رابطة ملاك باترول مكينة (لكزس)

[اسد نجد]

بالنسسبه للي يبون يرهمون 1 ابو يآرآ رجآل نصصوح وشغلـه عآل العآل لأن بعض اللي يرهمون مكآين اللكزس مثل بدر الحمد وابو علي المسلم بدآل مايخلون طرمبة الدركسسون وحده هم يقلبونهآ ثنتين وهذآ الشي غلط انآ اخذتلي موتر عليه شغل بدر الحمد وخربت الدوده ووديته لـ ابو يآرآ وقآل شغل الدوده كله خرطي بـ خرطي والحمد لله نضملي الدوده وصآر الموتر على الكيف واحسس فيه فرقيه بالعزم لآن بالاول كآن مشبوك على شداد بوسط السير والحين الغآ الشدآد وبعض الليآت اللي مآلهآ شغل والعلبـه حقت النيسآن الاصليه الغآهآ لي يعني ترتيب شغل ممتآز

اخوي معك حق ابو يارا نصوح ومانهضم حق بدر الحمد

للعلم علبة الدركسون وحده واللى كان عندك وتحسبة علية دركسون هذي علبة زيت هدروليك للمروحه هذي تجي لبعض المكاين لكزس اليابانية
مستحيل احد يركب علبتين للدكسون وبماان المروحة عندك كهرب خلاص مايحتاج تبي تلغيها فك العلبة
والليات وتفك قطعه اللي مشبوكه في صدر المكينة وعليها سيور وعليها هدروليك المروحة وتركب قطعه حق المكينة السعوديه اللى تجي بدون هدروليك وقضينا اللى تجي بدون هدروليك

[اسد نجد]

يآشبآب اللي يبي العزم بالقومــــــــه والمراقى وعززززززم خيآآآآآآآآآآآآآآآآآآآآآآآآآآآآل

يركب دفرنسآت ديزل امامي وخلفي وعيشششش يومك يفرق الموتر بالقومـه والمراقى 180 درجه

والله انك صادق دفرنسات الديزل تخلي الموتر يفحط في مكانه

والسبب ان الباترول كارونته 9.37
وتكون النمر طويله الاول تقريبا 60 والثاني حدود 90 والثالث حدود 160 والرابع يمد والخامس ترييح

الباترول ديزل كارونته 8.37
وتكون شاده مثل ربع التويوتا الاول حدود 40 والثاني حدود 70 والثالث حدود 135
والموتر يكون ماسك عزمه افضل من كوارين الديزل

ووكالة نيسان خلك كوارين الديزل شاده لان الديزل مافيه عزم لو صار مثل البنزين بيصير مايمشي
وتقدر تشرك الكوارين عن طريق كلتشان تخلي الكفرين الكلفيه كلها تدور

[اسد نجد]

حسب كلام واحد خبرة ومجرب

يقول الشعبه 3 انش والباقي 3 وربع ولازم دبه شركة

لان لازم يكون فيه ارتداد هواء



هل فيه احد نقل البطاريه او يعرف احد نقلها لان مكانها ضيق شوي على الفلتر

اخويعندي إضافه على كلامك

اذا كانت الشعبه 3 انش والكتب باك 3 انشر وربع وين بيكون الارتداد

الصحيح والافضل يكون الاقزوز 3 انش والكت باك 2ونص عشان يكون فيه اتداد والسياره تمشي معك

حسب كلامك بيكون عندك قومة جيده نوعا ما

لكن كخط مااعتقد السياره بتمشي

[اسد نجد]

كل عام وانت بخير
سجلوني معكم باترول 99 وباترول 92 جميعهم مكينه لكزس
بالنسبه للاخ روح البداوه صح معلومتك انا اللي كان يقولي نفس كلام سعد المفلح الله يذكره بالخير كان عند ابو علي المسلم
والان سمعت ثاني واحد يقوله وهو انت اجل دام اثنين كباتن سعد المفلح ومنصور الذياب اتفقو ان من 90 وتحت اقوى فاكيد ان هالمعلومه صحيحه

الموديلات مثل 88 اقوى مالها دخل الدفرنسات وانا جربت وفرطت الدفرنسات
لان كلها تجي 9.37

السبب في الموديلات القديمة القير عن تجربة قير 88 يمد بالاول زياده خمسه والثاني زياده خمسه

والثالث لاحظت ان يمد اكثر من خلال تجربتي مع واحد من الشباب قومه

لكن في التطعيس قير الجديد يمسك عزم الموتر افضل

[اسد نجد]

هلآ والله ومرحبآ هي تصلـح لوآحد رآعي مراقا ورآعي قومآت لآن الموتر تطلع فزتــــــــــــــــــــــه قويـــــــــــــــــــــــــــــــــــــــــه وبالمراقا مآينلحق وعززم خيآلي

لآكن بوقت السفر زي مآقلت حنت المكينـه مشكلـــــــــــــــــــــــــــــــــــــــه

