تكفون اللي مرت عليه نفس حالتي يفيدني بالبرادو

[أبن المدينة]

السلام عليكم ورحمة الله وبركاتة
يارجال انا معي برادو 2013 ستة سلندر
فيه مشكله أنه لو غرز برمله الكفرات ماتدور حتى لو أني داعس عالبنزين آخر شي رغم ان الدبل شغال
وايضاً عند بداية قومة السيارة عالإسفلت اذا بمشي بسرعة صوت الماكينة يخن كنه مكتوم وبعدين يمشي طبيعي ويكون العزم تمام
الموتر انا فاكة وكالة ودخولي للبر نادراً
ارجو الإفادة من اشخاص مرت عليهم هذه الحالة

[ابوراكان تبوك]

هل فيه نظام تراشن؟؟؟

[alwali]

البرادو دفع رباعي
ادخل البر بدون تشغيل الدبل بس اهم شي هواء التواير على ٢٥
سألت واحد من الشباب عنده برادو يقول ماعمري شغلت الدبل

[أبن المدينة]

يا اخوان انا كلامي واضح الترانش وهوا الكفرات ماله علاقه بمشكلتي
مشكلتي ان الكفرات الأربع ماتدور اذا غرز يعني قوة الجيب ماتدور الكفرات
الكفرات ثابته ماتلف

[alwali]

يا اخوان انا كلامي واضح الترانش وهوا الكفرات ماله علاقه بمشكلتي
مشكلتي ان الكفرات الأربع ماتدور اذا غرز يعني قوة الجيب ماتدور الكفرات
الكفرات ثابته ماتلف

اجل طريقة تعشيقك للدبل خطاء لازم تفصل التركشن حتى تدور التواير
اذهب الى اقرب وكيل وهو يعلمك كيف تشغل الدبل

[يالبى الهلا]

افحص عند الوكيل لان المشكلة ضعف في القير

[ابوراكان تبوك]

يا اخوان انا كلامي واضح الترانش وهوا الكفرات ماله علاقه بمشكلتي
مشكلتي ان الكفرات الأربع ماتدور اذا غرز يعني قوة الجيب ماتدور الكفرات
الكفرات ثابته ماتلف

التراكشن لو فهمت طريقة عمله لفهمت اللي انا اقصده

التراكشن هو اللي مايخلي الكفر يدور بوش يعني بالمختصر يحجررررر للموتر


وممكن ضعف بالقير مثل ما افادك لبى الهلا

دوس فرامل ع الاخير وانت معشق بـ 1 او d وادعس بنزين خفيف شوف قوة القير ترفع الموتر او لا
هذا فحص مستعجل للقير
اذا ماتحرك الموتر او اهتز الير ضعيف
اذا القير انت ملاحظ انه قوي افصل التراكشن وجرب موترك في الرمل بدونه

[أبن المدينة]

بإذن الله وجزاك الله خير
انا راح اجرب واعطيك مايحصل معي

[تمضي الايام]

كان معي برادو 2012 وكاله اول مايشم ريحه الرمل يوقف تماما سالت قالو الاي بي اس

لازم يفصل خلال اسبوع بعته

ثقل السياره على ماعتقد الكلتش يحتاج توضيب


بالتوفيق

[alwali]

كان معي برادو 2012 وكاله اول مايشم ريحه الرمل يوقف تماما سالت قالو الاي بي اس

لازم يفصل خلال اسبوع بعته

ثقل السياره على ماعتقد الكلتش يحتاج توضيب


بالتوفيق

الabs ماله شغل هذا حق البريك
انت قصدك التركشن
انا عندي برادو 2012 ادخل فيه البر وما عمري شغلت الدبل
لانه دفع رباعي ومعروف اقوى سيارات الدفع الرباعي البرادو
اذا تعلقت السيارة تشغل الدبل

[ابوراكان تبوك]

تمضي الايام الـ abs ماله علاقه لامن بعيد ولا قريب
عمله عكس التراكشن تماما
يشتغل اثنا۽ ضغط الفرامل فقط
وانا اعتقد انك في ردك تخمن او ماجيت ورشه بس تسمع عن الـ abs وانت لاتعرف وظيفته
ترا اي رد بدون علم انت تتحمله في سبب خساره اخيك فـ رجاء لاتشتت الموضوع

[تمضي الايام]

تمضي الايام الـ abs ماله علاقه لامن بعيد ولا قريب
عمله عكس التراكشن تماما
يشتغل اثنا۽ ضغط الفرامل فقط
وانا اعتقد انك في ردك تخمن او ماجيت ورشه بس تسمع عن الـ abs وانت لاتعرف وظيفته
ترا اي رد بدون علم انت تتحمله في سبب خساره اخيك فـ رجاء لاتشتت الموضوع

حياك ابو راكان
اولا ماكدت ان ال اي بي اس هو السبب انا ذكرت انه قيل لي هذا هو السبب وبعدها بعت السياره كلها قبل اكون زبون للصناعيه

ثانيا لا تحاول تجعل الناس اغبياء وانت الذكي الوحيد بينهم فالتذاكي ادنى درجات الغباء

ثالثا كل ماورد في ردي السابق لم اؤكده بتاتا وذكرت انه قيل لي وان كنت لم تفهم ماكتبته فهذه مشكلتك وحدك ...

اتمنى منك ان لاتسعجل الرد قبل ان تفهم ماتقرأ

اخيرا اقول لك السياره اللي استخدمتها 4 سرندل ولا فيها نظام التراكشن دبل فقط ومشكلتها مثل مشكله سياره الاخ صاحب الموضوع تماما

[أبن المدينة]

يا اخواني انا فصلت الترانش ونفس المشكله
اللي انا لاحظته إن المشكلة ماهو من القير لم ادوس عالبنزين ماتاخذ عزمها على طول الا بعد لحظات كأن الموتر مخنوق وبعدين يفك ويمشي طبيعي
اما اذا كان واقف بغراز يبقى صوت الماكينه ع طول مخنوك وعزم الموتر مايلف الكفرات كأني ماسك بريك
وهو سته سلندر

[صلفيق]

اخوي البرادو المعك نوعه ايش vx .tx
ال vx اضن فيه التراكشن زي vxr والكزس شف فيه زر حق مانع الانزلاق الي مرسوم عليه سياره تفحط قبل تدخل البر وقف وعلي عليه 5 ثواني لين تولع البه بالطبلون علي رسمه سياره تفحط واتكل علي الله طبعن هالنظام يفصل مع الدبل الثقيل من حاله ادا مشكلته مستمره مع الدبل الثقليل شيك علي القير

[أبن المدينة]

ايه نعم اخي فصلت بنفس هذي الطريقة علقت خمس ثواني عالزر الين ولعت اللمبتين البرتقالية
لكن هذا ماله علاقه بمشكلتي
اقولك الموتر عزمه مايقوم ع طول بالبداية المكينة تضعف وصوتها يخن وبعدين تنطلق عادي واذا غرز الموتر خلاص يجلس محله تخن الماكينه والكفرات ماتدووور
في احد فهم قصدي ولا شرحي ماهو واضح ؟