15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي متواصل
essa2088 اخوي والله مادري وش اقولك خفت من تايوتا وطلعت للجموس وهلحين طلعت لي هالحاله وادور لي شركه اروح لهم بس مابحصل زي راحة الامريكي
خبر من احد الصحف جبته لكم بعد ماجاني ع الجوال ويقول
(أمن الطرق ينجح في إيقاف "جمس" تعطل مثبت سرعتها في الليث)
مكشاتي
اخوي خالد حياك الله الله يعينك كان عندي مشكلة في اليوكن هي عند الضغط على البريك ( الفرامل ) تشتغل لمبات الرويس وعند تشغيل الاشارة الفليشر الايسر تضيئ الاربعة ومثلك كشفت كمبيوتر وكل واحد يقول التماس ووديت السيارة عند العالمية وطلعت المشكلة من البودي كنترول جهاز كمبيوتر يجي تحت الدركسون بعد تشييكات وفك ارضيات السيارة للتشييك على الالتماس وجلست السيارة عندهم اسبوع واخذو 1500 شغل يد مع التركيب والبرمجة والقطعة قيمتها 750 لكن انشاءالله مايطلع عندك نفس المشكلة الله يعينك ويساعدك قلة الخبرة للاسف خلت ناس كثير تتخلى عن سياراته والكثير ايضاً خسرو اموال على اصلاح سياراتهم ماعندهم غير غير وبدل والله يعين الجميع
مكشاتي متواصل
والله ياخوك مادري وش اقول ووش اخلي قسم بالله وصلت المساله لاني اغير السياره عشان هالشي لا والبلشه ان مافيه ايدي عامله فنانه وتامن على سيارتك لمن حطيتها عندهم - الله يعين بس وانا انتظر الحل والله لهلحين ماخليت شي الا وغيرته لا دينمو ولا بطاريه ولا غيرها كلها غيرتهاالمشاركة الأصلية كتبت بواسطة اشرف2005
مكشاتي متواصل
والله الحاله باقي موجوده ولا حصلنا الحل لحد الان وننتظر حلولكم
مكشاتي
جرب هذي يمكن تنفع معك.
لانها صارت معي. النور الامامي ينطفي وغيرت شمعة وتكرر العلم السيارة موديل 2010
فك كلبس الشمعة من جوا عرفته يعني الكلبس الي بنهاية السلك الموصل باللمبه اعتقد انه فوق الكفر الامامي تحت البلاستيك الديكور بتلقى كلبس جواته قطعتين نحاس اللي توصل الكهرب للشمعة اكبس بزرادية النحاس الي قلت لك عشان يصير يلمس بقاعدة الشمعة زين احيانا يكون فيه فضاوه بينهم وماده زرقا كيماوية تمنع التوصيل الجيد
جرب منت خسران
مكشاتي متواصل
تقدر تصور لي مكانها فوق الكفر بالضبط عشان ماخبص بالموتر ياريت صوره ولا عليك امر
مكشاتي
هاه أخوي بشرني وش صار
مكشاتي متواصل
والله ياخوك الحاله باقي موجوده وتعودت عليها خلاص بس اذا لقيت حل مع شرح بصورة بسيطه راح اطبقه واسويه ع طول
مكشاتي متقدم
بشر وش صار وياك
مكشاتي متقدم
الجموس كلهن كذا
النور يرمش
حتى انوار الطبلون ترمش احيانا ( تضغف وترجع ) لو تلاحظ شغل الموتر بعدين شغل المكيف تلاحظ انه يرمش
عادي
مكشاتي
مرحبا اخوي
سؤال
الانوار عندك ترمش والموتر يمشي او واقف
مكشاتي متواصل
يفيدونك الشباب
مكشاتي متواصل
السياره اول ماتشغلها انوارها طبيعيه مره ولكن لما تعشق وتمشي تجلس ترمش وكذا مره اروح واسوي واجد اشياء يختفي يوم ويرجع لحالته ولهلحين الترميش فيه وملاحظ بنور السياره ولكن تعودت عليها خلاص صار شي عادي
مكشاتي متقدم
سؤال البطارية اللي عندك كم أمبير ؟؟؟؟ لأن الجموس والصوالين يحتاج لها من 80 أمبير وفوق
صارت الرمشة عندي بونيت 2006 + ان المسجل يفصل اذا كبست العالي و أحياننا اذا لفيت آخر شي يطفي المكيف
ويشتغل >>> مع كل هالمشاكل كانت دقة السلف طبيعيه جدا ومن أول دقة يشتغل
لين نصحني واحدن من الأخوان بتغيير البطارية الى أمبير أكبر , و لله الحمد أختفت المشاكل وضبط الموتر
خلاصة الكلام "بطارية أمبيرها من 80 وفوق + إنحش عن إيسدلكو"
مكشاتي
السلام عليكم ورحمة الله وبركاته ..
اتمنى ان تحل مشكلتك انشالله ..
طبعا بما أنك رحت للوكاله وقالو لك الدينمو والبطارية ما فيها مشاكل... اذا انا اشك في حاجة وحدة وعادة تسبب هالمشكلة وهي سلك السالب (الارضي) والموصل من البطاريه الى جسم المحرك.
طريقة الحل ..
اولا: قم بتنظيم راس السلك من اصبع البطاريه ويمكنك استخدام بيكربونات الصوديوم بخلطها مع الماء ويمكن شرائها من السوبر ماركت او اي محل فهي تذيب اي صدا قد يتكون على رأس السلك .
ثانيا: قم بفك الطرف الاخر لهذا السلك الموصول بجسم المحرك وقم بتنظيفه بنفس الطريقه وقم بإعادته مره ثانية مع شده.
في العادة يكون هناك اما اتربه او صداء تمنع التوصيل الكهربائي بشكل جيد .. وقد تكون المشكلة عادة في الطرف الثاني للسلك الموصول بالمحرك.
تحياتي ,, اتمنى اخباري بالنتيجة,
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس