رابطة ملاك باترول مكينة (لكزس)

[دايم الصدق]

700 تكلفة القطع
والشغل انا مغير بيدي
كان فيه قطع بسيط وغيرته اذا انت موجود في الرياض سير علي اشوفه لك

اخوي تميمي صباح الخير
عندي كتمه وتقطيعه في السيارة احيانا ودخان وعجزت اعرف المشكله
اذا تقدر تفيدني او ترسل رقمك على الخاص
لاهنت

[تميمي كول]

اخوي تميمي صباح الخير
عندي كتمه وتقطيعه في السيارة احيانا ودخان وعجزت اعرف المشكله
اذا تقدر تفيدني او ترسل رقمك على الخاص
لاهنت

هلا اخوي عندك الخاص مقفل
على العموم ادخل الى مشاركاتي تلقى الرقم

[Ahmadx7]

السلام عليكم

ياهل الباترول مكينة لكزس

وش افضل زيت للمكينة وكم تاخذ علبة مع السيفون وبدونه

[قناص سديرر]

السلام عليكم
لاهنتو ابي ارقام ورشات تسقط لكزس على الباترول سوا
كان بالقصيم او الوسطى ويا حبذا الاسعار
لأن قد كلمت واحد يقال له ابوعبدالرحمن وقال كامله بـ12 وانمسح رقمة

[احمدوووه]

يا شباب عساكم على ألقوه
ان شاء الله أني ابلقي ظالتي عندكم
ابي باترول عليه مكينة لكزس ٩٧
اهم شيء يكون الشغل زين ومرتب مثل شغل ابو يارا والحمد والمحترفين بهالشغله
ولكم كل الشكر والتقدير

[al-rmali]

السلام عليكم

ياهل الباترول مكينة لكزس

وش افضل زيت للمكينة وكم تاخذ علبة مع السيفون وبدونه

تسألت عن الموضوع من قبل مالقيت اجابه مقنعه
الصراحه
لكن انا الا الان في صدد التجربه وان شاء الله
اني اطلع بالزيت المناسب
تقدر تقول اللي طلعت به الى الان التر7
وان شاء الله فيه شباب اعرف مني يقرون
ردك ويعطون جواب شافي كافي بهالمساله

[al-rmali]

ياشباب الصراحه في مشكله مشغلتن اليومين
وابي ارائكم والحل من عندكم

المكينه فيها كتمه اليومين خصوصاً
اذا كان الاربي ام مابين ٣ الى ٣ونص
ومع الكتمه احياناً اذا شغلته اول التشغيل
يطلع كربون اسود وريحة البنزين او الكربون
فاقعه على طول وصرفيتها بالبنزين تصرف بقوه
احيانا ٦٠ لتر ماتمشيني ١٢٠ كيلو اذا كان اخضر
البواجي غيرته قبل كم اسبوع بواجي ليزر
والكويلات ما اشوف بهن بلا

قلت للكهربائي يفحصه كمبيوتر
قال الموتر مرهم مايدخله كمبيوتر الفحص
قلت يمكن البلا من (الشواكيش)
قال البلا لو انه من الشواكيش تلقى المكينه ترجف
وتقطع والمكينه فعلاً مافيه رجفه او تقطيع
بس كتمه وتطفي بعض الاحيان اذا تركت البنص

[Ahmadx7]

السلام عليكم
لاهنتو ابي ارقام ورشات تسقط لكزس على الباترول سوا
كان بالقصيم او الوسطى ويا حبذا الاسعار
لأن قد كلمت واحد يقال له ابوعبدالرحمن وقال كامله بـ12 وانمسح رقمة

مقدر افيدك الا بالي انا ركبت عنده هو الي اعرفه واعرف شغله


ورشة متعب السيف ببريده

ابو عبد الله

شغله حلو واخلاقه تمام ماشاء الله عليه

رقمه
0555131621

[دايم الصدق]

ياشباب الصراحه في مشكله مشغلتن اليومين
وابي ارائكم والحل من عندكم

المكينه فيها كتمه اليومين خصوصاً
اذا كان الاربي ام مابين 3 الى 3ونص
ومع الكتمه احياناً اذا شغلته اول التشغيل
يطلع كربون اسود وريحة البنزين او الكربون
فاقعه على طول وصرفيتها بالبنزين تصرف بقوه
احيانا 60 لتر ماتمشيني 120 كيلو اذا كان اخضر
البواجي غيرته قبل كم اسبوع بواجي ليزر
والكويلات ما اشوف بهن بلا

