمصنع مقترح له ماكينه 175 حصانوانا ركبت 150 وحده مو ثنتين عشان مايزيد الوزن فمدري المعلومات هذي تفرق في الحل المقترح ولا أغير الماكينه وأمري لله علما إن فيه ناس يقولون غير الرفاس بمقاس 19 يقل من قوه وسرعه الماكينه ويظبط الممشي
هذه القطعه التي كلمتك عنها قبل لاركبها على طرادي كان ماينزل صدره الا اذا حطيت اغراض بالصدر وقلت للشباب يروحون صدر وبعد التركيب تعدل الطراد ولله الحمد
اي استفسار انا حاضر وهذا حلك الوحيد
مكشاتي متواصل
تسلم ومشكور أخوي الواهج بيض الله وجهك ماقصرت أجل بدورها بالدمام
مكشاتي متقدم
السلام عليكم
اكيد انت مركب مكينه ساقها بنفس مقاس القدح
لأن اذا المكينه ساقها طويل على القدح تسوي نفس المشكله
انا واجهتني مشكله قريبه لمشكلتك وغيرت رفاسات بمقاسات مختلفه ولا جابت نتيجه
ونزلت المكينه 3سم عن الوضع الطبيعي وخفت المشكله بنسبة 70%
هذا اللي صار معايا يمكن تستفيد منه
وعسى ربي يسلطك على المشكله وتحلها
مكشاتي متواصل
أخوي الوافي بيض الله وجهك للإهتمام فعلا المكينه ساق طويل بس لما ركبتها وزنتها يعني الجناح حق الجير في نفس مستوى القدح من تحت لاهي عاليه ولا نازله أنا بجرب البليته وان ماظبطت بنزل المكينه شوي لتحت وإن ماظبطت بركب جناح زياده بس المشكله الحين البليته ماحصلتها في الدمام مدري من يبيعها في الشرقيه ياليت لو أحديعرف من الإخوان يفيدنا
مكشاتي متواصل
أخوي الواهج ممكن تقولي وين احصل القطعه هذي البليته في الكويت وبرسل واحد من إخوياي يجيبها ماحصلتها في الشرقيه
انا شريتها من شركة سلطان السالم وكيل ياماها
00965 24815517
مكشاتي متقدم
عساك على القوه
اذا المكينه ساقها طويل اصلاً على القدح فمن الممكن تكون مشكلة وزنيه
الـ3سم شي بسيط جداً ...لكن فرقت معاي كثير
لو انا منك وبما ان قطعه الألمنيوم غير متوفره انزل المكينه تكه
وممكن تسويها بدون اي تكلفه او قطع او اخرام جديده بالقدح
فك مسامير المكينه ونزلها على فتحة المسمار اللي تحتها مباشره...كل مكينه مثلك عارف فيها اربع فتحات للتثبيت انت استفيد منها وجرب...والله ييسر امرك
تعليقا علي رد الاخ الوافي راح ابين لك مايقصده عقب صلاه القيام باذن الله
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس