مشكلة بالانوار الاماميه يوكن 2011

[خالد الحفر]

السلام عليكم ورحمة الله وبركاته ..

اتمنى ان تحل مشكلتك انشالله ..

طبعا بما أنك رحت للوكاله وقالو لك الدينمو والبطارية ما فيها مشاكل... اذا انا اشك في حاجة وحدة وعادة تسبب هالمشكلة وهي سلك السالب (الارضي) والموصل من البطاريه الى جسم المحرك.

طريقة الحل ..

اولا: قم بتنظيم راس السلك من اصبع البطاريه ويمكنك استخدام بيكربونات الصوديوم بخلطها مع الماء ويمكن شرائها من السوبر ماركت او اي محل فهي تذيب اي صدا قد يتكون على رأس السلك .
ثانيا: قم بفك الطرف الاخر لهذا السلك الموصول بجسم المحرك وقم بتنظيفه بنفس الطريقه وقم بإعادته مره ثانية مع شده.

في العادة يكون هناك اما اتربه او صداء تمنع التوصيل الكهربائي بشكل جيد .. وقد تكون المشكلة عادة في الطرف الثاني للسلك الموصول بالمحرك.

تحياتي ,, اتمنى اخباري بالنتيجة,

جميع الاخوان حياكم الله

المشكله زادت وهالطريقة الليله باجربها ان شاء الله وعلى الله يضبط

[سوووج]

الأخ خالد .. نقلت استفسارك للرابطة .. إن شاء الله يتجاوب الأخ قمة افرست أو أي أحد عنده خبرة

لأن المشكلة مزعجتني من 5 شهور وغيرت بطارية ودينمو ولا انحلت المشكلة

وفيه كهربائي قال لي غير السلك الموصل من البطارية وموجود عليه الكتاوت وبتنحل مشكلتك .. لكن كنت على وشك سفر فأجلت الموضوع ..

[خالد الحفر]

الأخ خالد .. نقلت استفسارك للرابطة .. إن شاء الله يتجاوب الأخ قمة افرست أو أي أحد عنده خبرة

لأن المشكلة مزعجتني من 5 شهور وغيرت بطارية ودينمو ولا انحلت المشكلة

وفيه كهربائي قال لي غير السلك الموصل من البطارية وموجود عليه الكتاوت وبتنحل مشكلتك .. لكن كنت على وشك سفر فأجلت الموضوع ..

حياك الله اخوي واشكرك على نقله وان شاء الله يجينا رد والله ماخليت طريقة الا سويتها والبلشه انها زادت الترميشه اكثر ترميش داخلي وخارجي لما اشغل الموتر وابي امشي اعشقه وامشي يجلس يرمش خمس ثواني عشر ثواني ثم يرجع طبيعي النور عادي لا ترميش ولا شي

[بيك اب 4X4]

إذا كان جميع انوار السيارة ترمش
احتمال يكون عندك السالب فيه ارتخاء او تأكسد في مكان معين
يبغالك كهربائي يشيك جميع نقاط السالب بالموتر
و إذا تدبل الوايرات الرئيسية السالبة بعد يكون احسن

[خالد الحفر]

إذا كان جميع انوار السيارة ترمش
احتمال يكون عندك السالب فيه ارتخاء او تأكسد في مكان معين
يبغالك كهربائي يشيك جميع نقاط السالب بالموتر
و إذا تدبل الوايرات الرئيسية السالبة بعد يكون احسن

ايه حالياً صارت انوار السيارة كلها ترمش بس زي ماذكرت يعني خمس ثواني الى عشر ثواني او حولها يعني

كان من اول الترميش الانوار الاماميه فقط

حالياً كامله الانوار

السالب شديت عليه وواجد اشياء سويتها ولمن تنفع فيه ابد
غيرت له دينمو بطارية غير اللي ركبتها الاولى وواجد شغلات غيرتها ولمن اجد الحل المناسب

[بيك اب 4X4]

