مشكلة بالانوار الاماميه يوكن 2011

[خالد الحفر]

السلام عليكم ورحمة الله وبركاته


طال عمركم انا موتري يوكن 2011
وانا طلعت روحي مع هالشغله والله فحصت كمبيوتر 3 مرات بالوكاله وبرا
مع العلم غيرت البطاريه لسيدلكو نفس الحجم بس الشكوى لالله بعد ماغيرتها طلعت لي علة الانوار

لما اشغل الموتر ويصخن وامشي تبدا الانوار الاماميه ترمش برمشات يعني ماهي متواصله ورحت للوكاله وقالو عاديه مره وحاولت واليوم بعد المغرب صارت ازود لما امشي ترمش شوي وتروح ولما امسك وارجع ادوس بنزين ترجع ترمش وتروح ويالله على هالحاله قسم بالله نفست من هالشغله افكر ابيع الموتر بسبب هالشغله والموتر توه جديد ماشي 54 الف بس

الحقوني بالحل يالاخوان وارجو من الاخوان الاعضاء اللي صارت معاهم هالمشكله او ماره عليهم يفيدوني فيها وجزاكم الله الف خير مقدما

رساله للاداره حفظهم الله
الموضوع هو اول مشاركه لي مادري اذا بمكانه الصحيح او لا

[خالد الحفر]

جاري الانتظار

[خالد الحفر]

للرفع الله يعين يارب يجون الشعب ويحلون المشكله اذا يعرفونها

[خالد الحفر]

الله يعين بس جاري الانتظار

[خالد الحفر]

للرفع ولهلحين ماجانا رد الله يعين بس

[WWS]

آلبلآء في آلدينمؤ ؤ الله آعلم
صـآرت على معي بطريق سريع يرمش لين ؤصلت آلريـآض ؤ طفى علي مقـآبل نـآدي آلشبـآب

آلؤكـآله عـآرفين بس مؤ قـآيلين لك آنه آلدينمؤ
لآنه على آلضمـآن ؤ على حسـآبهم

آؤل شيء آختبر آلدينمؤ
آفصل آصبع من آلبطـآريه ؤ شؤف ؤ بعدهـآ آحكم
ؤ الله يسهل آمرك

[خالد الحفر]

آؤل شيء آختبر آلدينمؤ
آفصل آصبع من آلبطـآريه ؤ شؤف ؤ بعدهـآ آحكم
ؤ الله يسهل آمرك

كيف الطريقه اخوي واكون شاكر لك

[WWS]

كيف الطريقه اخوي واكون شاكر لك

آفتح آلكبؤت
ؤ هـآت لك مفك 10 مدري 11 ؤ فك حدـآ آصـآبع آلبطـآريه ؤ آلمؤتر شغـآل
طفى آلمؤتر آلبلآء من آلدينمؤ

مـآعرفته
رؤح لكهربـآئي خله يقيس لك معدل شحن آلدينمؤ ؤ يبين لك كل شيء
ؤ يسؤي آللي قلت لك عليآ فؤق
طلع آلبلآء منه رؤح للؤكـآله ؤ آنشب لهم نشب آلشؤكه بـآلصؤف
ؤ خلهم يسؤنهـآ قدــآمك ؤلآ تخليهم عندهم ؤ تمشي
بعدهـآ يغيرؤنه لك على آلضمـآن ؤ خذ آلسند منهم مؤضح فيه آللي رـآح ييصر على آلمؤتر ؤشؤ (( تغيير آلدينمؤ )) آؤ عطل بـآلدينمؤ
ؤ آلؤكـآله حقت آلجمس ؤ آلشفر يجؤن معك لمـآ ترفع صؤتك عليهم آذـآ رفضت ؤ هددتهم بـآلشكؤى

[خالد الحفر]

اخوي WWS تسلم وماقصرت انا اليوم سويت شغله بالموتر بتاكد مع الظلام وبعدها اطبق طريقتك ان شاء الله وماقصرت اخوي تسلم

[خالد الحفر]

فصلت اصبع البطاريه وهي شغاله ماطفت والمشكله باقي موجوده الدينمو 100% شيكت برا الوكاله فحصت كمبيوتر 3 مرات مره برا ومرتين بالوكاله وغيرت الشمعات الوحده ب 80 من الوكاله والمشكله باقي ؟؟ افزعو لي تكفا

[خالد الحفر]

جاري الانتظار والله طلعت الروح كل يوم اروح للوكاله وكل يوم الصناعيه بسبب هالشغله ولهلحين ماحصلنا حل ساعدونا يااخوان

[يكفيني نظرة]

ابووو خلود لايضيق صدرك...
ان كنت انت او الوكاله مركبين لك شاشه والا اضافات على الموتر بشي له دخل بالكهرب ابصم لك ان فيه سلك ماغطوه زين ويسوي التماس ارجع وشيك على اي شغله مسويها بالكهرب وادع لي..

[خالد القصيمي]

نصحيه لك خالد

لا تروحين الصناعيه

خل عند الوكاله انشب لهم وارفع صوتك افضحهم وروح لمدير الفرع

[نزف الابداع]

يا أخوان الله العالم سبب ترميش النور هو المراوح حقت تبريد اللديتر
لأنها أول ما تشتغل تحتاج قوة كهرب عاليه فتسحب الكهرب عن السياره


بالتوفيق

[خالد الحفر]

خالد القصيمي تسلم

والموتر دخلته الوكاله من امس الصباح اليوم الظهر يطلعونه لي ومادري وش حصلو به لان قالو خله ونصلحه ان شاء الله

نزف الابداع تسلم اخوي ولكن ماهو قصة المراوح لان هالحاله توها طلعت ولكن الترميش تطور وصار ع طول يرمش الموتر كامل داخل وبرا والدينمو مابه بلا تمام