افضل شوزل على الاطلاق Beretta A400 Xtreme

[الاكستريما 2]

السلاح هو Beretta A400 Xtreme
من شركة العراقة Beretta

هذي هي البندق ومواصفاتها


هذا اللى هي الكيك اوف مطورة

وهذا هو النيشان باللون الاحمر


وهذا مكان خروج الواء الحار من نظام الغاز

وهذا هو شكل الترباس

وهذا هو شكل عقب البندق

وهذي صورة للشوك داخلي

وهذا مكان فك السلاح طريقته سنة وحده فقط

وهذي اجزاء السلاح بشكل كامل

وهذا فديو يوضح كل شي ومقارنة

[راعي الطافحة]

اشهد با لله انها بندق ما فيها كلام هذي يا الحبيب اسمها شيخت الشوازل

[الاكستريما 2]

اي بالله انا اشهد انك شيخ النشاما وحياك ومشكور على مرورك العطر والجميل

[ابو تركي 500]

ماشاء الله كم سعر هالشيخه وهل هي موجوده للبيع

تم الإرسال من جهازي GT-I9100 بواسطة تاباتوك 2

[بحيران]

معي اكستريما 2 ومع اخوي اكستريم مموهه مثل الي انت عارض صراحه ماعجبتنا اكستريم 400 لان الاكستريما 2 في تشك 1 وتشك 2 اطيب منها بكثير

[شاهين12]

مشكور اخوي على المقطع والصور ،برتا غنيه عن التعريف.
،الله يعطيك خيرها ويكفيك شرها .
استفسار لاهنت هل تم تقييمها عالميا افضل شوزن لـ 2012؟.
كم تقليل الندف وارتكاز الماصوره اثناء الرمي ،مقارنه مع البنادق الاخرى ،علميا ؟
كم ترمي فشقه متواصله بما انها تعمل على نظام الغاز ؟.
هل يعتبر افضل نظام غازي في الشوازن عالميا؟
كم قطر السبطانه وهل تشوكاتها تركب على الاكستريما2؟
كم سرعة التبديل في الرمي ؟
هل تعتبر اسرع من الماكسيوس البراوننق وsx3.

اتمنى اجابه صريحه ....................

[شمالي و الهوا غربي]

مثله مثل البيكال والبنلي ام تفله تذب الحلبي عنك وجهك
قيمة الترايم تكلفك نص قيمتها
احسن بندق بعد الترهيم او قبله
بلا اطلق بندق بلا كلام فاضي قبل ماتشتريها دور على ماصوره او ترهم تشوك

البنادق اللي عليهن الكلام انتهن من السوق ’ ولا بقى الا الخردات.
ناس اذكياء بإثر رجعي الصيد يقل والسلاح يغلا؟!

[هُمْهُوم]

هذي تصلح لرجال المتين والنحيف ماتصلح له
لمتها ماهي ذيك اللمه وزنها ثقيل بشوي واخف من الموديل اللي قبلها ونظامها غازي نفس اللي قبلها وترمي صندوق فشق ثم لابد ان تنظف الغاز والمكينه .
والبندق طيبه و جيده .

واحسن واغلى الشوازل ام حبه وام روحين حقات الشيوخ اللي عليهم العلم.

ولا تفتي من راسك الله يصلحك .

تقبل كلامي بصدر رحب .

[shabah]

السلام عليكم ورحمة الله

اخوي من قال انها افضل شوزن على الاطلاق هذي وجهة نظرك فيه الي احسن منها الله يحفظك

[Auto-5]

الا أفضل شوزن على الإطلاق و اللي ما يطول العنب حامض عنه يقول ,
لكن بلانا والله على قولت شمالي والهوا غربي -هالعصبي ذا - : ناس أذكياء بأثر رجعي الصيد يقل والسلاح يغلا....
واحد باع سيارته وشرى شوزل قالو وش تقنص عليه قال مايلزم مقناص هالحين اهم شيء الحق على الشوزن هاللي ما تحصله وانت تعرف الناس وكل 6 شهور تطلع 5000 ريال والسيارة ملحوق عليها متوفرة وسعرة معقول !!!
عش رجبآ ترى صفرآ ! بعذري لو أنحست بصير متعقد ومتشائم مثل شمالي والهوا غربي !

[شمالي و الهوا غربي]

هههههههه
اوتو 5

واحد باع سيارته وشرى شوزل
وواحد ثاني باع سيارته وشرى اطلق شوزل على ساس يصيد بها ضبان’
لان الضب مايحتاج سيارة ينام عند الجحر حتى يطلع.خخخخخخ
شي غريب يحصل بهالزمن العجيب
بس انت يحق لك ان تتشمت اكيد معك اتو فايف’ وبدون اضافات
ولا خسرت ترهيم مثلنا ’ اقول تبيع ماصورتها ابركبها على اطلق بندق؟؟

[صقر20]

قواك الله صور رائعه لواحده من أعرق الشركات بريتا

فوتناها أخذت البنلي أحسبها أزين ومع مرور السنين أثبتت البريتا أكستريما أنها الأفضل وبدون منازع

الحين أسعارها فووووق نار مشبوبه ياكافي

لا أحد يجي يسألني عن سعرها ...!!!

[ابوخالد رحال]

قواك الله صور رائعه لواحده من أعرق الشركات بريتا

فوتناها أخذت البنلي أحسبها أزين ومع مرور السنين أثبتت البريتا أكستريما أنها الأفضل وبدون منازع

الحين أسعارها فووووق نار مشبوبه ياكافي

لا أحد يجي يسألني عن سعرها ...!!!

هلا اخوي صقر طبعا الاكسترم ممتازه وانا جربتها لكن كلامك عن البنيلي فيه ظلم لها ....
اول شي البنيلي انواع كثيره ودرجات واقلها يعتبر جيدجدا كما للبرتا فيها انواع فالمقارنه تختلف من ناحيه السوق وخف الوزن والتحمل والبرتا بنظام غازي بخلاف البنيلي فكل الشركتين من افضل الشووازن لكن يبقى رغبه وذوق المستخدم فيجب التحديد بالافضليه مثل السوق او خف الوزن الوذافه او قوة التحمل ووو ....
طبعا كمابينت سابقا طيب الشوزن لايدل على طيب صاحبها والعكس صحيح لأني اشوف هالمواضيع فيها تعصب بزياده ممكن توصل لكره احد الاعضاء او محبه اخر بسبب مدحه لسلاحه او ذمه لسلاح غيره

[شمالي و الهوا غربي]

ابو خالد
ياخي كيف تغالط المشرف وتقول البنلي احسن من البرتا هههههه’
وبعدين اذا تبي الجد كلهن مايسون هالاقيام التي تاصل الى درجة الغباء.
الى متى ونحن نضحك على بعض ونجامل على حاساب المصلحة العامة.
واحيان النصح يصير بمرتبة الدلاخة؟

واذا لم تكن معي فانت ضدي ’مثل عربي

[ابو نجود]

الصراحة بندق ما عليها كلام..وانا من اشد المعجبين فيها..مع احترامي الشديد لباقي البنادق..لكن للاسف ان اسعارها اصبحت خيالية جدا ..والحمد لله البيكال تؤدي المطلوب بالنسبة للسعرها..مع قلة الصيد وصعوبته..