مشكلتك لازم واحد رايق يقعد يتتبع احد الأنوار اللي ترمش و يحدد المشكله من وين
يمكن يكون في التماس في الظفيرة
يمكن في احد الأسلاك الرئيسية المغذية مثل اللي طالع من البطارية او اللي رايح لعلبة الفيوزات
او الكمبيوتر او الدينمو يكون غير مشدود او متأكسد او التماس او ممصوع و نفس الكلام على السالب

لازم يشيك حبه حبه و يقعد يتتبع و يشوف الصاحي و يستثنيه و ينقل على اللي بعده
الشغله طويله

الله يعينك

[بيك اب 4X4]

احيان يخدعك شكل السلك بأنه واصل اوكي خصوصاً السالب
و هو تحصله ممصوع من داخل او مربوط على بوية البدي و لا يوصل زين
عشان كذا قلتلك حاول تدبل الأسلاك الرئيسية للسالب

[خالد الحفر]

مشكلتك لازم واحد رايق يقعد يتتبع احد الأنوار اللي ترمش و يحدد المشكله من وين
يمكن يكون في التماس في الظفيرة
يمكن في احد الأسلاك الرئيسية المغذية مثل اللي طالع من البطارية او اللي رايح لعلبة الفيوزات
او الكمبيوتر او الدينمو يكون غير مشدود او متأكسد او التماس او ممصوع و نفس الكلام على السالب

لازم يشيك حبه حبه و يقعد يتتبع و يشوف الصاحي و يستثنيه و ينقل على اللي بعده
الشغله طويله

الله يعينك

بالنسبه لتتبع الانوار كلها ترمش الاماميه والداخليه خليت شخصين اما السياره واحد يطالع يمين وواحد يسار عكس وطلع الترميش من النور يمين ويسار كلهن

وبالنسبه للدينمو جديد الكمبيوتر شيكت وفحصته كامل بالوكاله وخارج الوكاله ولا بين لي شي وديته لورشه قالو نحل لك المشكله واحتمال ينجح الحل او لا
وهو تترك السيارة من ثمان الصباح توقفها عندنا وتمشي وتجي بالليل تاخذها ومتخوف من هالشي وشرطهم اني مااجلس عندهم

احيان يخدعك شكل السلك بأنه واصل اوكي خصوصاً السالب
و هو تحصله ممصوع من داخل او مربوط على بوية البدي و لا يوصل زين
عشان كذا قلتلك حاول تدبل الأسلاك الرئيسية للسالب

شكلي بااشوف سكل السالب واتااكد منه زيادة وبكرا اوديه الورشه واخليهم يشيكون علي السالب

[بن كلثم]

يالغالي بخصوص إنك إلى اﻻن تعاني من المشكله مابقى الى 1 تشغل اﻻنوار على نظام اوتو اذا مشاء الحال معك ف المشكلة من عصا امر اﻻشارات يمين يسار وا عالي واكي 2 جرب تلجأ إلى طريقة دائرة كهرباء السيارات القديمة جمس وكابرس

[خالد الحفر]

يالغالي بخصوص إنك إلى اﻻن تعاني من المشكله مابقى الى 1 تشغل اﻻنوار على نظام اوتو اذا مشاء الحال معك ف المشكلة من عصا امر اﻻشارات يمين يسار وا عالي واكي 2 جرب تلجأ إلى طريقة دائرة كهرباء السيارات القديمة جمس وكابرس