قلت للكهربائي يفحصه كمبيوتر
قال الموتر مرهم مايدخله كمبيوتر الفحص
قلت يمكن البلا من (الشواكيش)
قال البلا لو انه من الشواكيش تلقى المكينه ترجف
وتقطع والمكينه فعلاً مافيه رجفه او تقطيع
بس كتمه وتطفي بعض الاحيان اذا تركت البنص

اخوي عندي نفس مشكلتك وزود عليها تقطيعه احيانا في الخط وغيرت حساس الهواء والبواجي وشيكت على اسلاك البواجي وطرمبة البنزين
ولا لقيت حل الى الان
اتمنى القى حل

[سارق الكحل]

ممكن افضل من يركب مكينة لكزس بالشرقية
ابغى ناس مجربه شغلهم

[al-rmali]

اخوي عندي نفس مشكلتك وزود عليها تقطيعه احيانا في الخط وغيرت حساس الهواء والبواجي وشيكت على اسلاك البواجي وطرمبة البنزين
ولا لقيت حل الى الان
اتمنى القى حل

الله يعين شكل المشكله عويصه شوي
بس بإذن الله نتعاون يما نلقى له حل
والشباب ماراح يقصرون معنا ان شاء الله
لكن ابي اسالك تشك بالثروتل
يبي له تنظيف او به مشكله ؟

[فهد -]

السلام عليكم ورحمة الله وبركاته ..
الله يمسيكم بالخير جميعا اخواني اعضاء المنتدى

الموضوع الله يسلمكم ، عندي باترول صالون موديل 94 .. على سرعة 80 وفوق تجي رجه تنخل الموتر نخل كل شي بالسياره يهز ويرقل مع الرجه .. كل مازادات السرعه زادت الرجه وصار صوتها مزعج .. بعض الربع قالولي عمود الدبل او عمود الكردان ويمكن الصليبات تعبانه .... الخ .. نصحوني بورشة ( وحيد ) اللي بالصناعيه القديمه انه متخصص بعمود الكردان والدبل .. رحت له وقال ما اشتغل الباترول القديم ، وانها ماتتصلح !! يتغير احسن .. الجديد 2000 ريال والمستعمل 1500 ريال
سؤالي يالربع .. فعلا مايتصلح عمود الباترول ؟
وانكانه يتصلح تكفوون دلوني على ورشه متخصصه بعمدان كردان ودبل الباترول .. مليت من هالمشكله اكثر من ورشه امرهم ولا لقيت حل

بانتظار الردود لا هنتوو

[دايم الصدق]

الله يعين شكل المشكله عويصه شوي
بس بإذن الله نتعاون يما نلقى له حل
والشباب ماراح يقصرون معنا ان شاء الله
لكن ابي اسالك تشك بالثروتل
يبي له تنظيف او به مشكله ؟

الثروتل فكيته ونظفته ولا تغير شي

[االملتاع]

مطلوب قزاز باترول ربع جوانب السحاب الخلفي لون برونزي حق السفاري مديل 96

[الحر النداوي1]

السلام عليكم ورحمة الله وبركاته ..
الله يمسيكم بالخير جميعا اخواني اعضاء المنتدى

الموضوع الله يسلمكم ، عندي باترول صالون موديل 94 .. على سرعة 80 وفوق تجي رجه تنخل الموتر نخل كل شي بالسياره يهز ويرقل مع الرجه .. كل مازادات السرعه زادت الرجه وصار صوتها مزعج .. بعض الربع قالولي عمود الدبل او عمود الكردان ويمكن الصليبات تعبانه .... الخ .. نصحوني بورشة ( وحيد ) اللي بالصناعيه القديمه انه متخصص بعمود الكردان والدبل .. رحت له وقال ما اشتغل الباترول القديم ، وانها ماتتصلح !! يتغير احسن .. الجديد 2000 ريال والمستعمل 1500 ريال
سؤالي يالربع .. فعلا مايتصلح عمود الباترول ؟
وانكانه يتصلح تكفوون دلوني على ورشه متخصصه بعمدان كردان ودبل الباترول .. مليت من هالمشكله اكثر من ورشه امرهم ولا لقيت حل

بانتظار الردود لا هنتوو

كان عندي نفس مشكلتك الموتر بالكامل ينتفض غيرت صليبات عامود الدوران وضبط الموتر