لو تركب كارونه احشر من كارونة الديزل تقدر تسافر عليها عادي

لكزس نفسها طويل انا جربت كارونة الديزل امشي 120 تقريبا الضغط عندي 1800 دورة

والموتر يقطع على 4

ولالها حنه عاليه

[اسد نجد]

بالنسبه لتركيب كارونه الديزل
رراح تنفع بالخط والقوومه
والسبب لان المكيينه نفسها طويل مرا
وغالبا التعشيقه الخامسه ما تستخدم الى لتريح الموتر
يعني لو تركب كارونه ديزل راح تستفيد بالقومه
وبالخط وتستفيد من التعشيقه الخامسه
ولا تنسون ان اللكززس االار بي ام يوصل الى 7000 الاف دوره
يعني لو مركب كارونه ديزل ومعشق الخامس وتمشي 180 والضغط على 3 راح يعتبر انك مريح المكيينه

طبعا وجه نظر تحتمل الصواب والخطا ولم اجرب

انا مؤيد لكلامك

[الرمز الشامخ]

كم سعر الكارونه لاهنت

[d.27]

السلام عليكم
بالنسبه لدفرنس شاص النيسان هل تفرق عن دفرنس الصالون والربع؟
قد سمعت ان دفرنس الشاص الخلفي يكون دفرنس سحب ودفرنس الصالون يكون دفع
او العكس
هل هالكلام صحيح ؟
ارجوا الإفادة
طبعاً كلامي للموديلات 97 وتحت

[اسد نجد]

كم سعر الكارونه لاهنت

شف اخوي فيه كارونات تكون يابانية حقت الديزل

ويكون لها كلتشات يعني يصير بدال مايدور كفر واحد يدور كفرين وتكون اقوى

لان كل الكفرين تدور وتصير اقوى للموتر في البر وتقدر ترقى نفود بدون تشغيل الدبل

وميزة الكلتشات ان فيها امان بعكس الكرونه المشروكه بلحام لان اللي بلحام تكون مشبوكة على طول

لكن الكلتشات تسافر وتروح عليها وانت مرتاح متى يشبك الكفرين اذا دعست في قومه او فحطت او دعست وجلس الكفر يدور بترقى طعس

يعني تعطيك عزم وقت الحاجه

واسعارها تفرق

[اسد نجد]

السلام عليكم
بالنسبه لدفرنس شاص النيسان هل تفرق عن دفرنس الصالون والربع؟
قد سمعت ان دفرنس الشاص الخلفي يكون دفرنس سحب ودفرنس الصالون يكون دفع
او العكس
هل هالكلام صحيح ؟
ارجوا الإفادة
طبعاً كلامي للموديلات 97 وتحت

والله اخوي ماعندي علم

تاكد من عكوس الدفرنس وكم مقاس الكرونه وراح تعرف هل فيه فرق

لكن اعتقد ان الدفرنسات وحده

[اسد نجد]

بالنسبه لي
الشغل المضمون هو ابو علي المسلم
له ورشه مختص مكاين لكزسس ومكاين ls1
ويضمن شغله

المسلم مريته قلت له عندي تقطيع بالسياراة

قال بنفحصها لك ونشغل انفسنا ثم يطلع خراب بسيط وانا ماابي اخذ منك مبلغ بسيط اقل شي 1500 ريال قالها وطلعت عيوني وشغلت موتري ومشيت

ومره ثانيه تعطلت عندي طرمبة المويه وكلمته قلت تضبطها لي قال بندور لك في التشليح ولا لاتشغل نفسك غير المكينه كلها

صراحه بعد تعامله لي في المرتين هذي احرم اطب ورشته

[abo.suliman]

المسلم مريته قلت له عندي تقطيع بالسياراة

قال بنفحصها لك ونشغل انفسنا ثم يطلع خراب بسيط وانا ماابي اخذ منك مبلغ بسيط اقل شي 1500 ريال قالها وطلعت عيوني وشغلت موتري ومشيت

ومره ثانيه تعطلت عندي طرمبة المويه وكلمته قلت تضبطها لي قال بندور لك في التشليح ولا لاتشغل نفسك غير المكينه كلها

صراحه بعد تعامله لي في المرتين هذي احرم اطب ورشته

ايه صادز .. اللي شغله تسذا لا تقربه ولا يحوشك ابد

[بدر الجنوب 07]

السلام عليكم

اذا في احد عنده مكينة بترول 91 نظيفه يراسلني

[مرسال1]

السلام عليكم

اذا في احد عنده مكينة بترول 91 نظيفه يراسلني

أخوي

امس قريت في موقع حراج عرض مكينه للبيع

خش وشوف

[عصاقيل الدخله]

كل عام وانتم بخير وتقبل الله منا ومنكم صالح الاعمال

للبيع كوارين 8 امامي وخلفي لا جاها ترهيم ولا غيره فاكها من باترول ديزل

اللي له رغبه يراسلني على الخاص