هلا اخوي بن كلثم حياك الله
الامر الاول : فهمته وراح اجربه بس تبرد السياره بجربها

الامر الثاني : مافهمته وهو الجأ الى طريقة دائرة كهرباء السيارات القديمه ؟؟

~~~~~~~~~~~~~

اليوم رحت لورشه وهو سوري توه فاتح المحل
علمته بالمشكله قال باضحك عليك لو اقولك فيها مشكله بس بافحص لك الدينمو والبطاريه
فحص الدينمو والبطارية والموتر شغال والانوار والعه والمكيف شغال
وفحصه وهو طافي وفحصه وهو شغال بدون مكيف وبدون انوار طلع ضغط الشحن اقل من 13 على قولته ويقول لا تنظف سلك السالب اللي موصل للمكينه وراح يسبب لك مشاكل مستقبليه تفصل الكهرب تلقائي وتشبك تلقائي
واذا بغيت تنظف نظف البروثل مادري وش اسمه حق الدعسه البنزين مع برمجة انترنت وليسى برمجة العاديه وراح يضبط بنسبة 70 الى 85 بالمئة

اشكر الجميع على تفاعلهم ولي عوده بعد تجربة الطريقة حقت اخوي بن كلثم

[سوووج]

السلام عليكم

تفاجأت قبل أمس أن السيارة ما تشتغل إلا بإشتراك .. المهم وديتها للصناعية القديمة بالرياض ومريت على 4 ورش الجميع قالوا الدينمو تمام قلت عندي خبر لانه من شهر مغيره

في الأخير نصحني أحد الكهربائيين بالذهاب لورشه يمدح شغلهم بالكهرباء .. رحت لهم الصباح .. بعد ساعه اتصل علي قال أول شي البطارية انتهت ولازم تغييرها .. المشكلة الثانية من منظم الكهرباء الموجود تحت الدركسون جهة دعاسة الجلنط ..

الآن السيارة لها يومين ولا لاحظت شي .. وإن شاء الله تكون الأمور تصلحت

[خالد الحفر]

السلام عليكم

تفاجأت قبل أمس أن السيارة ما تشتغل إلا بإشتراك .. المهم وديتها للصناعية القديمة بالرياض ومريت على 4 ورش الجميع قالوا الدينمو تمام قلت عندي خبر لانه من شهر مغيره

في الأخير نصحني أحد الكهربائيين بالذهاب لورشه يمدح شغلهم بالكهرباء .. رحت لهم الصباح .. بعد ساعه اتصل علي قال أول شي البطارية انتهت ولازم تغييرها .. المشكلة الثانية من منظم الكهرباء الموجود تحت الدركسون جهة دعاسة الجلنط ..

الآن السيارة لها يومين ولا لاحظت شي .. وإن شاء الله تكون الأمور تصلحت

طيب ي ريت مكانه بالرياض ونهائية الشهر باامره ان شاء الله ولعلى وعسى تنحل المشكله
انا قروشتني هالمشكله اللي علتني

[سوووج]

هلا خالد

ما حبيت أوصفك إلا لما أتاكد من السيارة .. الحين لها أسبوع وما شاء الله ما حسيت بشيء .. وسافرت للمدينة ورجعت وما طلع معي ترميش الأنوار والحمد لله

رحت للورشة أسالهم عن المشكلة بالضبط وقال لي انها في منظم كهرباء السيارة وسووا له إعادة برمجه كلفتني 500 ريال ترى خبرتي بالسيارات قليله وحتى لما وديت لهم السيارة كنت مشغول وخليت لهم السيارة ما أدري وش صار إلا لما كلموني .. فأسال عندك بالحفر إذا أحد يسوي برمجه للسيارة يمكن توفر المشوار.

الورشة اللي بالرياض بالصناعية القديمة .. مخرج 17 على الدايري الشرقي تتجه غرب على طريق المدينة المنورة (كان اسمه طريق الامير سلمان) .. تجيك 3 اشارات متتالية بعدها انزل النفق بعد النفق تجيك اشارة .. ارجع منها في نفس الطريق (يوتيرن أو فوق تحت) وانت متجه شرق أول شارع على اليمين ادخله معه تجيك الورشة على اليسار أسمها الجابري

هذي الاحداثيات من خرائط قوقل


24.638533, 46.754723

+24° 38' 18.72", +46° 45' 17.00"

[ميكا مكشات]

مشكلتك في مفتاح الانوار الامامية

[kalmasharfeh]

غير فيوزات الإضائة الأمامية والخلفية والغرفة الداخلية


وخبرنا ويش يصير معاك -